पाककृती

चिकन आणि भाकरी

By जासुश  ·   ·  12925 reads  ·  2 bookmarks
चिकन आणि भाकरी Image removed. चिकन-५००ग्रॅम दहि हळद लाल तिखट-२ चमचे मीठ तेल चिकन मसाला टोमॅटो-१ चिरुन वाटण साहित्य सुके खोबरे - अरधी वाटी कांदे- ४ लसूण-२० पाकळ्या आले हिरवी मिरची-७-८ जिरे कोथिंबीर. चिकन ला १चमचा दही लावून मुरत ठेवावे. खोबर्‍याचे काप तव्यावर भाजून घ्यावेत. थोडे तेल तव्यावर टाकून कांदे चांगले तपकिरी होई पर्यंत भाजा.मिक्सर मधे खोबरे,कांदे आणि वाटना चे बाकीचे साहित्य थोडे पाणी घालून वाटून घ्यावे. Image removed. कढईत तेल टाकून त्यात वरील वाटण टाकावे. थोडे फ्राइ झाल मग त्यात हळद, मिठ, लाल तिखट,चिकन मसाला टाकावा. मसाल्याचा एक सुगंध येऊ लागेल मग टोमॅटो टाकावेत आणि फ्राइ करावे मग त्यात चिकन टाकावे. आणि चिकन पूर्ण शीजल्यावर भाकरी सोबत सर्व करावे.....
गणपा

आज संकष्टीचा मुहुर्त साधुन दु:खी कष्टी करायचा डाव मांडलाय होय?

Mrunalini

हो ना.... अगदी मुहुर्त शोधला आहे यांनी. आम्ही साबुदान्याची खिचडी खातोय आणि हे मस्त चिकन वोरपतायत.

दीविरा

गणपा ह्यांच्याशी सहमत. आज हा धागा मी उघडला नाही ...असेच समजते :)

Mrunalini

वा वा वा.... तोंडाला पाणी सुटले. मस्त.

कच्ची कैरी

वा चिकन तर मस्तच दिसतय !आणि भाकरी कसली आहे ?चिकन आणि भाकरी नाव दिले आहे पण भाकरीची पाकृ.दिलेली नाही .

Mrunalini

तांदुळाची भाकरी वाटतीये.

जासुश

ओ भाकरी तांदुळाची आहे. चिकन बरोबर मी तांदळाची भाकरीच खाते आणि मटन असले की बाजरीची..
हा रविवारचा बेत होता.. :)

निवेदिता-ताई

भाकरी छान वाटतिये....(मी अजुन तांदुळाची भाकरी खाल्लीच नाही...)

जासुश

निवेदिता-ताई , तांदुळाची भाकरी बनवायला अगदी सोपी असते..आणि खायला तर अहाहा....अगदी मौ असते.
भाकरी सोबत लोणचे जरी खाल्ले तरी छान लागते. दुसर्या भाजीची गरजच नाही..अर्थात मला भाकरी बनवायची तेवढी सवय नाही..पण ताटात जशी भाकरी आहे त्याची रेसिपी मी टाकिन.

गवि

असह्य भूक चाळवली..

काय ब्रं क्रावं..

फक्कड पाकृ.. धन्यवाद..

अवलिया

उद्या बघतो धागा ;)

गणेशा

मस्त परवाच नाशिक ला जावुन "छान" मध्ये हानलेल्या चिकन आणि भाकरीची आठवण झाली..

योगप्रभू

ताटात बाजूला फक्त लिंबाची फोड ठेवलीय. मीठ आणि कांदा कोण ठेवणार?
ताट वाढा म्हटले, की बसले आपले भाकरी, रस्सा आणि थोडासा भात घेऊन.
तांदळाची भाकरी ठेवलीय, पण सोलकढीची वाटी कुठय?
हे असलं अर्धमुर्ध ताट आमच्यासारख्या खानदानी घरात चालत न्हाय.

-म्हातारबाबा-

(मजेत घ्या हो. :))

निवेदिता-ताई

हम्म...........त्या चिकनच्या ऎवजी दुसरी शाकहारी भाजी ठेवा बॊ त्या ताटात..........:

पंगा

शिक्रण चालेल काय?

"शिक्रण ही तर आयत्या वेळी उपटलेल्या पाहुण्याची बोळवाबोळव आहे." - पु.ल. देशपांडे. (लेखः 'माझे खाद्यजीवन', संग्रहः 'हसवणूक'. स्मरणातून उद्धृत; शब्दावलीत किंचित फेरफार शक्य.)

मीली

झणझणीत दिसते आहे चिकन! झक्कास ! भाकरी पण मस्त दिसते आहे!
फोटो पाहूनच पोट दुखायला लागले.