भेंडीची कुरकुरीत भाजी

जिले इलाही, तुम्ही अनेक माणसं खाता तश्या भाज्याही कच्च्या खाऊ शकता हे नवीनच कळत आहे!

अहो, सहावीत असताना आमच्या शाळेत केक कसा करायचा हे कार्यान्भावात शिकवले. आणि शेवटी बिना ओव्हनचा कुकरमध्ये वाळू घालून कसा करायचा तेही सांगितले. मग मी कधीतरी माझ्या वाढदिवसाला दुपारी कुणीच घरी नव्हतं, तेव्हा हा प्रयोग करून पाहायचे ठरवलं. कुणीतरी म्हटलं होतं की अंड्याशिवाय केक चांगला होत नाही. मग मी आजीचा डोळा चुकवून, मुद्दाम घरापासून दूर असलेल्या दुकानातून अंडं आणलं. (कळलं तर लगेच बाहेर हो म्हणायची!!) आणि केला उपद्व्याप. काय नक्की बिघडलं होतं देव जाणे, पण तो केक काही भाजला गेला नाही. पोटात सुरी खुपसून खुपसून त्याची चाळण झाली. शेवटी मी पण हात टेकले. वरचा अगदी थोडासा भाजल्या सारखा वाटलेला केक मी, आणि राहिलेला म्हशीने खाल्ला. नंतर संध्याकाळी आईला हळूच सांगितले, "आज आजीची म्हैस बाटली" ;) या अनुभवावरून वाटले की ती माझे सारे अपराध असे "पोटात" घेईल म्हणून!!! पण तिनेही मान फिरवली. त्यानंतर स्वयंपाकाचे प्रयोग थांबवले ते गेल्याच वर्षी चालू केले. :D