'पोटाला घाला गो.. मायबाप'

तुम्ही भारतातून तिकडे जाताना कोणते मसाले किती प्रमाणात नेले आहेत ते सांगितल्यास बरे होइल. तिथे ताज्या भाज्या, धान्यं कोणकोणती आहेत? उदा. तांदूळ, डाळी, पिठे वगैरे. त्यात करता येणार्‍या रेशिप्या सुचवताना आनंदच होइल. एखादे काचेचे मायक्रोवेव्हचे भांडे मध्यम आकाराचे मिळू शकेल काय? प्लॅस्टीकच्या भांड्यात फारवेळ शिजवणे चांगले नाही आणि भांडी नंतर पांढरट पडत जातात. भाज्या चिरण्यासाठी सुर्‍या, विळी काही आहे काय? आपण एखादा छोटा कुकर नेला असल्यास तसे कळवणे.

तुमच्या शाकाहारात अंडी बसतात का? तुमच्याकडे असलेली प्लास्टीकची भांडी मायक्रोवेवमध्ये वापरण्यायोग्य आहेत काय? गॅस किंवा एलेक्ट्रिक तव्याची सोय बिलकुलच होऊ शकणार नाही काय? फ्रीजची सोय आहे काय? दुधाची उपलब्धता आहे काय?

हा व्हेजिटेबल पुलाव.. रसमलाई वांग्याचं भरीत
उकडीचे मोदक (हे करून पहायचेच आहेत मला एकदा, लईच भारी दिसतात!)

सुधा कुलकर्णींचीच ही आणखी एक कृती: ढोकळा (या पुढील दोन्ही पाककृतींसाठी जरा अतीच मसाले दिसताहेत, आणि हे उपलब्ध २-अडीच भांड्यांमध्ये तयार होण कठीण आहे! भांड्यांच्या अदलाबदलीत वेळ आधिक जाईल...) चना मसाला रसम

नायजेरियामध्ये गणपा आहे. त्याला किडनॅप करा थोडे दिवस.

१. भात करणं सोप्पं आहे - तांदूळ आणि पाणी १:२ प्रमाणात आणि २० मिनिटं ( मायक्रोवेव्ह ओव्हन ची पॉवर रेग्युलर आहे असं अझ्युम करतेय ) २. वरण : डाळी तिकडे मिळत असतीलच ( आमच्याकडॅ सगळ्या डाळी आफ्रिकेतून येतात ): तूर आणि हरभरा डाळ सोडून इतर डाळी शिजायल्या सोप्या आहेत . शिजवायच्या आधी १ तास पाण्यात ( गरम पाणी असल्याम उत्तम ) भिजवा लवकर शिकतील . डाळ आणि पाणी १: २.५ प्रमाणात आणि २०-२२ मिनिटं. ( मधून मधून ढवळायला लागेल ). भात -वरण आरामात होइल, अर्धा चमचा बटर घाला आणि खा ( तुमच्याकडे फोडणीचं काहीच सामान नाही असं समजून ). जिरे मिळाले तर भात करायच्या आधी अर्धा चमचा बटर पातेल्यात वितळवा, त्यात जिरे घाला , झाकण ठेवा आणि २५-३० सेकंद ओव्हन मध्ये ठेवा., बाहेर काढून त्यात तांदूळ -पाणी घाला आणि वर सांगितल्या प्रमाणे भात करा; झाला जिरा-राइस. लसूण्-आलं मिळालं तर फक्त मिरपूड ही मिरची/तिखटाची पोकळी भरून काढू शकेल. ३. गाजर्, मटार्, ढोबळी मिरचीचे बारिक तुकडे करून शिजवता येतील. वर बटर-मिरपूड्-मीठ टाकून चविष्ट साईडडिश तयार. ४.मक्याचे दाणे स्टीम करा, वर बटर्-मिरपूड्-मीठ आणि लिंबाचा रस ; स्नॅक तयार. एकदम हेल्दी फूड. ५. तिकडं खुसखुस ( जाड रव्यासारखा दिसतो ) नावाचा प्रकार मिळत असेल तर भातासारखाच शिजवायचा. ६. सिमोलिना ( रवा ) मिळाला तर खीरही करता येइल. ७. पास्ता मिळत असेल तर पास्ता सॉसही मिळेल; ते सॉस बर्‍याच पाकृ. आयतं वापरता येइल.

