पहिले जागतीक(ऑनलाईन) मिसळपाव साहित्य संमेलन

कल्पना एकदम मस्त आहे.
भारताबाहेरील सदस्य सुद्धा सहभागी होतील.

हे फार आवडलं.. सहमत आहे.

फक्त एक सुचना क्र.४ बद्दल
४)दिग्गज ग्रामस्थांकडून या साहित्याचे परीक्षण करुन त्यानुसार त्यांना गुण देण्यात यावेत.

या ऐवजी मते नाहि का घेता येणार. परिक्षक फक्त प्रत्यक गटात ५ नॉमिनेशन्स घोषित करतील व त्यातील विजेते मात्र सगळे गावकरी मिळून ठरवतील.
आणि हे संमेलन आठवडाभर चालून त्याची सांगता पुण्याला होणार्‍या प्रत्यक्ष संमेलनात करता येईल. काय म्हणजे जे भेटु शकतात ते भेटतीलच पण आमच्या सारख्या दूरस्थ गावकर्‍यांनाही सहभागी होता येईल

-ऋषिकेश

समहत आहे!

Doing what you like is freedom. Liking what you do is happiness.

अनिवसे साहेबांची कल्पना खरोखरंच चांगली आहे. इच्छुकांनी या बाबतीत काय ते धोरण ठरवून संबंधित योजना जाहीर करावी असे वाटते!

अवांतर -

आम्ही काही व्यक्तिगत कारणांमुळे संबंधित साहित्यस्पर्धेत भाग घेऊ इच्छित नाही, तसेच आमच्या नांवाचा या स्पर्धेकरता कधीही विचार होऊ नये अशी संबंधितांना आमची विनम्र विनंती आहे.

आमचे साहित्य हे नेहमी 'नंबर वन'च असते असे आम्ही मानतो तसेच ते कसे आहे, चांगलं आहे, की बरे आहे, की वाईट आहे, स्पर्धेसंदर्भात इतरांच्या तुलनेत ते कसे आहे हे ठरवण्याचा भाईकाका आणि कुसुमाग्रज यांच्याव्यतिरिक्त कुणालाही अधिकार नाही असे आम्ही मानतो!

कळावे,

आपला,
(अत्यंत मुजोर!) तात्या अभ्यंकर.

पण उत्तम साहीत्य कोणते .. किंवा बक्षीस ... इ. गोष्टी नसतील तरी चालतील.. एक आठवड्याच्या या सम्मेलनात.. वेगवेगळ्या विषयांवर इ-परिसंवाद, किंवा विनोदी काव्य , एकाच विषयावर कविता लिहिणे... अशा गोष्टी करू शकतो..
विचार करून बघू.

- प्राजु

मस्तं कल्पना..

विनायकराव,
ऑनलाइन साहित्य संमेलनाची कल्पना फारच उत्तम आहे. आम्हीही त्यात सहभागी होऊ !!!
आमचे याबाबत मत असे-

कविता स्पर्धा दि. ते दि.
चोरोळी / आरोळी -//-
कथा स्पर्धा ( शब्द मर्यादा ) -//-
विडंबन - //-
एकांकिका ( अगदी लहाण ) -//-
विनोदी लेखन -//-
वादविवाद / परिसंवाद -//-
शेला पागोटे -//-
आणखी काही (सुचवा )

१)समजा कविता स्पर्धा सुरु झाली तर त्यात मत व्यक्त करता येणार नाही ( प्रतिसाद देऊ नये ) लगेच दुसरी कविता त्यापाठोपाठ आली पाहिजे. ( कविता स्पर्धा -साहित्य संमेलन त्याचा असा उल्लेख करावा )
२) इथे काही परिक्षक निवडू ,त्यांनी त्याचे परिक्षण करावे !!! किंवा लेखनावर मिसळप्रेमींच्या प्रतिक्रिया व्य. नि. ने घ्याव्यात.
३) अजून काही सुचले तर टाकतो इथे :)

प्रा.डॉ.दिलीप बिरुटे

छान आहे कल्पना .
वेगवेगळे लेख्,कविता,चारोळ्या,विड॑बन वाचायला मजा येईल.

काय सुपिक डोके आहे विनायका तुझ :)
चला अजुन सुपिक डोक्याच्या मालकानी त्यात भर घाला बघु.

२) या आठवड्यात प्रसिद्ध होणारे सर्व साहित्य स्पर्धेत समाविष्ट करण्यात यावे.

या ऐवजी आतापर्यंतचे सर्व साहित्य यात समाविष्ट करावे. कारण त्यातही खुपसे दर्जेदार साहीत्य आहे व ते वगळले जाउ नये असे वाटते.

(वाचक) मनीष पाठक

मी लिहितो त्याला "साहित्य" म्हणतात असे मला मुळीच वाटत नाही.त्यामुळे मी ह्यात भाग घेणार नाही.
तेव्हा पुलं म्हणतात, "नट म्हणून अपयशी ठरला तर अभिनय कसा करावा हे इतरांना शिकवावे अथवा स्वतः लेखक म्हणून काही प्रभाव पाडता आले नाही की संपादक बनावे!" च्या चालीवर म्हणतो की हवे तर परीक्षक म्हणून राहीन. कारण त्यासाठी काही विशेष पात्रता लागते असे वाटत नाही. स्वतःला ज्येष्ठ म्हणवून घेतले की झाले. त्यातून मी इथल्या सदस्यांच्या सरासरी वयापेक्षा बराच(वयाने हो) मोठा आहे म्हणजेच ज्येष्ठ आहे हे सिद्ध करू शकतो. तेवढीच कॉलर टाईट! :D
काय मंडली मंग कंदी करताय सुर्वात? आपुण तैय्यार हाय!

प्रमोदकाका
स्वघोषित संपादक

वरील स्पर्धेमध्ये पाककले चा सुद्धा विचार करावा जेणेकरून भगिनींबरोबर पुरुषांना देखील यामध्ये भाग घेता येइल.
असे पदार्थ सांगावेत कि ते सुद्धा या स्पर्धेत भाग घेतील.

प्रकार तोंडी लावायला असूंद्यात की.

कल्पना छान आहे. आम्ही आस्वादरुपी सहभाग घ्यायला आहोतच. तारीख पक्की झाली का संमेलनाची?
सुचवणी: सदर संमेलनातल्या लेखक लेखिकांची विजेतेपदासाठी समस पाठवून निवड करावी. ज्याला सर्वात जास्त समस तो विजेता!! काय सरपंच कशी वाटली कल्पना?? :)