शांततेचं कार्टं चालु आहे ...

थत्त्यांचा संपुर्ण प्रतिसाद उत्तम! मोर्चा जर दारात आला, तर त्याला ९९% वेळातरी सामोरे हे जावेच लागते - ती नैतिक जबाबदारी पाळावी लागते. आता ३ किमीवरुन कोणी किती बोंबललं तरी काय फरक पडतो? 'रहदारीचा खोळंबा आणि त्याविरोधात झटणारे "जागरुक नागरीक" ' हा मुखवटा चढवला की आपसुक पाहुण्याच्या काठीने साप मरतो. हेच केलं गेलंय इथेही हे अगदी स्पष्ट दिसतंय. >>अनेक जनहित याचिकांच्या मागे शासकीय विभाग "हॅण्ड इन ग्लव्ह असतात. ++१ :) आणि त्यालाच राजकीय आशिर्वाद असं म्हणलं जातं.

पण हे 'संस्कृतीचं कार्टं' पार आमच्या मानसिक, शारिरीक आरोग्याच्या मुळावरच उठलं आहे, हे मान्य करायला हवंच!

सहमत्.इतर राज्यांतले राजकारणी लाखा लाखाच्या सभा न घेता आपल्या राज्याचे/लोकांचे हित कसे जपतात ह्याचा आपल्या राजकारणी लोकांनी अभ्यास केला तरी बराच फायदा होइल. भेंडी P = NP

अगदी अगदी! तुमची यादी पूर्ण करण्याचं काम जिकीरीचं आहे पण माझ्याकडूनही थोडी भरः शिवाय धुळवड, कृष्णजन्माष्टमी, आंबेडकर जयंती, निवडणूका, इ.इ. अदिती

१००% सहमत पुर्वी सवाई गंधर्व महोत्सवाची मैफिल रात्रभर होत असे... भिमसेन जोशी...अ हा हा.... आता १० नंतर सगळीकडे ........... ------------------------------------------------------------------------- "निसर्ग संगती सदा घडो, मंजुळ पक्षीगान कानी पडो, कलंक प्रदुषणाचा घडो, वृक्षतोड सर्वथा नावडो...!"

पुढे? ज्यांना होतोय ना त्रास, मग त्यांनी कराव्या ना जनहितार्थ याचिका दाखल. नुसतेच धार्मिकतेवर बाजारगप्पा मारुन काय हशील? नाहीतरी आजकालच्या कोर्टांना सर्वज्ञ असल्यामुळे अ ते ज्ञ सर्वच गोष्टींत 'निकाल' देण्याची सवय लागते आहे. त्याद्वारे हेही सिध्द होईल की राजकीय आशिर्वाद नसेल तर याचिकेचं काय होतं आणि असेल तर काय होतं....

>>शिवाजी पार्कला काही भाषणांसाठी जाण्याची मजा गेली हे ठीक आहे. शिवाजी पार्कवरची बहुसंख्य भाषणे मजेसाठी होत होती आनि लोक ती केवळ मज्जा म्हणुन पहायला जात होती असे मला वाटत नाही. अहो 'शिवाजी पार्क' वरच्या भाषणांचे महत्वच वेगळे होते आहे. "चलो शिवाजी मैदान ! शिवतिर्थाकडे चला !' अशा घोषणांनी माणसे 'भारुन' इकडे यायची, त्यातुन अनेकदा खुप काही उत्तम घडले आहे. अहो ह्या ठिकाणी भाषणे करुन सो कॉल्ड गोंगाट करणार्‍या नेत्यांनी महाराष्ट्र चालवला, हा राष्ट्रगाडा चालवला, वेळोवेळी जनमत चेतवले, जनसमुहाला दिशा दिली, अनेक चांगल्या योजनांची मुहर्तमेढ इथे रोवली गेली. स्वातंत्र्यपुर्व काळापासुन ते आजच्या राज ठाकर्‍यांपर्यंतच्या नेत्यांच्या, त्यांच्या पक्षांच्या व त्यांनी चालवलेल्या वेगवेगळ्या चळवळी ह्याच मातीत घडल्या. ही कोणा एका पक्षाची मक्तेदारी नव्हती तर स्गळ्यांचीच आहे. एक 'राजकिय संस्कॄती' इथे नांदली यावर आम्ही ठाम आहोत. आता तुम्ही म्हणाल की 'बाळासाहेब ठाकर्‍यांच्या ४० वर्षाहुन जास्त अव्याहतपणे चालणार्‍या दसर्‍या मेळाव्यात कसली संस्कॄती आहे?' तर आम्ही फक्त 'असो' म्हणु, आमचा जीव जळतो आहे हे नक्की. २ वर्षापुर्वी बाळासाहेब सभेला येणार नाहीत म्हणल्यावर आमच्या काळजावर दगड पडल्यासारखे झाले ...

पण आम्ही लहानपणी शिवाजीपार्कला सायकली चालवायला जात असू. तेव्हा आताएवढे लाऊडस्पीकर नसत, पण मैदानात मस्त क्रिकेटचे सामने होत, लोक बाजूच्या फूटपाथवरून गोल फेर्‍या मारत, छान होते की सगळे.

