हमारे पाक इरादे...

जीवनात ही घडी अशीच राहू दे...
हे तुम्ही ऐकले आहेच...
जेवणात ही कढी अशीच राहू दे...
हे ही तुम्ही कुठेतरी ऐकले असेल...
पण त्याच्या पुढचे माझ्याकडून ऐका...
आणि हो;चालीत कढी गायली तर चव छान लागेल..

जेवणात ही कढी अशीच राहू दे..
त्यावरी तुपाचा तवंग नाचू दे.. ||

घुसळले वाडग्यात दही देखणे..
उमलुनी येते नवनीत वेगळे..
उरलेला ताकवा कढीस लाभू दे...||

हळुच तुपात फोडणीला जिरा आगळा..
कडिपत्ता स्पर्शुनी ये गंध वेगळा..
हळदीतुन अंग अंग धुंद होऊ दे.. ||

राहू देत 'उकळी'ला नित्य हासता..
स्वर्गीचा नाद फुटे कढी भुरकता..
पंगतीला कढी पीत धन्य होऊ दे.. ||