धागा का उडाला ?

मिसळपावच्या धोरणाप्रमाणे संपादक उत्तर देण्यास बांधील नाहीत मात्र त्यांची इच्छा असेल तर ते तसं करू शकतात त्याच सोबत ज्यांचे लेखन अप्रकाशित केले आहे त्यांना कारण माहिती करून घेण्याचा हक्कं आहेच. त्या करीता लवकरच स्वतंत्र दालन केले जाईल. मात्र तो पर्यंत व्य. नि. चा वापर करावा ही विनंती. सरपंचांना व्य. नि. केल्यास त्याची दखल घेतली जाईल. तसेच या लेखाच्या शेवटच्या दोन ओळी काढल्या आहेत. संपादकांना सदस्यांनी खुलासा मागणे अपेक्षीत आहे. जाब नाही ! लेखाला किंवा व्य.नि. ला दिले जाणारी उत्तरे तसेच सर्व संपादकांची कामे मिसळपावबद्दल आणि सदस्यांबद्दल उत्तरदायीत्व वाटतं म्हणून केलं जाणारं काम आहे. == सदस्यांचा हक्क मान्य झाला ही एक मोठी गोष्ट आहे. धन्यवाद मिसळपाववर जवळपास सर्वच एकमेकांना ओळखतात. त्यामुळे सौम्य शब्दांत सुध्दा आपले म्हणने मांडता येते. नव्हे तसेच अपेक्षीत आहे. सोबतच कुणी आपल्या लेखनाच्या बाबतीत खुलासा मागीतल्यास त्याला उत्तर मिळतेच. लवकरच स्वतंत्र दालन अश्या प्रकारच्या संपादकीय कामांसाठी केले जाईल तो पर्यंत कृपया संयमाने लेखन करावे. == +१ ----- ज्या दिवशी मराठी आंतरजाल संपादक मुक्त होईल, तो मराठी आंतरजालाचा सुदिन.

.तुमच्याशिवाय पण आणखी कोणाला तरी कर्तव्य असेल, उगाच स्पर्धा नको म्हणून उडवला असेल हो........ आमच्या कर्तव्याचा धागा पण उडवला...आता टारझन मुली शोधतोय आणि मी मुलगे...त्यात स्पर्धा कशी आली? दोघे एकाच गोष्ट शोधात असते तर स्पर्धा (असं आम्हाला वाटतं). बाकी एखादी कॉमेंट टाकून "शांत" म्हणायच हे फार्फार आवडून गेलं. :-) *********************************************************** http://shilpasview.blogspot.com/

