झोप

दुपारी माझा सूर्य उगवे
मावळतीची नसे निश्चित वेळ
जाग आल्यास झोपी जाण्याचा
असाच आहे माझा हा खेळ

सकाळी उठवून म्हणते आई
शाळेला जायचंय कर घाई
दोन मिनिटांत उठतो म्हणुनी
माझी स्वारी झोपून जाई

कविता पाठ होत नाही
कडवे किती बडे बडे
झोपेत बनवे मी कित्येक गाणी
आनंदी आनंद गडे

संगीताचे जसे असतात सूर
तसेच असे माझे घोरणे
जी कुंभकर्णाची तत्वे होती
तीच आहेत माझी धोरणे

मला सारखी झोप येते
त्यावर काही नाही उपाय
तुम्हीच सांगा मंडळी आता
मी नेमके करू काय?

-पाणी पुरी
(ही कविता मध्यरात्री झोप लागत नसल्याने मी चंद्रप्रकाशात तयार केलेली आहे)

छान आहे. मजा आली. आजच एक बडगा आणून आपल्या मातोश्रीना पाठवीत आहे. तेव्हा लवकर झोपा, लवकर उठा व सूर्यप्रकाशात कविता करा. म्हणजे चांदणे पाहायला तुम्ही जागे राहणार नाहीत. उशिरा उठलात तर बडगा हाणून मातोश्री ते सकाळीच दाखवितील.

पाणीपुरी राव,
छान आहे कविता. आणखीही येऊद्यात.
मला तशी दुपारीची झोप ज्याला वामकुक्षी म्हणतात .. ती लागत नाही.. त्यावर एखादी अशीच कविता लिहून पाठवा..:))

- प्राजु