पाककृती
"तिखट-मिठाच्या पुर्या"
Primary tabs
साहित्य-- दोन वाट्या कणीक, दोन चमचे बेसन पिठ, दहाबारा लसूण पाकळ्या, दोन चमचे जिरे व दोन चमचे ओवा, लाल तिखट एक चमचा, हळद अर्धा चमचा, कोथिंबीर भरपुर बारीक चिरुन, मीठ चवीनुसार,
हिंग थोडासाच, तेल तळणीसाठी.
कॄती- - ओवा-जिरे बारीक करुन घ्या, लसुण पण वाटून घ्या, कणीक व बेसन पिठ एक्त्र करुन घ्या, त्यात चवीनुसार मिठ टाका,सर्व वरील इतर साहित्य एकत्र करा, पिठामध्ये एक चमचा कडकडीत मोहन घाला, पिठ घट्ट मळून घ्या, छोट्या पुर्या लाटून कडकडीत तेलात तळुन घ्या.
गरम खा ----गार खा --कशाही चांगल्याच लागतात. प्रवासात नेण्यास उत्तम, पोटभरीचा खाऊ.
उद्याचा नाश्ता ठरला! बरोबर दही चांगलं लागेल.
ह्याबरोबर एखादी चटणी वगैरे सुचवायला हवी कोणीतरी.
टोमॅटो सॉस बरोबर छान लागतात या पुर्या.....
आंणी चहाबरोबर खाल तर ....अहाहा ....
शानबा, या पुर्यांबरोबर चटणीपेक्षा कैरीचं लोणचं फार मस्त लागतं.
शानबा, या पुर्यांबरोबर चटणीपेक्षा कैरीचं लोणचं फार मस्त लागतं.
पुर्या मस्तच
मला तर घरची पुरी शिळी पन आवडते
माझी आई ह्यात कनिक तिंबताना दही टाकते चव व्रुद्धीसाठी
आनि २ चमचे साखर ह्याने पुरी टम्म फुगलेली राहते
बाकि सोबत कोरडी तिखट शेण्गादान्याची चटनी
किंवा ही चटनी दह्यात कालवुन पन छान लागते
निवेदिता ताई उद्या सकाळी आलेच हं मी खायला .
आपल्या एकदम फेवरीट.
ही रेसिपि छान आहे असं मी लिहितो आहे, पण हे जर माझ्या बायकोनं वाचलं तर मला लई मारणार आहे.
असो विनोद बाजुला, हा माझ्या बायकोचा करायला आवडता प्रकार आणि काही कष्ट न करता खायला मिळतो म्हणुन माझा ही.
ह्या पु-या लाटुन झाल्यावर त्यावर लसुण व हिरव्या मिरच्या(मापं आपल्या आपल्या हिशोबाने ) यांची पेस्ट करुन लावावी तळायच्या आधी. लई भारी लागतंय.
हर्षद
ह्यात २ चमचे रवा घातलात तर पुर्या ट्म्म फुगतिल...
हा माझादेखील आवडता पदार्थ आहे .
जबर्या !!
कोणी करुन घालतय का ?