Skip to main content

काटा रुते कुणाला, बोंबील खाती कोणी

लेखक ॐकार यांनी शुक्रवार, 21/03/2008 13:15 या दिवशी प्रकाशित केले.
काटा रुते कुणाला, बोंबील खाती कोणी शिक्षा जिभेस माझ्या भर श्रावणात आहे सांगू कशी कुणाला चव मस्त बांगड्याची? उसळी, फळे, दूधाचा मज शाप, जाच आहे ! काही गिळू पहातो स्मरतो उपास तेव्हा मऊभात पचवणेही विपरीत होत आहे ! उचक्या,ढेकरा की, काहीच आकळेना भुरकून सोलकढी मी एकभुक्त आहे ! मूळ, काटा, बाटा, आणि कविता सुचे यांवरून प्रेरित.
वाचने 6160
प्रतिक्रिया 14

प्रतिक्रिया

विसोबा खेचर शुक्रवार, 21/03/2008 13:30
बाबारे ॐकारा, हात टेकले रे तुझ्यापुढे! खल्लास लिहिलं आहेस! लै भारी है भिडू...! :) काटा रुते कुणाला, बोंबील खाती कोणी शिक्षा जिभेस माझ्या भर श्रावणात आहे उचक्या,ढेकरा की, काहीच आकळेना भुरकून सोलकढी मी एकभुक्त आहे ! या ओळी तर खासच!:) लेका, तू तर शांताबाई, रंगा आणि केश्या, सगळ्यांवरच कडी केली आहेस.. :) आपला, (बोंबिलप्रेमी) तात्या.

केशवसुमार शुक्रवार, 21/03/2008 14:59
तुम्ही सुद्धा.. विडंबन एकदम झकास.. (प्राण्यांच्या/माश्यांच्या प्रेतातल न कळणारा)केशवसुमार..

सहज शुक्रवार, 21/03/2008 16:58
>लेका, तू तर शांताबाई, रंगा आणि केश्या, सगळ्यांवरच कडी केली आहेस.. :) १००% सहमत!!

धनंजय शुक्रवार, 21/03/2008 18:45
हे चाखता बाकी सगळी भलतीच शिवराक-उपासाची वाटू लागलीत.

चतुरंग शुक्रवार, 21/03/2008 17:12
एकदम फर्मास विडंबन. (अवांतर - शांताबाईंच्या एका गीताने एकाच दिवसात तीन विडंबनांना जन्म दिला हे अनोखेच!) चतुरंग

चित्रा शनिवार, 22/03/2008 08:53
शांताबाईंच्या एका गीताने एकाच दिवसात तीन विडंबनांना जन्म दिला हे अनोखेच! हल्ली मि.पा. वर विडंबनकारांच्या प्रतिभेला बहर आलेला आहे असे दिसते. सर्व विडंबने बहारदार..

सृष्टीलावण्या रविवार, 23/03/2008 07:31
सांगू कशी कुणाला चव मस्त बांगड्याची? उसळी, फळे, दूधाचा मज शाप, जाच आहे ! जावे त्याच्या वंशा तेव्हा (बांगड्याच्या विरहाचे दु:ख) कळते.. > > मना बोलणे नीच सोशीत जावे, स्वयें सर्वदा नम्र वाचे वदावे...