तहान भुक विसरून "धिस टाईम फॉर आफ्रिका" लिहून संपवा :) ;) बाकी म्यागी आणि मिपावरचे कुक आहेत तो पर्यंत फिकीर नॉट

मीही सुधा कुलकर्णींचे व्हिडिओज सांगणार होते जे बहुगुणींनी आधीच सांगितले आहेत. ब्रेड मिळत असल्यास जॅम्/भाज्या यांची सँडविचेस करता येतील. कणिक, ज्वारी, तांदूळ, बेसन ही किंवा यापैकी मिळणारी पीठे मायक्रोवेव्हमध्ये कोरडी भाजून भाज्या चिरून घालून मायक्रोवेव्हची थालिपिठे करता येतील. खुसखुशीत होत नाहीत पण सध्या इलाज नाही. मायक्रोवेव्हमध्ये रवा चांगला भाजून उपमा करता येइल. शिरा करण्याची कृती सुधा कुलकर्णींच्या व्हिडीओ मध्ये सापडेलच. त्यांचीच पावभाजीची पाकृ नक्की उपयोगी पडेल. भेळपुरीचे सामान मिळते आहे का ते पहा. दह्यातल्या कोशिंबीरी करून गव्हाच्या तॉर्तीयांबरोबर बर्‍या लागतील. तुरीची डाळ बराच वेळ भिजत घालून नंतर मायक्रोवेव्ह केल्यास वरण शिजू शकेल. भात आपण करालच. तिकडे केळीची पाने मिळत असतील तर पानगी नावाचा प्रकार करता येइल. पापड मिळत असले तर मुगाची खिचडी करून पापड मायक्रोवेव्हमध्ये भाजता येइल. पास्ता करता येइल, ज्याची कृती तूनळीवर आहे.

एक माझासुद्धा मदतीचा प्रयत्न - भात, पुलाव , शिकरण, पास्ता, आफ्रिकेत डाळी मिळतात उदा. इथिओपिअन जेवणात डाळी असतात....इंजीरा नावाचा दोश्यासारखा ब्रेड असतो.. अजून एक सांगू का ? मी इथे आफ्रिकन जेवण जेवलेले आहे...त्यात मसाले न घालता भाज्या असतात, (अगदी कोबीची भाजी सुद्धा मिळू शकते) ब्रेड असतात त्यामुळे अगदीच काही नाही तर एखादे जवळपासचे हॉटेल शोधून पहा...एकदातरी भेट द्याच हाटेलला...फार काय अडला जीव जेवी कॅन्टीनचे जेवण.. videos आहेतच दिलेले...त्यामुळे घरी करायला साधं जेवण भात, डाळीचं साधं वरण आणि शिकरण असं खाता येईल...आहातच तिथे तर आफ्रिकन जेवण जेऊन पहा.

तिथे गिट्स किंवा त्या सारख्या इतर कंपनी चे पॅकेट मिळत असतील. तर गिट्स चे इडलि चे पॅकेट आणावे पाण्यात मिक्स करावे. डब्याला तेल लावून त्यात इडली चे पीठ ओतावे. ३ मिनिट माइक्रोवेव मधे ठेवा. चोकोनी इडली तयार होईल. ती सांबार सोबत खाता येईल. तो पण ह्याच पॅकेट बरोबर मिळतो.ह्याच प्रकारे गिट्स किंवा प्रिया मिक्सस पासून ढोकळा बनवता येईल. कृती वर दिलेल्या इडली प्रमाणे करावी. रेडी टू ईट चे पॅकेट मिळत असतील तर ते घ्यावे रोज हॉटेल मधे जेवण महाग ही असते शिवाय ते भारतीय जेवण नसल्यामुळे प्यूर शाकाहारी असेलच असे नाही.

आपले बिकाजीराव करोडपती काही काळापूर्वी आफ्रिकेत घाणीत - सॉरी आपलं 'घाना'त होते. त्यांचा अणुभव उपयुक्त ठरावा. अजून एक मिपाकर पण होते पण ते हल्लीच (मिपावरून) -काही लोकांच्या मते दोनदा- निवर्तले.