सर्वप्रथम इतक्या उशीरा (रात्री ९:४० बॉस्टन वेळ, सकाळचे ७:०० भारतीय प्रमाण वेळ) प्रतिसाद देत असल्याबद्दल क्षमस्व. आज मी आत्तापर्यंत जालावर काही बघू शकलो नव्हतो... मधे एकदा घरून फोन आला होता पण घरी येई पर्यंत थांबावे लागले. असो. हा धागा मी जेंव्हा प्रकाशीत झाला तेंव्हाच वाचला. जरी खटकला तरी दुर्लक्ष करण्याइतकाच आणि तसेच केले. खटकायचे एक कारण हे स्वतःची खरेच चांगली असलेली मिष्कील प्रतिभा ह्याहूनही चांगल्या पद्धतीने वापरता आली असती तशी वापरली गेली नाही... त्याशिवाय मधे मिपावर जो काही प्रचंड गदारोळ झाला, त्याच्या पाठोपाठ मुखपृष्ठावरून पण गदारोळ झाला, त्याच सुमारास "सत्तांतर" झाले. त्यानंतर मिपाव्यवस्थापनाला पाठींबा देत सर्वांनी सहकार्य देण्याचे ठरवले. मिपाचा खमंगपणा न घालवता त्यात जर नको ते रस येत असतील तर ते आणायचे नाहीत हे कुठेतरी सर्वांना वाटत आहे असे वाटले. पण त्या सहकार्य देण्याला यातून छेद मिळेल असे वाटले. तरी पण दुर्लक्ष करून चालेल असे म्हणले आणि तसेच केले. मात्र माझ्या सकाळी जेंव्हा मी उठून परत पाहीले तर परत अजून एक तसाच धागा. कुठतरी असे वाटले की आपण घसरगुंडीवर बसलो की खालीच जाणार असे तर होत नाही ना? व्यक्तीगत, हे संपादनाचे हत्यार मी अतिशय मोजून वापरले आहे आणि तसेच इथल्या इतर संपादकांनी देखील मोजूनच वापरलेले आहे. म्हणून जे संपादकांचे अधिकार मी व्यक्तीगत अतिशय कमी वापरतो, ते तात्काळ वापरले. मला कल्पना होती की यातून गदारोळ होईल आणि काहीतरी "काथ्याकूट" होईल. तसा झालाही. मला नेमका उशीर झाल्याने या चर्चेत लवकर उडी मारता आली नाही... त्याव्यतिरीक्त माझा एक अंदाज चुकला असे आता मागाहून विचार करताना वाटते. हा काथ्याकूट एकंदरीतच केवळ माझे/आमचे धागेच का अप्रकाशीत केले यासंदर्भातच मर्यादीत राहीला आहे. ही चर्चा याहूनही अधिक होऊ शकली असती: यात नक्की बँडविड्थ कशाला वापरतोय, त्यातून क्रियाप्रतिक्रीया करताना काय धागे निघतात. संपादकांना काय बोलले जाते? अवांतर प्रतिक्रीया देताना लेखाची/काथ्याकुटाची खरडवही केली जाते, हे सगळे न करता देखील sense of humor वापरता येणार नाही का? दुसरा भाग आहे तो संपादकांनी सांगावे न सांगावे या संदर्भात. हा मुद्दा याच लेखाच्या संदर्भात न येता कायमच यावा आणि सर्वच संपादकांनी पुढे कशाचेही संपादन करताना पाळावा. आत्ता पर्यंत झाले नाही तरी यापुढे असे करता येईल. पण ते संपादक आपापसात ठरवतील. तरी देखील यात अमुक सांगावे, तमुक नाही, असभ्यपणा वगैरेचा सूर का? असे इतर संस्थळांवर चालते का? (आणिबाणीयुक्त) लोकशाहीच्या नावाखाली आपण निव्वळ हक्क मागत, जबाबदारीकडे दुर्लक्ष करण्याची सवय तर लावून घेतलेली नाही ना? इतकी मागणी स्वतःच्या नगरसेवका/आमदारा/खासदाराकडे तरी आपण करतो का? जो जनतेचा खर्‍याअर्थाने सेवक असतो, जनतेचे पैसे घेतो आणि वाटोळे देखील करतो? परत सांगतो की हे दोन्ही टिपी धागे अप्रकाशीत करताना कुठेतरी नक्की चर्चा अशी आशा होती. याचा अर्थ सर्व गंभिर, वातूळ हवे असा नक्कीच नाही. यात व्यक्तीगत काहीच नव्हते. (तसे मी आजपर्यंत या दोघांचाही कुठेच प्रतिसाद देखील उडवलेला नव्हता, धागा लांब राहूंदेत). जरी अशी चर्चा आत्तापर्यंत झाली नाही तरी त्यातून काही सक्रीय निष्पन्न झाले तरी मिळवले. -------------------------------- मी या आणि इतर संकेतस्थळावर केवळ "विकास" याच नावाने वावरतो. त्याच्या मागेपुढे उभ्या (||) आडव्या (=), तिरप्या (\\ //) आदी कुठल्याच प्रकाराच्या रेषा नसतात. त्या अर्थाने माझी कुठेही शाखा नाही. :-)

+१ सहमत आहे. अनेकदा खरोखर काहीही कारण नसतांना प्रतिक्रियाही अप्रकाशित केल्या जातात, संपादित केल्या जातात. लेखन न करण्याचा, प्रतिसाद न देण्याचा पर्याय असतो असे सुनावले जाईल, ऐकायची तयारी आहे. पण एकंदरीतच पक्षपातीपणा खुप आहे असे माझे वैयक्तिक मत आहे. असो. --अवलिया

संपादक कोणाला उत्तर द्यायला बांधील नसले तरी मनमानीची वहिवाट (प्रेसेडेन्स ह्या अर्थी) पडते आहे असे वाटू लागले तर ते योग्य नाही.

