डेटाबेसमध्ये काहीतरी गडबड

माझी प्रतिक्रिया तीच असेल. संपादकांनी 'फाजील' लोकशाही आणू नये हे माझे मत आहे. त्यानुसार जे बदल नीलकांतने केले त्याचे खुलासे करण्याची गरज नाही. मग तो खुलासा विसोबांना द्यावयाचा असो वा श्रावण मोडकांना. या खुल्या व्यासपीठावरील संपादनात काही जबाबदाऱ्या अशा असतात की ज्या लोकशाही मार्गाने सुटू शकत नाही. त्यासाठी पोलिसी खाक्याच ठेवावा लागतो. प्रसंगी दंडुका चालवून आणि त्यातूनही जमत नसेल तर कोपच्यात घेऊन काही गोष्टी कराव्या लागतात. मुखपृष्ठावरील बदलाबाबत विसोबा खेचर यांची किमान एका ओळीने कळवले जावे ही अपेक्षा हा संकेतस्थळाचा नव्हे तर त्यांचा वैयक्तीक आणि पार्श्वभूमीवर व्यनि किंवा खरडीतून चालणारा मामला आहे. असाच मामला मी किंवा इतर कोणीही सदस्य आणि संपादक यांच्यात चालू शकेल. पण तो जाहीर आणला जाऊ नये. संपादकीय धोरण जाहीर न करताही पुरेसे समजू शकेल इतके हे संस्थळ आता जुने आहे. संकेतस्थळाची मालकी, नियंत्रण, तिचे हस्तांतरण हा त्या संबंधित व्यक्तींतील वैयक्तिक मामला आहे. तो संकेतस्थळावर आणायचा की नाही हा त्यांचा प्रश्न. संस्थळाचे नियंत्रण हस्तांतरीत केले ही जपमाळ विसोबांनी त्वरित बंद करावी ही, एकाच संस्थळाचे दोन सदस्य यांच्यात असणाऱ्या नात्यातून केलेली, विनंती. कारण अशा जपमाळेमुळे काहीही साध्य होत नाही, उलट अकारण टोलेबाजीची संधी मिळते आणि त्यातून संस्थळावर अवांतरच अधिक चालते ही प्रतिमा तयार होते. एकाच संस्थळाचे सदस्य या नात्याने ही विनंती केली असल्याने तिच्यासह त्या अनुषंगाने व्यक्त केलेल्या मतांना ते फाट्यावर मारू शकतातच.