प्राँस् पालक
Primary tabs
पालक पनीर हा प्रत्येक हॉटेलमध्ये मिळणारा आणि सर्वत्र आवडीने खल्ला जाणार पदार्थ.
पण मला स्वत:ला पनीर जास्त आवडत नाही त्यामुळे आज यात थोडा फेरफार करुन याची नॉनव्हेज आवृत्ती केलेली.
साहित्य :
१ जुडी पालक
१५ - २० मोठ्या कोलंब्या
२ चमचे आल+लसुण पेस्ट
१ चमचा मालवणी मसाला
१ मोठा कांदा बारीक चौकोनी चिरलेला
२ चमचे गरम मसाला
मीठ चवी नुसार
२-३ चमचे तेल
लिंबाचा रस
कृती :
पालक नीट धुऊन घ्यावी. एका मोठ्या भांड्यात पाणी घालून त्यात २-३ चम्चे लिंबाचा रस टाकुन पालक शिजवून घ्या.
(शिजताना वर झाकण ठेवु नये. पालकचा हिरवा रंग काळपट होतो.)
पालक ७-८ मिनीटात शीजते. थोडया वेळाने गार झालेली पालक मीक्सर मध्ये घालून पेस्ट करा.
पालक शिजतेय तोवर कोळंबिला आल+लसुण पेस्ट, मालवणी मसाला, मीठ, लिंबाचा रस लावुन मुरत ठेवा.
एका भांड्यात २-३ चम्चे तेल घेउन त्यात कोळंबी २-३ मिनिटे परतवुन अर्धवट शिजवुन घ्यावी. आणि वेगळी काढुन ठेवावी.
त्याच भांड्यात नंतर बारीक चिरलेला कांदा घालून परतवावा.
कांदा गुलाबी झाला की त्यात २ चमचे गरम मसाला टकुन चांगला परतुन घ्यावा.
खाली लागत आसल्यास किंचीत पाणी घालाव.
बाजुने तेल सुटुलागल्या वर पालकची पेस्ट त्यात टाकावी.
मध्यम आचेवर २-३ मिनिटे शिजवल्यावर त्यात कोळंबी टाकावी.
मीठ चवी नुसार घालाव . ( मीठ जरा बेताने घालाव कारण पालक मध्ये क्षारांच प्रमाण बरच असत. )
मंद आचेवर ४-५ मिनीट शिजू द्या. शीजताना झाकण ठेउ नये.
गरमा गरम भाता बरोबर किंवा चपाती, भाकरी बरोबर हा प्रकार भन्नाट लागतो.
काय भारी फोटू दिसून राह्यले भो
तुमाला नमस्कार बाबा.
बाबुराव :)
काय योगायोग .. मी कालच सेम हीच डिश बनवली होती. आणि आज तुमची रेसिपी बघतेय.
माझ्या रेसिपीत मी मालवणी आणि गरम मसाला न घालता काळा मसाला व धने जिरे पूड घातली होती. आणि पालक शिजताना त्यात एक छोटा टोमॅटो आणि १-२ छोट्या हिरव्या मिरच्या घातल्या होत्या.
अशी प्रॉन्स घातलेली पालक भाजी फार छान लागते .
- अश्विनी
भाकरी बरोबर तर मस्तच लागेल. या आठवड्यात नक्की करतोच.
भेंडी
P = NP
अप्रतिम!!
शिजलेल्या पालकात थोडे आरारूट घातले तर Consistency येईल असे वाटते.
Doing what you like is freedom. Liking what you do is happiness.
छान दिसतोय पदार्थ अन् सोपाही ... वरती म्ह्टल्याप्रमाणे १ टोमॅटो प्युरी करून घातला तर अजून छान लागावा.
प्रॉन्स जोडीला असल्या की पालक, मेथी वगैरे प्रकारही खाणेबल होतात हा माझा अनुभव :)
प्रॉन्स जोडीला असल्या की पालक, मेथी वगैरे प्रकारही खाणेबल होतात हा माझा अनुभव.
असहमत. यातून कृपया मेथीला वगळावे. :)
मेथी कशीही चांगलीच लागते. माझी सर्वात आवडती भाजी.
श्री गणपा, मस्त पाकृ. जमण्यासारखी दिसतेय.
........................
I was working on the proof of one of my poems all the morning, and took out a comma. In the afternoon I put it back again. --- Oscar Wilde.
छान पाककृती!
मस्त दिसते आहे!
भूक लागली...बाकी विकांती प्रॉन्स पुलाव हाणला मैत्रिणीने बनवलेला.
--प्रभो
-----------------------------------------------------------------------
काय सांगावे स्वतः विषयी,आहात तुम्ही सूज्ञ !! एका सारखे एकच आम्ही,बाकी सगळे शून्य !!
प्रभोवाणी
जबरा गणपा शेठ..
तु म्हणजे एकदम कहर आहेस.
--टुकुल