कोर्न पालक राइस

साहित्यः १ वाटी तांदुळ २ वाट्या पालक पेस्ट १ वाटी मक्याचे दाणे १ चमचा धनेजिरे पूड २ हिरव्या मिरच्या(आवडीप्रमाणे कमीजास्त) २ लवंगा,३-४ काळे मिरे,१ तुकडा दालचिनी १ तमालपत्र १ चमचा साजूक तूप मीठ चवीप्रमाणे तेल कृती: पालक धुवुन पाण्यात ५-७ मिनिटे उकळवून घ्यावा.या पालकाची हिरवीमिरची घालून पेस्ट करुन घ्यावी. तेल गरम करुन मोहरी,जिरे,हळदीची फोडणी करावी.त्यात लवंगा,मिरे,तमालपत्र घालून परतावे. या फोडणीत धुतलेला तांदुळ घालून परतावा.पालक पेस्ट्,धनेजिरे पूड्,मक्याचे दाणे,मीठ घालून परत एकदा परतून घ्यावे. वरून चमचाभर साजूक तूप घालावे. जरूरी प्रमाणे उकळते पाणी घालून भात शिजवून घ्यावा. हा भात नूसताच,रायत्याबरोबर कसाही खाउ शकता.