पुणेरी मिसळ

साहित्यः १ वाटी वाटाणे तासभर भिजत घालून कुकरमध्ये ३ शिटया देणे १ वाटी मोड आलेली मटकी घेऊन कुकरमध्ये ३ शिटया देणे २ कांदे बारीक चिरून घेणे १ टोमॅटो बारीक चिरून घेणे छोटी अर्धी वाटी दाणे भाजून ठेवणे १ वाटी कोथिंबीर बारीक चिरून ठेवणे मध्यम आकाराचे २ बटाटे उकडून, सोलून, मध्यम आकाराच्या फोडी करणे १ वाटी नायलॉन चे पोहे १ वाटी तिखट जाड शेव १ वाटी फरसाण १ डावभर तुरीची शिजवलेली डाळ कृती: पोह्यांचा चिवडा: कढईत १ छोटा टीस्पून तेल गरम करून त्यात १ टीस्पून मोहोरीच्या फोडणीत २ सुक्या लाल मिरच्यांचे तुकडे, १ टीस्पून डाळं, चिमुटभर हिंग, २ टेबल्स्पून दाणे, २ काड्या कढीपत्ता घालून फोडणी करावी. बर्नर बंद करून कढई खाली उतरवावी, त्यात थोडी हळद, चवीनुसार, वाटीभर नायलॉन चे पोहे, नखभर तिखट घालून कालवून घ्यावी. यात १ टीस्पून MTR ची चटणीपूडी पावडर कालवणे. तेलावर मोहोरी, हिंग व काळ्या मसाल्याची फोडणी देऊन, १ टीस्पून लाल तिखट व चवीप्रमाणे मीठ घालून, त्यावर शिजवलेली डाळ घालून २ वाट्या पाणी घालून उकळवून घ्यावी, व बाजूस काढून ठेवावी. १ टेबल्स्पून तेलावर चिमुटभर हिंग, १ टीस्पून तिखट, चवीप्रमाणे मीठ, बारीक चिरलेला अर्धी वाटी कांदा घालून परतणे. नंतर १ वाटी शिजलेले वाटाणे, अर्धी वाटी चिरलेला टोमॅटो, अर्धा टीस्पून तिखट, अर्धा टीस्पून हळद घालून एक उकळी आणून बाजूस काढून ठेवावे. उसळः तेलावर मोहोरीची फोडणी घालून मटकी, १ टीस्पून कच्चे जिरे, चिमुटभर हिंग, अर्धा टीस्पून तिखट, १ टीस्पून काळा मसाला, लहान सुपारीइतका गूळ, १ आमसुल आणि १ टेबल्स्पून भाजलेले दाणे घालून नेहेमीप्रमाणे उसळ शिजवावी. शिजवलेल्या डाळीचे पाणी वेगळे काढून ठेवून डाळ वाटाण्यात मिसळावी. तर्री: वेगळे काढून ठेवलेले पाणी १ टीस्पून तेलात (आवडत असल्यास २ लसणाच्या पाकळ्या घालून) पाव टी स्पून तिखट व अर्धी वाटी टोमॅटो घालून उकळत ठेवावे. एका प्लेट मध्ये १ डाव कढत वाटाणे-डाळ घालावी. त्यावर उकडलेल्या बटाट्याच्या ४-५ फोडी घालून, वर एक डाव कढत उसळ घालणे, त्यावर एक डाव नायलॉनच्या पोह्यांचा चिवडा घालून, एक डाव जाडी शेव भुरभुरणे, १ टेबल्स्पून कच्चा कांदा व आवडीप्रमाणे कोथिंबीर घालावी. सर्व्ह करतांना पळीभर तर्री घालावी. चतकोर लिंबाची फोड बाजूस नक्की ठेवावी. अर्धी मिसळ खाल्ल्यावर दही कालवल्यास चव आधिक वाढते! दह्यावर पुन्हा एकदा कढत तर्री घातल्यास आनंद द्विगुणित! या वीकेंड ला जमल्यास घरी पुणेरी मिसळ करून छायाचित्र अपलोड करीन. तोपर्यंत जमल्यास स्वतः करून (आवडल्यास!) छायाचित्र पाठवा.