खासदार वेतनवाढ विरोधात ऑनलाईन याचिका

असहाय्य, खायची "प्यायची" भ्रांत असणे ह्याला हिणवण्याचा प्रश्नच नाही. परंतु एखाद्या मतदारसंघात असे लोक हजारोंनी असतील आणि सुशिक्षित शेकड्यांनी तर ज्याला जिंकायचे असेल असा लोकसभेचा उमेदवार कुणाची आणि कशी मनधरणी करेल? अर्थातच नोटांची बंडले आणि दारूच्या बाटल्या भरलेल्या पेट्या घेऊन त्यांचे वाटप करेल आणि गरीबांची मते गठ्ठयाने मिळवेल. नव्हे हे नित्याचे झालेले आहे. आता गरीबांच्या रोजच्या झगड्यातून त्यांना हेच शहाणपण कळले असेल की आज मिळणारी नोट कनवटीला लावावी. सरकारबिरकार गेले खड्ड्यात तर हे शहाणपण नंतर पुढे त्यांच्या आणि देशाच्याही नुकसानाला कारणीभूत होते. सुशिक्षित मतदार विचार करुन मत देतात. त्यांना पटवणे इतके सोपे नसते. पण त्यांची संख्याही कमी असते. (डिस्क्लेमर: अमका एक मनुष्य सुशिक्षित असून बिनडोकपणे मत देतो असे उदाहरण देऊ नये. संख्याशास्त्राप्रमाणे बघितले तर दोन साधारण सारख्या पार्श्वभूमीच्या व्यक्ती निवडल्या तर त्यातली जास्त शिकलेली विचारपूर्वक मतदान करण्याची शक्यता आहे.) इथे उगाच गरीबांचा कळवळा आणण्यात काही अर्थ नाही. निवडणूकांच्या संदर्भात अविचाराने मते देणार्‍यांमुळे निवडलेल्या लोकप्रतिनिधींचा दर्जा खालावतो आहे. आणि मग पैसे खाऊन हेच प्रतिनिधी श्रीमंत बनतात आणि पुढच्या निवडणूकीत जास्त नोटांची बंडले वाटली जातात. हे दुष्टचक्र आहे. आणि ह्यात लोकांचेच नुकसान होते आहे हे कळायला फार अवघड नसावे. आणि हाच माझा मुद्दा आहे.