ही रेसिपी माझी आई करीत असे. पातेलेभर पाणी साधारण गरम करुन घ्यावे. दोन वाट्या जाडे पोहे चाळून चाळणीत तसेच ठेवून त्यावर हे पातेल्यातील गरम पाणी ओतून ते निथळू द्यावे. नंतर ते पोहे एका भांड्यात काढून त्यात चिरलेला गुळ, ओला नारळ, आणि वेलची जायफळाची पूड घालून फडशा पाडावा (बनवल्यास कसे झाले ते कळवावे ;))

व्वा! अशा भरगच्च माहितीमुळे अर्धवटरावांचा किती फायदा होतो ते ठाऊक नाही पण माझा मात्र झाला! बाकी राव, तुम्हाला फक्त महिना काढायचाय, त्यातील १० दिवस तर अगोदरच गेलेत. उरले वीस दिवसच! कशाला काळजी करताय?

द्येवा, तुमच्या दु:खात सहभागी आहे. मदत करणं अवघड आहे. (आम्ही स्वतःच तिच्यायला भारतातच राहुन तुमच्यासारखे दिवस कंठतोय. मदत काय करणार?) असो, आपली अडचण लवकरात लवकर दुर होवो ही देवाकडे प्रार्थना... अवांतरः सत्यनारायण घालुन बघा राव...काय मनातल्या विच्छा पुर्‍या झाल्या तर बरं... ;)

आम्ही स्वतःच तिच्यायला भारतातच राहुन तुमच्यासारखे दिवस कंठतोय. मदत काय करणार? >>> हा हा हा !! अर्ध्या ..मी तुझ्याजागी असतो तर बहुगुणीच्या सल्ल्यावर नक्की फॉलोव केले असते.. बाकी हॅप्पी किकींग...आपले हे.. कुकिंग

स्वयंपाक येणारी बायको करा. मग बघा वजन कसे कमी करु असे धागे काढता कि नाही.

मॅगी नूडल्सना पर्याय म्हणजे पास्ता, पिझ्झा, सँडविचेस, सूप्स, वरणभात, मुगाच्या डाळीची किंवा अन्य डाळीची खिचडी, दह्यातल्या कोशिंबिरी, रायते, शिकरण, मोड आलेली कडधान्ये उकडून नुस्ती मीठ, चाट मसाला इ. घालून किंवा उकडून तिखट-मीठ घालून, फोडणीचा ब्रेड, फोडणीचा भात, चीझ चिली टोस्ट, सॅलडस, वांग्याचे ग्रिल्ड काप, अर्धवट शिजलेल्या बटाट्यात चीझ - उकडलेल्या भाज्या इ. चे सारण घालून बेक करणे, पनीर व इतर भाज्या (सिमला मिरची, मटार, टोमॅटो, कॉर्न, गाजर इ. इ.) ची गरम मसाला -मीठ-तिखट घालून भाजी, व्हाईट सॉसमध्ये उकडलेल्या भाज्या - वरून चीझ घालून बेक करणे.

http://theory.stanford.edu/~amitp/recipe.html काही वर्षांपूर्वी या अ‍ॅप्लिकेशन बद्दल (किंवा अशाच दुसर्‍या कुठल्या तरी) वाचले होते..तुमच्या साठी शोधले आत्ता. बाकी तुम्हाला मदत मिळालेली आहेच भरपूर.

मायक्रोवेव्ह पण नको. भांडी पण नको. एका कागदावर सगळे होते.

जॅकेट पोटॅटोज!! बटाटे तस्सेच्या तस्से मायक्रोवेव्ह मधेय घाला अगदी न धुता. ३ मिन फ्रॉम वन साइड २ मिन फ्रॉम अदर! डन! एक गोष्ट मात्र इथुन पुढे ध्यानात ठेवा बरोबर कायम एक चाट मसाला पाकिट ठेवणे, अगदी काहिहि चवदार करुन खाता येते. खर सांगु का? महिनाभर रहाणार ना? लगे हाथ श्रावणी करुन टाका, पुण्य मिळेल.

मी सागु का? तुम्ह्रि पातळ पोहे दुधात भिजवुन साखर घालुन खा