संडे स्पेशल (दाल फ्राय, जिरा राईस)

मी सरळ शिजलेला भात करुन फोडणीवर परतायचे जिर्‍याच्या...झाला जिरा राईस्..आता हे करुन पाहीन्..झाकण ठेवत नाही म्हणून इतकं जास्त पाणी लागतं का?
मुगाच्या डाळीऐवजी तूर डाळ वापरुन सेम क्रुती केली तर चालेल का?

मग भात करताना मीठ घालायचं ना कि सगळं नंतरच लावायचं?
पुर्ण शिजवलेला भात चाळणीत काढून २ तास निथळायचा ना? म्हणजे पेज काढून टाकायची ना?

तूरडाळ वापरली तर चवीत थोडा फरक पडतोच...
मग तो फरक चांगला की वाईट? आपण रेस्टॉरंट मधे खातो ती तूरडाळ असते ना?

वैतागू नको गं माझ्या प्रश्नांना.....

>> आपण रेस्टॉरंट मधे खातो ती तूरडाळ असते ना?

माझाही हाच प्रश्न

आपण रेस्टॉरंट मधे खातो ती तूरडाळ असते ना?

वेगवेगळ्या उपहारगृहात वेगवेगळ्या डाळी वापरतात. मला आवडलेल्या पाककृतींमध्ये 'दाल फ्राय' साठी मसूर दाल आणि 'दाल तडका' साठी तूरडाळ वापरली आहे. मी तशाच डाळी पसंद करतो.

मसूर दाल चा ऑप्शन पण छान आहे.....
सगळ्या डाळींचे या पद्धतीने करुन पाहाते...
ब्राऊन राईसचा भात करताना जरा आणखी जास्त पाणी घालावं लागेल बहुदा... :?

माझी तर ही ऑर्डर हॉटेलातील नेहमीचीच, त्यामुळे माझा ग्रुप मध्ये तर मला खुप चिडवतात.
पण मला ही डीश खुप आवडे, आणि घरी देखिल माझा आठवड्यातुन एकदा हा मेनु असतोच.
पण मी उदीड डाळ आणि तुरडाळ एकत्र करून मग डाळी तुझ्या प्रमाणे कृती करते आणि मसाला फक्त एम्.टी.आर्.चा असतो.

स्वातीताई.. जिरा राईस अन् दाल तडका मस्तच!

मनस्वी
"मृगजळाला पाहुन तुम्ही फसला नाहीत तर स्वतःच्या बुद्धीची तारिफ करु नका. हे मान्य करा की तुम्हाला तहान लागली नव्हती."

स्वातीताई,

गं बाई मिपाच्या अन्नपूर्णे, तुझा दालफ्राय आणि जिराराईस नेहमीप्रमाणेच झकास! तेवढं फोटू मात्र पाठवायचा बघा हो. आम्हाला तुमच्या पाकृंचे फोटू पाहण्याचीही खूप तमन्ना आहे! :)

तात्या.

मी जिर्‍याची फोडणी करुन त्यात, तांदूळ परतते अनि मग शिजवते.. होतो चांगला, पण एकदम फडफडित व मोकळा नाही होत..
भात वेगळा शिजवल्याने तसा होत असेल का? करुन पहिले पाहिजे..एखाद्या "शाकाहारी रविवारी".... :D

माझी आवडती पाकॄ.
फक्त माझी पद्धत जरा सोपी आहे! म्हणजे कमीत कमी कष्टांची. मी दाल - फ्राय तुरीची डाळ, जिर्‍याची फोडणी, आल्याचे तुकडे, मिरच्या आणि कोथिंबीर घालून करते. डाळ जरा दाटसर ठेवते. पण कांदा, अनारदाणे, कसूरी मेथी घालून छानच होत असेल डाळ.

माझ्या आवडीचा पदार्थ !!

माझेही काही प्रश्न -
२-३ डाळींचे मिश्रण करतात ते फक्त दाल तडका मध्ये का? आणि दाल तडका मध्ये डाळ घोटून घ्यायची आणि वरून तडका मारायचा फक्त, बरोबर?

स्वाती पाकृ मस्तच आहे.
मी मसूरीची डाळ प्रेफर करते दालफ्रायला.कसूरी मेथी नाही घातली कधी आणि आमचूर घालते.आता अनारदाना घालून पाहिन.आल्याचे आणि मिरचीचे बारीक तुकडे मात्र घालते हं भरपूर.
आणि एक शंका- भात मोकळा हवा तर ७ वाट्या पाणी जास्त नाही होत?
माझा शॉर्टकट-
१ वाटी भाताला पावणे दोन वाट्या पाणी घेते. त्यात चमचाभर मीठ आणि चमचाभर साजूक तूप घालते आणि मायक्रोवेव ला हाय पॉवरवर झाकण न ठेवता आधी ८ मि. ठेवते,मग उघडते, थोडी वाफ जाऊ देते आणि परत ७ मि. ठेवते.भात झाला की ताटात काढून पसरते म्हणजे वाफ जाते आणि अगदी मोकळा भात होतो.शीत न शीत वेगळे होते. पुलाव,फ्राइड राईस इ.साठीही मी असाच करते भात.
स्वाती

आमचूर घालते.आता अनारदाना घालून पाहिन

दोन्ही घालू नये. दोन्ही आंबट आहे.