नामूमकीन हा चित्रपट कुणी पाहिला आहे काय?

या चित्रपटाविषयी परिकथेतील राजकुमाराने कल्पना केल्याप्रमाणे 'ह्या चित्रपटाने 'झीनत अमान' ह्या त्या वेळच्या चलनी नाण्याच्या जोरावर पहिल्या आठवड्यात आपले नाणे वाजवुन घेतले असावे' असे काही मला वाटत नाही. एक तर हा चित्रपट १९८९ सालचा आहे असे ह्याच्या प्रमाणपत्रावरून कळते व त्या काळी मी चित्रपटांची अत्यंत उत्सुकतेने माहीती घेत असे व त्या काळी झीनत अमान हे चलनी नाणे नव्हतेच मूळी. तो माधुरी, श्रीदेवी व जूही यांचा काळ होता. असो, तर मुद्दा हा की झीनत अमान च्या नावावर चित्रपट चालवणे शक्य नव्हते.

चेतन सुभाष गुगळे
भ्रमणध्वनी - ०९५५२०७७६१५
Electronic Mail Address :- chetangugale@gmail.com

वर उल्लेख केल्याप्रमाणे ह्या चित्रपटाचे साल जरी १९८९ असले तरी तो १९८९ ला प्रदर्शित झाल्याचे मला तरी आठवत नाही. मी हा चित्रपट प्रथम पाहिला तो १९९३ च्या डिसेंबर महिन्यात दूरदर्शनच्या राष्ट्रीय प्रसारणात. त्या काळी दूरदर्शनवर दर शनिवारी सायंकाळी हिन्दी चित्रपट दाखविला जाई. परंतू ११ डिसेंबर १९९३ च्या त्या शनिवारी काही अपरिहार्य कारणामुळे चित्रपट अचानक सायंकाळच्या ऐवजी दुपारी दाखविण्यात आला. ही बाब आधी जाहीर न केल्यामुळे अनेक जण तो पाहू शकले नाहीत. मी घरात त्यावेळी एकटाच असल्याने कंटाळलो होतो व त्यामुळे टीव्ही लावला तर चित्रपटाचे प्रमाणपत्र दाखवले जात होते. पुढे चित्रपट संपेपर्यंत टीव्ही समोरची नजर ढळली नाही.
हृषिकेश मुखर्जींनी एक अगदी अशक्य वाटणारी कथा सादर केली होती. या कथेने मला अगदी भारावून टाकले. हा चित्रपट इतरांना कसा वाटला हे जाणण्यासाठी अतिशय उत्सुक होतो. पण नंतर मला कळले की प्रसारण ठरलेल्या वेळे अगोदर झाल्याने तो माझ्या माहितीतल्या कुठल्याच व्यक्तिने बघितला नव्हता. त्यानंतर हा चित्रपट पुन्हा एकदा तरी बघायचाच असे मी ठरवले आणि माझ्या प्रयत्नांना ११ वर्षांनी यश आले. २००४ मध्ये मला या चित्रपटाची VCD मिळाली. त्यानंतर मी स्वत: हा चित्रपट कुटूंबियांसमवेत पुन्हा बघितला त्याचप्रमाणे परिचयातील इतर अनेकांना दाखविला. सर्वांनाच तो फ़ार आवडला. इतका अप्रतिम चित्रपट आपल्या पाहण्यात कसा आला नाही तसेच या चित्रपटाविषयी काहीच चर्चा ऐकण्यात / वाचण्यात कशी आली नाही यावर सर्वांनीच आश्चर्य व्यक्त केले.

चेतन सुभाष गुगळे
भ्रमणध्वनी - ०९५५२०७७६१५
Electronic Mail Address :- chetangugale@gmail.com