कट टु कट असेच म्हणायचे आहे . धन्यवाद चतुरंग !

हेच म्हणते. काल पर्यंत तरी काही आक्षेपार्ह प्रतिसाद नव्हते. मग का केले असावे असे? आणि कोणी? - (सर्वव्यापी)प्राजक्ता http://www.praaju.net/

सहमत आहे. - पांथस्थ माझी अनुदिनी: रानातला प्रकाश... माझी छायाचित्रे - फ्लिकर

(मागे एकदा टारझनशी जालवरच्या मुक्तपणा/अभिव्यक्ती संदर्भात चर्चा झाली होती म्हणून पुनरुक्ती टाळली.) चतुरंग

पण या निमित्ताने सर्वच सन्माननिय सदस्यांना एवढेच सुचित करावेसे वाटते की फालतुपणा / पांचटपणा वगैरे नेहमीच नको.

ठळक शब्द काळजाला भिडले. बाकी वातुळ लेखकांनाही हा नियम लागु व्हावा काय ? "पण या निमित्ताने सर्वच सन्माननिय सदस्यांना एवढेच सुचित करावेसे वाटते की वातुळपणा / वैचारिकपणा वगैरे नेहमीच नको. "

चांगले लेखन असे असले तर मजा येते, नाही तर तोच तोच पणा होतो आणि मग हसूही येत नाही.

अपेक्षाभंगाबद्दल खेद आहे मालक , कदाचित आमची लायकी एवढी ही नाही ;)

एखाद्य संपादकाने यालाच विटून धागा उडवला असण्याची शक्यता नाकारता येत नाही.

=)) आपल्याला उडवणारा कोण ? हे माहित आहे असे दिसते. असो .... बाकी पाठराखण करण्याची पद्धत एकदम छाण :)

प्रस्तुत सदस्याने प्रामाणिकपणे सांगावे की कधीच वावगे वागले गेले नाही. दोन दिले दोन घेतले अशी वृत्ती ठेवली की फार त्रास होत नाही.

उकलुन सांगा ,समजले नाही , धाग्यासंदर्भात बोलत असाल तर मी कोणाचे दोन धागे उडवलेत ? म्हणुन माझे दोन धागे उडवुन घेऊ ?

पण म्हणून जिथे तिथे संपादकांवर टीका करणे, चेष्टा करणे हे पण थांबावे

=)) माझा हा एकंच धागा जिथे तिथे आहे , हे पाहुन डोळे पाणावले ..

स्वतःच्या सदसदविवेकबुद्धीला स्मरून काम करत असतात हा स्वानुभव आहे.

मी ऑफिस मधे मन लाऊन काम करतो म्हणजे संपुर्ण ऑफिसातले मन लाऊन कामं करतात असा माझा कयास होत आहे :)

प्रस्तुत धागा कितीही मोरली जस्टिफाईड असला तरी त्यातील आव्हानात्मक / धमकीवजा सूर नाही आवडला.

तुम्ही आहात म्हणुन सांगतो , मुद्दाम टाकलंय ते :)

धागालेखक एक चांगला / जवळच मित्र असल्याने तर अजूनच खेद वाटला.

आपल्या खेदाचा आदर आहे , नाही तर बाकीच्यांचे खेद आम्ही फाट्यावर मारतो हे बर्‍याचदा सांगितले आहे , आपल्या अपेक्षा पुर्ण करण्याचा "प्रामाणिक" प्रयत्न करिनंच !! वरिल प्रतिसादात केलेली "सरसकट" विधानं खटकली पण असो , तो तुमचा अधिकार (च्यायला हा हा म्हणता भला मोठा प्रतिसाद झाला की ... चला तर मी पण आता कधीतरी सिरियस झालो तर ;) आता कोणी म्हणायचं नाही हं, नुस्ताच चाठाळपणा करतो म्हणुन )

वाट्टेल ते बरळू नका! चतुरंग