सुंदर तलम रेशीम.. (धागा -३)

पाऊस झिरमिर झिरमिर
पानापानात बरसतो
पाऊस अल्लड अवखळ
धरेशी पिंगा घालतो..

- प्राजु.

चला शो मस्ट गो ऑन...

धरेशी पिंगा घालतो
पावसाचा गहिवर
की धरेस भेटाया बरसला
मेघकुंभ अतिआतुर

पाण्यात वाकूनी तरू
प्रतिबिंब आपुले पाहते
क्षितिजाला टेकूनी नभ
धरेला गूज सांगते..

- प्राजु

धरेला गूज सांगते
अतिचपळ विद्युल्लता
धरणीही मग लाजून भिजते
ऐकून आकाशाची कथा

ऋषिकेश....
फारच सुंदर...

बिलगूनी या धरेला आकाश गूज सांगते या गाण्याची आठवण झाली.

बरसणार्‍या मेघांच्या तालावरी
हिरवेगार पीक डौलती
जणू पावसाच्या स्पर्शाने
धरणीचे रोमांच उभे राहती

लाजलाजली पाहूनी भास्करा
पांढ-या वस्त्रा आड लपली
हळूच सरला नाजूक पदर
अन अवनी ती धुंदित झाली

- प्राजु.

आज झाले मज काय
नाही 'मी' तो कालचा
काल मन माझे होते
आज 'मी' झालो मनाचा...

चला आज झोप अनावर झाली आहे,काही लिहायच्या मूड मधे नाही...सॉरी :(
उद्या पुर्ण तयारीत येईन आणि आजची कसूर काढीन....

(मनमौजी) -इनोबा

आज 'मी' झालो मनाचा
पण माझे मन आहे कोठे?
घेऊन गेलीस ते तुजसवे
आता उरले फक्त नाते

धन्यवाद.. विनोबा,
उद्या या पुन्हा..असेच.

-प्राजु.

न लगे थांग तिच्या
अथांग मनाचा
गुंता कसा सोडवू मी
न उमजलेल्या भावनांचा

मन माझे हिरवे हिरवे
घेई झेप आकाशी
पंख पसरूनी पुन्हा
विसावे तुजपाशी..

- प्राजु.

अमेरिकेत आहे मी.

- प्राजु.

माझ्या मनाचा थांग
मी कवितेतून मांडला
चारोळीतून शब्दांचा
सडाच इथे सांडला..

- प्राजु.

माझ्या मनाचा थांग
न समजला तिला
बांधून मोकळी झाली ती
राखी माझ्या हाताला :((

खूप खोल जाऊनही
नाही समजले तिचे मन
तिने मात्र अर्पिले मला
तन, मन आणि धन..

- प्राजु.

तिच्या मनाच्या डोहात
मारूनी खोल बुडी
मला न समजे कोठे
माझ्याबद्दलची भावना दडी

(दडलेला) छोटी टिंगी

भवनेला शब्दात गुंफून मी
कागदावर ठेवले..
माझे मनंही नकळत
अश्रू बनून ओघळले..

- प्राजु.

अबोल अबोली फुलून आली
आज माझ्या अंगणी..
हजार नक्षत्रे क्षणात हसली..
रूप तिचे पाहूनी..

- प्राजु.

तसं पाहीलं तर

खेळला तर जुगारही चांगला आहे

काहीचं नसण्या पेक्षा

मोल आला तर भंगारही चांगला आहे

@सनिल

तुझं हसणं जणू
चांदण्यांच शिंपणं...
तुझ्यात गुंतून माझा
'मी'पणा संपणं...

- प्राजु..

प्रेम' ..... शब्ध दोन अक्षरांचा
नुसता ऐकला तरी हर्ष होतो
आणि ऊच्चारला तर
दोन ओठांमध्ये स्पर्श होतो

@ सनिल

मनांत माझ्या
मोराची केकारव
मिपाकरांचे प्रेम असेच मिळो
हीच देवाकडे आर्जव..

- प्राजु

समुद्राने एकदा
गोड व्हायचं ठरवलं
माशांच्या अश्रुंनी
सारं पाणी खारावलं..

- प्राजु

जीवनाच्या संगीतात
तू माझा सूर आहेस
माझ्या ललाटीचा
तू नूर आहेस..

- प्राजु

स्वप्न अधूरी सोडून तू
जाशील असं वाटलं नव्हतं...
सुखाची किरणे झाकोळणारं
ढग तेव्हा दाटलं नव्हतं...

(......) -इनोबा

ढग दाटून असे आले
मनांत काहूरांचे
गालवरती ओघळले
थेंब कोणते... पावसाचे?

- प्राजु.

पाऊसही असा
वेड्यासारखा वागतो..
तुझ्यासोबत भिजावं तर..
फक्त शिंतोडे उडवून जातो
- प्राजु

छान आहे चरोळी.. भांगाची.

रात्र अशी अबोल
ढ्साढसा रडते
रजनी नाथालाही
अंधारातच ठेवते..

- प्राजु

वेडा आहेसच तू
हे काही नवे नाही
मुक प्रेम करणे, तुला
दुसरे काही हवे नाही
- प्राजु.

शब्द मुके होतात
वाणी द्वेश करते..
तुला पाहताक्षणी
नजरच माझी बोलते..

- प्राजु.

सगळ्याच गोष्टी सांगूनही
तूला मला समजत नसतात...
काही गोष्टी मूक्यानेही
खुप काही बोलत असतात...

(अव्यक्त) -इनोबा

खूप काही बोलूनही
मी काहिच बोलले नाही
तुझ्या दोन शब्दांनी
मी माझीच उरले नाही..

- प्राजु

गळताना झाडावरून
प्राजक्त मुसमुसतो..
क्षणभंगूर जीवन त्याचे
पण आसमंत फुलवतो

- प्राजु

वेड्यासारखे वागणे
म्हणजे नक्की कसे?
कमळामध्ये भुंग्याने
मिटून जाणे जसे?

- प्राजु.