...

पिवळा डांबिस नशीब माझं, मी काय करू? अवसेच्या राती, हात लागे सुरसुरू बोअर जे मारेल, त्या लिखाणाला पुरू जिंकू किंवा मरू.. जिंकू किंवा मरू :)

कारने इंटर्व्ह्यु ला निघताना सकाळी ग्लासभर "कारनेशन" घेतलं होतं. इंटरव्ह्युचं टेन्शन, मुख्य ठीकाण तर दूरच पण मधे मैलोनमैल विश्रांती स्थळ देखील येत नव्हतं. अशावेळी भयंकर भीती दाटून आली होती , थरकापच उडाला होता का ते ऐका - :P मला लागली ग बाई घाईची जाऊ कुठे जाऊ कुठे लांब स्थळ विश्रांती मला लागली ग बाई घाईची

बघा बघा फांद्या दिसला का रे मुंजा वाटेवरी उभी ह्डळ संगे घेउनी वेताळा

१. अवसेच्या या भयाण राती दे तुझा हाडाळ हात हाती मिळून दोघं बसू मानगुटी तुला कसली मरण-भीती? २. अक्कणमाती चिक्कण्माती खड्डा तो खणावा अस्सा खड्डा सुरेख बाई मुडदा तो पुरावा अस्सा मुडदा पुरला बाई माती ती लोटावी चवथरा केला बाई क्रुस मात्र लावावा ३. काजळी काळोख गडे जिकडे तिकडे चोहीकडे चितेचा उज्जेड पडे नाचती प्रेते सगळीकडे :P

लाजवाब! ;)

नैराश्येचा खवीस मानगुटीवर बसून मेंदू खरवडून काढतोय अन जखीण वेड्या उन्मादाची विचकून वाट बघतेय झोडपण्याची ही हा हा

चैत पुनवेचि रात , पिंड फोडणीचा भात , कड्कड हाडकाना चल चावू या , खाऊ गिळु सारं कसं , मान चोच पाय पिसं , रगताच्या खरवसा चल खावू या, कापली कि मुर्गी तुमच्या जोडीनं मी प्याले, "पितरी" च्या या राती राया , टुन्न येडी मी झाले , राया सोडा आता तरी , काळयेळ न्हाई बरी , पुन्हा भेटू कवा तरी मसणा , मला जावु द्या ना घरी ..... आता वाजले की बारा

येऊ द्या. येऊ द्या. एंट्री यायला मध्यरात्रीनंतरची मुदत आहे. ;)

मला जावु द्या ना घरी ..... आता वाजले की बारा

हडळींच्या राज्यात रात्री बारानंतर घरा सॉरी झाडाबाहेर पडतात ना!

(१) आवसेच्या रातीला, असाच होतो जात वेताळाच्या वाटेवर, भूतनाथाचा भाट व्हाळापाशी होत्या, आसरा साती सात आवळल्या मुठीत आला, हडळीचा हात - - - (२) उडाला धुराळा भरारा भरारा पडू लागल्या जोरजोरात गारा ढगांच्या मध्ये गर्जना हो कडाडा घरी एकट्याला नि वाटे थरारा - - - (३) सर्वपित्री किर्र रात्री दार माझे वाजले 'तो' असावा वाटले एक प्याला ना पुरेसा, दोन प्याले ओतले कोण प्याले ना कळे

१) भूत म्हणे हाडळीला नाच माझ्या संगं मसणाच्या दारी लागे मुडद्यांची रांग ! २) तुझ्या गळा माझ्या गळा गुंफू हाडकांच्या माळा भूत आणखी हडळीला चल रे घालू वेताळा ! तुज कवटी, मज दिवटी आणखी पिंड कोणाला वेड लागले दादाला मला नव्हे ते मुंज्याला ॥ ३) एक कवटी फोडू बाई दोन कवटी फोडू सर्वपित्री आवसेला चार हाडं तोडू

मस्त मस्त. काय भयानक माणसे आणि काय भयानक डोकी, भयंकर कल्पनाशक्ती बघा एकेकाची आणि उगीच बिच्चार्‍या भुतांना नावं ठेवतात. धनंजय,अडगळ आणि मितान पहिल्या क्रमांकाच्या शर्यतीत. येऊ द्या आणखी. ;) धनंजयचे नं१ आणि नं३ क्लास. भारी आवडले.

ही स्पर्धेतली वेण्ट्री नाही! ;) असंच सुचलं नि र ला ट जोडण्याचा एक प्रयत्न आहे. ** पिपळावरचा भस्म्या ** वाखरावरचा पिपळ तो बदनाम पंचक्रोशीत तिथे म्हणे भस्म्याची, अख्खी फ्यामिली आहे सरपंचाचा बैल खाल्ला, उभा चिरून खुषीत कालपासून कुलकर्ण्याची गाय हरवली आहे शेळ्या, बकर्‍या, कोंबड्या वरचेवर गायब होती भस्म्याच्या पिपळाखाली पडती हाडांच्या राशी प्राणिच नाही माणसेही खातो की काय तो? दिसल्या व्हाळामध्ये होत्या कवट्या खडकाशी दिवसाढवळ्या सुद्धा तेथे जात नाही कोणि नाही शाश्वती गेलेल्याची परतुन येण्याची चुकूनमाकुन कुणि पोचला जरी वाखरापाशी हिम्मत नाही होत तयाची रिस्कं घेण्याची एकदा परशा गेला होता मुद्दाम धाडस करून आठ दिवस कोणाशी काहीच बोलला नव्हता आमोशेच्या रात्री तो गायबला घरामधून पडला मुडदा भल्या पहाटे, अखा सोलला होता मांत्रिक केले तांत्रिक केले भस्म्या काही हालेना वाखरावरला पिपळ अजुनहि जनपरित्यक्त आहे सरपंचाला खाईन ऐसी केली तयाने घोषणा पंचायतिचि खुर्ची तेव्हापासुनि रिक्त आहे!

आमच्या कंपूविषयी आम्ही काहीही कविता वगैरे करीत नाही. (बाकी, खरडवह्यांतून बक्षीस वगैरे ही ऐड्या कुठून तरी चोरलेली वाटते. उद्गात्याला क्रेडिट द्यायला हवे.)

माळावरचा पिंपळ झाला रक्त साकळुन काळा कुण्या कपीवर भूतनखांचा निर्घृण हल्ला झाला भुका भडकती, जिभा लपकती, नजर वळे वखवखती ऋषीमुनींवर, फाडुन खाया हिंस्र नखे पारजती

अमावाश्येला प्रतिभेचे पूर आले!!

अमूशेचा पार उठे मुडद्यांचे काहूर गुढघाभर रुते पाय रक्तचिखलात थवे भुतोबांचे तेथ मांस चिवडत कुत्री चुकार बसली हाडकं निवडत