गोडाधोडाचे पदार्थ

१ब) दूध न नासवता केलेले - उदा. गुलाबजाम

१ब म्हण्जे रसमलाइ,बासुंदी, दूधीहलवा, श्रीखंड वग्रै खूप आवडतात.

तुम्ही आम्हाला काहीही गोड द्या हो आम्ही हाणून दाखवतो! ;) तरीही तुमच्या म्हणण्याला मान देऊन आम्ही लिस्ट देतो - विभाग १ मधे - श्रीखंड (ह्याचाच उपप्रकार आम्रखंड) (हे मी शक्यतो घरीच चक्का बनवून केलेले पसंत करतो), बासुंदी (बंबईवाला हलवाई नगर आणि नरसोबावाडी कुरुंदवाड), कुंदा, पेढे (हे फक्त महेंद्र पेढेवाला नगर यांचेच), खव्याची पोळी, फक्त खव्याचेच गुलाबजाम (गिट्सच्या गोळ्यांना मी गुलाबजाम म्हणत नाही), मलई बर्फी (पुन्हा एकदा बंबईवाला) विभाग २ - नारळाच्या वड्या, उकडीचे मोदक (फोडून आत भरपूर साजूक तूप भरलेले - अन्यथा समोर आणू नयेत ;)), नारळीपाकाचे लाडू, विभाग ३ - बेसनलाडू (बेदाणा वरती दिसायला हवा नाहीतर मजा नाही), म्हैसूरपाक, मोतीचूर लाडू विभाग ४ - अन्य मधे लै मोठी लिस्ट आहे हो पण वानगीदाखल काही - सत्यनारायणाचा शिरा (हा मी कितीही खाऊ शकायचो! गेले ते दिवस ;) ) पुरणपोळी, गुळाचीपोळी, सुधारस (केळ्याचे काप, वेलदोड्याची पूड आणि केशर मस्ट!), रवालाडू, बालूशाही, गरमागरम जिलेबी (ही बारीक नळीची असेल तर कुरकुरीत, थोडी जाड नळीची असेल तर पाकाने भरलेली आणि कडक हवी - मीटरवर मोजता येण्याजोगी जिलबी आम्ही खात नाही! ;)), आम्ही केलेले गोडाचे गुणवर्णन इथे चाखा! ;) (गोडघाशा)चतुरंग

अत्यंत अन्यायकारक धागा आहे हा.. असं कसं निवडणार ब्वॉ.. प्रत्येक वर्गातला एकेक पदार्थ निवडायचा असेक तर सांगा..

सगळे गोड पदार्थ आवडतात. त्यातल्यात्यात पेठा आणि बॉम्बे हलवा कि कायसे नाव असलेला पांढरा चौकोनी प्रकार कमी आवडतो. गोडाचं काही खाल्लं की मनात अपराधी भाव आल्याशिवाय रहात नाहीत. कुठं फेडायच्या या कॅलरीज? असं वाटत रहातं.;)

मला गोड पेषा तिखट व आम्ब्ट खुप आवडते . गोड पदार्थ कमीच

मला वाटलं काही गोडाच्या पाकृ टाकल्यात कि काय ... असो, नगरच्या बंबईवाल्याचे गुजा मस्तच...नाशिकच्या बुधाचे गुजा, बर्फी, जिलबी छानच, पांडेच्या बर्फ्यासुद्धा मस्त...

असा एकच पदार्थ निवडणे हा शुध्द अन्याय आहे, सबब ...... पुढे काय लिहिणार ते समजले असेलच,;) स्वाती

वर दिलेल्या यादीतील सर्व, पण मैसुरपाक हा साजूक तुपातला नसेल तर काही मजा नाही बॉ !! आमच्या ऑफिसमधील एक मल्लु त्यांच्याकडचा मैसुरपाक आणत असे तो अगदी जीभेवर विरघळायचा. सध्या जिम ट्रेनरने ताकीद दिली आहे म्हणून नाहीतर फक्त गोड वाढा, त्याहून मागणं लई न्हाई :)

सुनील शेठ, हि चौकशी आहे का आमंत्रण ?

गोड पदार्थ ? आजिबात नाही. से नो टु स्विट्स. ***साखरेचे खाणार त्याला देव नेणार ****

१ अ मधला एकही पदार्थ आवडत नाही (पनीरसह). (तरीसुद्धा कलकत्त्यात वर्ष काढलंय). बाकी सगळे आवडतात. हे गुलाब जाम यांच्यावर आमचा भारी जीव. वजन कमी करण्याचे दुष्ट सल्ले मिळाल्यामुळे अलिकडे एवढे संपत नाहीत.

खरवस अन् बेसनलाडू.. कधीही आणि कितीही द्या.. आमचे त्वांड सताड उघडे मिळेल!!

पण आज गोडाधोडाची आठवण केल्यावर कुणीतरी "या ,एकदा आमच्या इंदोरला,सराफ्यात जाऊ "अशी हाक मारली असा भास झाला.