अहो पण आताही ह्या गोष्टींसाठी वेगळी जागा राखिव ठेवता येईल की. उद्या उठुन कोणाला क्रिकेटचा त्रास झाला तर आता ते ही बंद का ? खुद्द सचिन तेथे घडला हे विसरुन पुढेमागे तिथे 'शांतताप्रिय नागरिकांमुळे' क्रिकेटबंदीही येणार हे नक्की ... पण सायकली चालवणे, गप्पा मारायला जागा, फेर्‍या किंवा जॉगिंगला जागा अशा शुल्लक कारणासाठी अख्खे मैदान राखिव ??? शिवाजी मैदान काही आजचे नाही, खुप जुने आहे, त्याला एक इतिहास आणि संस्कॄती आहे. ज्या दवाखान्यांना आणि शाळांना परवानगी दिली गेली त्यांना त्यांच्या जवळ 'शिवाजी मैदान' आहे ही अक्कल नव्हती का ? उगाच आज २ शाळा आणि काही दवाखाने निघाले म्हणुन आख्खे मैदानच संपवा हा कुठला मुर्खपणा ? शिवाय ज्यांना गर्दीचा त्रास होतो त्यांना दाट लोकवस्ती करताना आपण 'स्वातंत्रपुर्व काळापासुन नेत्यांनी जनतेला संबोधित करण्यासाठी प्रसिद्ध असलेल्या ठिकाणा'पाशी रहायला जात आहोत ही अक्कल नव्हती का ? म्हणजे कसे आहे मैदान आधीपासुन आहे, त्याची एक स्वतःची संस्कॄती आधीपासुन आहे. लोकवस्ती व तिथल्या लोकांचा 'शांतताप्रियपणा' आज आला आहे, मग त्यासाठी बळी मैदानाचा व इथे नांदलेल्या एका संस्कॄतीचा. >>आता फक्त सभा लाऊडस्पीकरसह होणार नसतील तर काय बिघडले? चित्राताईंविषयी मला खुप आदर आहे म्हणुन मी 'सभा अशा लाऊडस्पिकरशिवाय घेणे शक्य नसते' असे सरळ उत्तर देतो. अर्थात ह्याला तुमचे 'मग घेऊच नका ना सभा !' असे उत्तर असेल तर प्रश्नच मिटला. >>बाकी काही करायला तर बंदी नाही ना? राजकियदृष्ट्या सध्या 'बाकी काय काय शक्य' आहे हे कळाले तर आनंद होईल. एक मात्र नमुद करु इच्छितो की मुकपणाने केले जाणार्‍या सत्यागॄहाचा जमाना गांधींबरोबरच संपला, ते सोडुन बोला. >> शिवाय वर्षभरात पूर्वी एखाद-दुसरीच सभा होत असे, आता वर्षभरात सततच सभा चाललेल्या असतात. त्या नागरिकांना काही त्रास होत असेलच ना? बरोबर आहे, त्रास होत असेल हे मान्य. पण तिथे घर घेताना आपण 'शिवाजी पार्क'मध्ये घर घेतो आहोत व तिथे सभा असणारच हा कॉमन सेन्स घर घेताना कुठे होता. केवळ १०० लोकांना शांतता लाभावी म्हणुन 'शिवाजी पार्क' वर भाषणबंदी लादुन १० लाख लोकांना मार्गदर्शन करणार्‍या व एक स्वतःची स्वतंत्र वेगळी संस्कॄती असणार्‍या 'राजकिय सभांचा गळा घोटणारा' निर्णय आम्हाला केव्हाही पटणे शक्य नाही. आमचा निषेध आहेच ... ------ छोटा डॉन आजवर ज्यांची वाहिली पालखी, भलताच त्यांचा देव होता ! उजळावा दिवा म्हणुनिया किती , मुक्या बिचार्‍या जळती वाती !

शिवाय १० वाजेपर्यंत इतर सर्व आवाज करायला (सण उत्सवा पासून दिवाळीच्या फटाक्यांपर्यंत) परवानगी देणार्‍या कोर्टाला सभांचे संपूर्ण दिवस वावडे का असावे?

जवळच असलेल्या रुग्णालयातला एखादा डॉक्टर याचं उत्तर देऊ शकेल. सभांचं संपूर्ण दिवस वावडं फक्त शिवाजी पार्कसाठी आहे. दहिसर गावाच्या बाहेर एखादी सभा घ्यायला न्यायालयाने मनाई केलेली नाही. सभा घेणं या मूलभूत हक्काचा न्यायालयाने संकोच केलेला नाही. अदिती

मला वाटतं ह्या संकेतस्थळावर वैयक्तिकरित्या बोलण्याची गरज नाही. अशी सोय असलेलं/सोय-सवय लाऊन घेतलेले इतर ठिकाणं आहेत, विषयाला धरुनही वैयक्तिक चिखलफेक करत बसण्याची हौस तिथे भागवता येईल. वरच्या प्रतिसादात सरळसरळ लेखाच्या लेखकाची बुध्दी काढल्याचे इथल्या एकाही ढुढ्ढाचार्याच्या नजरेस आले नाही? की सरळ डोळ्यांवर कातडे ओढुन घेतलं आहे? की चर्चेपुरतं उदात्त हेतु घेऊन येऊन पण बाकी बाबतीत "मला काय त्याचं?" अशी सोयीस्कर धारणा आहे? कोणीही येऊन असं कोणाचीही जाहीरपणे बुध्दी काढण्याची लायकीच काय कोणाची?

अश्या अ‍ॅन्टीसोशल लोकांनी जंगलात जाउन का राहु नये ? जंगलात राहणार्‍या प्राण्यांवर अन्याय केला जाऊ नये असे माझे वैयक्तिक मत आहे. बाकी चालू दे!