भारताची लोकशाही किती दिवस तग धरू शकेल ?

हा धागा मी प्रश्नोत्तराचा खेळ खेळण्यासाठी लिहिलेले नसून, मला खाली नमूद केलेल्या गोष्टींवर चर्चा अपेक्षित आहे. १) आपण सर्व मिळून भारत समृद्ध करण्यासाठी काय करू शकतो (कोणती विश्वासार्ह योजना आहे काय ?) २) भ्रष्टाचार, जातीयवाद, यांनी पोखरलेल्या भारताला नवीन संजीवनी कशी देऊ शकतो ? ३) आपला इतिहास सांगतो कि आपण आपापसातच बांधून बरंच काही गमावले आहे. त्यातून शहाणपण घेऊ शकतो का ? ४) आज भारत चारही बाजूनी शत्रूंनी वेढला गेला आहे. त्याला प्रगतीचा , शांततेचा, समाधानाचा मार्ग शोधण्यासाठी काही प्रयत्न करू शकतो का ? ५) कालचा आपला शत्रू (इंग्रज) हा माहित होता. पण आज आपला खरा शत्रू आपल्यातच आहे. त्याच्यावर कशी मात करता येईल ? ६) जर खरच काही होणार नाही ह्याची खात्री झाली तर आपण सामान्य माणसाला पुढील भविष्यासाठी काय सल्ला देऊ शकतो ? झाड कितीही प्रिय असले तरी ते जव्हा रानाच्या आगीत सापडते, तेव्हा पक्षी ते झाड (दुखाने का होईने) सोडून जातो. भारताने प्रगती केली का अधोगती हा ह्या चर्चेचा विषयच नाही. मला आपण कालपासून आज कुठे आलो आहोत यापेक्षा आज पासून उद्या कुठे जाऊन पोहोचू ह्या चर्चेत जास्त रस आहे. विषय खरंच खूप गंभीर आहे. कृपया personally घेऊ नये.

श्री. मनोज साहेब, काही लोकं इतकी निराश का आहेत अस म्हटलं त्याचा मतितार्थ एवढाच की तुम्ही सगळे प्रश्न जमेस धरून सुद्धा त्याचा बाऊ करण्याचे कारण नाही. (मी भारतात राहत नाही हा निष्कर्ष मात्र बरोबर आहे- पण माझ्या आयुष्यतील २८ वर्षे मी भारतातच काढली आहेत त्यामुळे भारतातील प्रश्नांची मला जाण नसावी हा कयास मात्र चुकीचा आहे.) ह्या लेखाला बालिश म्हणण्याचे मुख्य कारण म्हणजे नक्षलवादासारख्या ज्वलंत प्रश्नाचे जे सुलभीकरण तुम्ही करु पाहात आहात त्यासंदर्भाने आहे. प्रश्न कुठल्या देशात नाहीत- इस्रायल सारखा देश गेले कित्येक वर्षे अरबांशी लढतो आहे- त्यात कोण चूक/बरोबर हा प्रश्न नाही- पण त्याला संपवण्यची कसम खालेल्ल्या श्रीमंत अरबांना इस्रायलला संपवणे अजूनही शक्य झालेले नाही. महाबलाढ्य अमेरिकेविरुद्ध कयुबाची गोष्टही अशीच. त्यामुळे भारतासारख्या बलवान- लष्करी व आर्थिक दोन्ही द्रुष्टीनेही- देशाला संपवणे एवढे सोपे नाही हे भारताच्या शत्रूंनासुद्धा ठाऊक आहे. ( म्हणूनतर दहशतवाद्याच्या साहाय्य ते घेताहेत) भारत मागील १८०० वर्षे श्रीमंत देश होता ते काही उगीच नाही आणि उद्या महासत्ता होइल ते ही आपोआप नाही. (http://www.time.com/time/specials/2007/article/0,28804,1649060_1649046_1649026,00.html) प्रश्न गंभीर आहे हे तर खरेच, पण तो तुम्ही समजता त्यापेक्षाही गंभीर आहे आहे आणि त्यासाठी सनसनाटी व उथळ विचार न करता मूलगामी उपाययोजना करण्याची गरज आहे. आतापुरते एवढेच. बाळकराम