सामना व राहुल गांधी

>> इंदिराजींच्या हत्येनंतर शिखांच्या कत्तली झाल्यावर "मोठे झाड पडल्यावर आसपासची झुडपेही मरतात" असे म्हणण्यासारखे हे वाक्य कठॊर असेल, अपरीपक्व असेल, पण प्रामाणिक आहेच.ऎरवी बेरकी राजकारणी असे म्हणू शकणार नाही.आणि मूळात हे वाक्य नेत्यापेक्षा आई गमावलेल्या मुलाचे जास्त वाटते. << काही शिखांनी इंदिराजीना मारले म्हणून तमाम जमातीला वेठीस धरणे, त्या लोकांच्या हत्या करणे आणि त्याचे समर्थन करणे हे योग्य आहे? प्रामाणिक आहे? अशा राजपरंपरेमुळे आजही त्या दंगली घडवून आणणार्‍या लोकांना शिक्षा होत नाही. उलट मानाची पाने मिळतात. तसे तर दाउद इब्राहिमही म्हणत असेल की मी भारताचे वाट्टोळे करणार, तिथे बाँब फोडणार आणि तसे वागतोही आहे. म्हणून त्याचा प्रामाणिक म्हणून गौरव करायचा का? आपला न्याय मोठा अजब आहे. >> रामजन्मभूमी स्थानाचे कुलुप उघडून तिथे हिंदूंना पूजापाठ करु देणारे प्रामाणिक? त्यांनी ती राजकीय चूक केली एवढेच.पण त्यात त्यांनी राजकीय, वैयक्तिक कॊणता स्वार्थ साधून अप्रामाणिकपणा केला? << व्होटबँकेकरता आगीशी खेळ केला. हा स्वार्थीपणा आहे. थोड्या फायद्यासाठी दीर्घकाळ चिघळणारी जखम निर्माण करणे हा स्वार्थीपणा आहे. प्रामाणिकपणा नाही.