स्वीटकॉर्न चा फ़जिता अथवा उसळ

उसळ चांगली वाटत नाहीये. फोटो छान दिसतो आहे. राई म्हणजे काय? फोडणीचा पदार्थ असतो का?

श्रद्धातै, उसळीची पाकृ छान आहे. परंतु कृपया त्याला फहिता (fajita) म्हणू ना हो! अगदी टोमॅटो आमलेट म्हटल्यासारखे वाटते!

फइता म्हणतात. पाकृ मस्त.

फईता म्हणजे स्ट्रिप किंवा पट्टी. कांदा, मांस, टोमॅटो, भोपळी मिरची वगैरे लांब्या लांब्या कापून हा पदार्थ बनवला जातो. द. अमेरिकी जेवणात कढीपत्त्याचा समावेश पाहिलेला नाही, हळद, जिरे, मोहरीची फोडणीही पाहिलेली नाही, तेव्हा उगीचच लोकांनी हे फईता वगैरे आहे असे म्हणणे थांबवावे. हा पदार्थांवर अन्याय आहे. ;) मूळ लेखिकेने तसे काहीही म्हटलेले नाही याची नोंद घ्या आणि उगीच पदार्थाचे नको ते बारसे करायचे बंद करा. ;) परंतु, याचे नाव फजिता असेल तर माझी हरकत नाही. उसळ तर वाटतेच पण फजिता असे नवे नाव लेखिकेनेच ठेवले असल्यास ठीक आहे.

वा! श्रद्धा तै. फर्मास. अजून येऊद्या अशाच पाकृ. (बाकी वर काही लोक तोंड लांब करून - आपण मुळचे सान फर्नांडोचेच अशा थाटात फहिता/फजिता/फईता व्युप्तत्तीची चुपक्रमी चर्चा करत आहेत त्यांच्याकडे सरळ दुर्लक्ष करा नाही तर योग्य तिथे मारा - कसें? )

छान फोटू! पूर्वी कणसे किसून घेउन ही उसळ करत असत. म्हणजे माझी आजी करायची.

मस्त! माझी आई करायची मधल्या वेळच्या खाण्याला.

फहिता म्हणतात हे नक्की कारण मी मेक्सिकन रेस्टॉरन्टात जाऊन फजिता ऑर्डर केल्यावर ती प्रचंड वेट्रेस, आपले प्रचंड दोळे आणखीनच प्रचंड करत मला "इट्स फहिता" अशी दमदार समज(दे)वून गेली होती! बाकी हा फहिता वाटत नाहि.. हे फक्त सारण झालं तेही चीझ शिवाय.. मुळ फहिता व्रॅपमधे चीझसकट अतिशय लडबडलेला पण अति रुचकर असतो. याला रुचकर उसळच म्हणूयात ;)