खेळ दोन ओळींचा - ५

खाउनि भरलास तू, लोणी आणि तूप, 'किती' बघू बाळा, तुझं साजरं ते रूप! राजेश

अरे!! आज कुणाचा मूड नाही असं दिसतंय.. ठीके.. असो. :) राघव

मोरपीस खुले डोई, बालक निष्पाप किती बघू बाळा, तुझं साजरं ते रूप! चतुरंग

हाताची घडी, अन् तोंडाला कुलूप किती बघू बाळा, तुझं साजरं ते रूप! -अनामिक

१. जागा एक तू असावा, सारे जग चिडी-चूप किती बघू बाळा, तुझं साजरं ते रूप! २. डोळे भरून पहावे, आनंदावे खूप खूप किती बघू बाळा, तुझं साजरं ते रूप!

प्रकाटाआ -अनामिक

शाम सावळा,मथुरेचा न्रुप..... किती बघू बाळा, तुझं साजरं ते रूप! "राजे!"

:) माझा आणिक एक प्रयत्न - "दुडक्या" चालीत जसा दरवळे धूप..! किती बघू बाळा, तुझं साजरं ते रूप! राघव

अवघ्या जगाचा आधार तूच किती बघू बाळा, तुझं साजरं ते रूप! मदनबाण..... स्वतःच्या बंगल्यांवर जनतेचे कोट्यावधी रुपये उधळणार्‍या आणि याच जनतेच्या डोक्यावर व्हॅटचा तडाखा देणार्‍या सरकारचा मी निषेध करतो !!! http://bit.ly/dlmzCy

वेणू, घुंगुर, मोरपीस गोजिरे, अनूप, किती बघू बाळा तुझं साजरं ते रूप! क्रान्ति अग्निसखा

चाळवाळे छुमछुम, मनी आनंद अमाप किती बघू बाळा तुझं साजरं ते रूप! - (सर्वव्यापी)प्राजक्ता http://www.praaju.net/

घेउनिया मांडीवर, कुरवाळावे खूप किती बघू बाळा, तुझं साजरं ते रूप माथा मोरपीस तुझ्या, शोभे अनुरूप किती बघू बाळा, तुझं साजरं ते रूप हरपले ध्यान, गेली दूर तहान -भूक किती बघू बाळा, तुझं साजरं ते रूप लाभले कि मला, सात जन्माचे ते सुख किती बघू बाळा, तुझं साजरं ते रूप तुला पाहून वाटे, अन्य सारेची विरूप किती बघू बाळा, तुझं साजरं ते रूप सुरेश नायर http://sites.google.com/site/surmalhar/

वा! मस्त!! क्रांतीताई, वेणू, घुंगुर, मोरपीस गोजिरे, अनूप खूप सुंदर लिहिलंत.. क्लास! प्राजु, चाळवाळे छुमछुम हा शब्दप्रयोग आवडला! :) सुरेश, तुला पाहून वाटे, अन्य सारेची विरूप ही ओळ आत्यंतिक सुंदर. आवडेश! माझा आणखी एक प्रयत्न - कसा बसावा विश्वास (कि) तू मुळात अरूप! किती बघू बाळा, तुझं साजरं ते रूप!! राघव

मी दोनोळी ऐवजी चारोळीचा प्रयत्न केला आहे. शिरी मोरपीसं , हाती मंजूळ पावा बाळमुकुंदाच्या मुखी अमृताचा गोडवा दुडूदुडू धावे , पायी वाजे छुमछुम किती बघू बाळा, तुझं साजरं ते रूप! सावळा कान्हा माझा नटखट भारी दूध दही खाण्या फोडी मडकी सारी कान्हासवे खेळण्या आतुरले गोप किती बघू बाळा, तुझं साजरं ते रूप! श्रीरंगा लहानगा तू, दावी लीला अनंत मोहक तुझ्या हासण्याने अंगणी फुले वसंत कृष्णमाय जाहले मनी आनंद अमाप किती बघू बाळा, तुझं साजरं ते रूप! - अश्विनी

यावेळेस सुचलेल्या ओळीसाठी निगडीत ओळ शोधतांना कल्पनेला पुरेसा वाव नव्हता कदाचित. पुढल्या वेळेस जरा आणिक सोपी ओळ घेऊ यात! खेळात भाग घेतलेल्या सगळ्यांचे मनापासून आभार. :) राघव

झुंजूमुंजू आलं, भाट आळविती भूप किती बघू बाळा, तुझं साजरं ते रूप