अफलातुन पुणे...अफलातुन वाक्ये :-

1) कृपया खिडकीतुन पत्र टाकु नयेत. आमटीत पडतात, चव बिघडते.
2) धूळ साचलेल्या गाडीच्या काचेवर :- आता तरी पुसा.....
3) ख़ोदुन ठेवलेल्या रस्त्यावर: भव्य पुणे मोटोक्रॉस स्पर्धा :-: सौजन्य पुणे महानगरपलिका
4) लाकडी जीन्यावर : चढण्यासाठी वापर करावा... वाजवण्यासाठी नव्हे.
5) होटेल मधे : कामाशीवाय बसु नये..
6) दुपारी १ ते ४ दार वाजवु नये. येथे माणसे रहातात व ती दुपारी झोपतत..
अपमान कसा होतो ते पहायचे असल्यास वाजवुन पहा....
7) कोर्या कागदाची झेरोक्स काधुन मिळेल.
8) येथे जोशी रहात नाहीत. चौकशी करु नये, अपमान होईल...
९)येथे कचरा टाकू नये साभार परत केला जाईल

काथ्याकुट

छत्रपति,
लई काथ्याकुट झालेला आहे या वाक्यांचा. पण दर वेळेला वाचताना हसु येतं.
आपला,
बहुरंगी मिसळे

अजून १

येथे सर्व भाषांमध्ये 'झेरॉक्स' काढून मिळेल. ;)

शस्त्र

काही वर्षा॑पूर्वी नारायण पेठेमधील 'अनामिका भेळ' ह्या दुकानामध्ये एक पाटी होती ज्यावर बर्‍याच (पण कॉमन) सूचना होत्या. त्यात सर्वात शेवटची सूचना एकदम डेडली होती. निदान भेळीच्या दुकानात विस॑गत वाटली.
'शब्द हे शस्त्र आहेत, जपून वापरावे'

पुणेरी पाट्या

पुणेरी पाट्या हा एक स्वतंत्र विनोद विषय आहे, हे खरे!

Doing what you like is freedom. Liking what you do is happiness.

आणखी एक

येथे न वाजलेल्या फटाक्यांना वाती लावून मिळतील....((((((

आणखी एक..

बँकेत काऊंटरवर : इथे तबल्याचा ठेका धरू नये..

- प्राजु.

आणखीन एक - ओरीजनल

पुण्यातल्या एका चान्गल्या टेलर कडे शर्ट शिवायला गेलो होतो, तेव्हा त्याने एक पावती दिली, त्यावर लिहीले होते "ठरलेल्या तारखेला कपडे देण्याचा आम्ही कसोशीने प्रयत्न करतो, पण उशीर झाल्यास तक्रार चालणार नाही..."

प्रशान्त

एका खानावळीत.....( बहुतेक बादशाही बोर्डिंग हाउस मध्ये...)

येथील वाढप्यांशी सलगी करून त्यांना चिरीमिरी देऊ नये... त्यांना वेळच्या वेळी पगार दिला जातो.

बादशाही बोर्डिंगमधील सूचना

"काउंटरवर चौकशी करण्यापूर्वी बोर्डावरील सूचना वाचाव्यात."

अवांतर - मी बादशाही बोर्डिंगचा दोनेक वर्षे (१९९०-९१) सभासद होतो . त्यावेळी तिथे एक व्यवस्थापक होते; काळी टोपी घातलेले, गोरे-गुलाबी, तुकतुकीत गृहस्थ; ते अत्यंत शिस्तीचे होते. पक्के पुणेकर. (आता ते आहेत की नाहीत कल्पना नाही.) एकदम आत येऊन कोणी त्यांच्याकडे चौकशी करायला लागला की ते काहीही न बोलता, चेहरा मख्ख ठेवून वरील पाटीकडे बोट करीत, आलेला माणूस वरमून जाई आणि तिथे जेवणासाठीच्या नंबरची वाट बघणार्‍यांमधे खसखस पिके!

चतुरंग

पर्वतीच्या

पायथ्याला एका घरासमोर एक पाटी आहे.

सुज्ञ व सुजाण नागरीकाना विनंती आहे की त्यानी गेट समोर वाहने लावु नयेत.

बालगंधर्व येथे
बर्‍याच पाट्या आहेत. एकदम पुणेरी आहेत त्या.
पर्वतीवर एक कार्यालय आहे तिथे पाहिलेली पाटी.
"हे कार्यालय आहे आत पाहण्यासारखे काही नाही" :)

http://www.busybeescorp.com/puneripatya/

इथे बर्‍याचशा पुणेरी पाट्या पहायला मिळतील.
अगदी साइटच्या सुरवाती पासुनच पाट्या आहेत :)
तुम्हीही तिथे फोटो देवुन सहभागी होउ शकता.

दे दणादण!

झकासराव, जबरी दुवा दिलात. सॉलिड पाट्या आहेत!
साईटवर वरच्या बाजूला येणारे मेसेजेस सुध्दा नामी आहेत.

चतुरंग

व्वा. मजा

आली. धन्यवाद.

@चतुरंग, मी

@चतुरंग,
मी सुद्धा दोन वर्षे बादशाहीचं जेवण घेतलंय....१९९१ते ९३....त्या मालकांचं नाव बहुधा सहस्रबुद्धे असावं.....

सहस्रबुद्धे

नाही.. बापट..बापट..... ते पाटिवर नावे लिहून घ्यायचे , पांढरी विजार आणि गुरू शर्ट.. आणि ते गल्ल्यावर बसायचे त्या ८० वर्षाच्या अजोबांच नाव विसरलो.. साने का काणे अस दोन आक्षरी एकारांत होते..