झटपट प्रॉन्स बिर्याणी

साहित्य : १ कांदा उभा चिरलेला ,आले लसून पेस्ट ,दही ,तिखट ,मीठ चवीप्रमाणे,जिरे,मोहरी बिर्याणी मसाला (परंपरा ,रसोई मॅजिक छान लागतो),प्रॉन्स,मोकळा भात, तेल,तूप,खडा मसाला (लवंग,तेजपान,वेलदोडा) कोथिंबीर बारीक चिरून. कृती : प्रॉन्स धुवून त्याला लिंबाचा रस आणि आले ,लसून पेस्ट,थोडे दही लावून १० मिनिटे ठेवले. फोडणी साठी तेल तापत ठेवले त्यात जिरे , मोहरी तडतडल्यावर,तेजपान ,लवंग(३),वेलदोडा टाकून ,कांदा परतवून घेतले. त्यात आले, लसून, पेस्ट टाकून परतवून घेतले.मग बिर्याणी मसाला टाकला.मग त्यात प्रॉन्स खमंग वास येईपर्यंत परतवून घेतले. चवीनुसार तिखट ,मीठ घालावे. मग मोकळा भात त्यात टाकून,वर झाकण ठेवून , मंद आचेवर दणदणीत वाफ येवू दिली. मग १ चमचा तूप टाकून हलकेच हलवले.तुपाचा मस्त वास येतो बिर्याणीला. वरून कोथिंबीर भुरभुरावी. दह्याच्या रायत्या सोबत फडशा पडावा. झटपट बिर्याणी असल्याने काही राहिले असण्याची शक्यता आहे. नासिक ला 'हाजी' ची प्रॉन्स बिर्याणी खूप मस्त लागते.