सुंदर तलम रेशीम.. (धागा -३)

पाऊस झिरमिर झिरमिर
पानापानात बरसतो
पाऊस अल्लड अवखळ
धरेशी पिंगा घालतो..

- प्राजु.

चला शो मस्ट गो ऑन...

पाण्यात वाकूनी तरू
प्रतिबिंब आपुले पाहते
क्षितिजाला टेकूनी नभ
धरेला गूज सांगते..

- प्राजु

ऋषिकेश....
फारच सुंदर...

बिलगूनी या धरेला आकाश गूज सांगते या गाण्याची आठवण झाली.

लाजलाजली पाहूनी भास्करा
पांढ-या वस्त्रा आड लपली
हळूच सरला नाजूक पदर
अन अवनी ती धुंदित झाली

- प्राजु.

धन्यवाद.. विनोबा,
उद्या या पुन्हा..असेच.

-प्राजु.

मन माझे हिरवे हिरवे
घेई झेप आकाशी
पंख पसरूनी पुन्हा
विसावे तुजपाशी..

- प्राजु.

अमेरिकेत आहे मी.

- प्राजु.

माझ्या मनाचा थांग
मी कवितेतून मांडला
चारोळीतून शब्दांचा
सडाच इथे सांडला..

- प्राजु.

खूप खोल जाऊनही
नाही समजले तिचे मन
तिने मात्र अर्पिले मला
तन, मन आणि धन..

- प्राजु.

भवनेला शब्दात गुंफून मी
कागदावर ठेवले..
माझे मनंही नकळत
अश्रू बनून ओघळले..

- प्राजु.

अबोल अबोली फुलून आली
आज माझ्या अंगणी..
हजार नक्षत्रे क्षणात हसली..
रूप तिचे पाहूनी..

- प्राजु.

तुझं हसणं जणू
चांदण्यांच शिंपणं...
तुझ्यात गुंतून माझा
'मी'पणा संपणं...

- प्राजु..

मनांत माझ्या
मोराची केकारव
मिपाकरांचे प्रेम असेच मिळो
हीच देवाकडे आर्जव..

- प्राजु

समुद्राने एकदा
गोड व्हायचं ठरवलं
माशांच्या अश्रुंनी
सारं पाणी खारावलं..

- प्राजु

जीवनाच्या संगीतात
तू माझा सूर आहेस
माझ्या ललाटीचा
तू नूर आहेस..

- प्राजु

ढग दाटून असे आले
मनांत काहूरांचे
गालवरती ओघळले
थेंब कोणते... पावसाचे?

- प्राजु.

पाऊसही असा
वेड्यासारखा वागतो..
तुझ्यासोबत भिजावं तर..
फक्त शिंतोडे उडवून जातो
- प्राजु

छान आहे चरोळी.. भांगाची.

रात्र अशी अबोल
ढ्साढसा रडते
रजनी नाथालाही
अंधारातच ठेवते..

- प्राजु

वेडा आहेसच तू
हे काही नवे नाही
मुक प्रेम करणे, तुला
दुसरे काही हवे नाही
- प्राजु.

शब्द मुके होतात
वाणी द्वेश करते..
तुला पाहताक्षणी
नजरच माझी बोलते..

- प्राजु.

खूप काही बोलूनही
मी काहिच बोलले नाही
तुझ्या दोन शब्दांनी
मी माझीच उरले नाही..

- प्राजु

गळताना झाडावरून
प्राजक्त मुसमुसतो..
क्षणभंगूर जीवन त्याचे
पण आसमंत फुलवतो

- प्राजु

वेड्यासारखे वागणे
म्हणजे नक्की कसे?
कमळामध्ये भुंग्याने
मिटून जाणे जसे?

- प्राजु.