तुम्हाला कोणते "फटाके" आवडतात?

चुकुन काथ्याकुटात पडलाय का लेख? नाही म्हणजे कौलं सोडुन भलतीकडंच आलात म्हणुन विचारलं हो..

सविस्तर प्रतिसादासाठी जागा राखून.

वरील सर्व. अजुनही काही आवडतात, १. भुईनळे २. पानपट्टी(त्रिकोणी आकाराचा छोटासा फटाका) ३. बंदुक आणि टिकल्यांचे रोल ४. ल़क्ष्मी बाँब ५. १०,००० ची लड(माळ)

मी आणि माझे कुटुंबीय जेव्हा फटाके उडवत असतात तेव्हा मला आवडतात. :) इतर वेळी मला फटाक्यांची कटकट आणि प्रदूषणाचा त्रास होतो. :( (आप्पलपोटा) माझ्याकडून असेच काहीतरी वाचायला मिळेल अशी खात्री अनेकांना असेलच. ती खरी ठरल्याबद्दल अभिनंदन. :)

परमपूज्य संस्कृत विद्वान नानासाहेबांना जे फटाके आवडतात तेच आम्हाला आवडतात.

मला टिकल्या आवडतात. टिकल्यांच्या डब्या आता आठवत पण नाहीत :( काही मुलं लहानपणी शूरपणा दाखविण्यासाठी टिकल्या हातानी भींतीवर घासात फोडायची. बापरे :( मी फक्त दगडाने टचाटच आपटत फोडत असे. काही टिकल्यात डबल दारू येते :) मज्जा !!!

आकाशात उडणारे....! -दिलीप बिरुटे

फटाके बेभरवशाचे असतात. काही अनुभव सिद्ध निरीक्षणं. १ आयटम बाँब बरेच मिळतात.सगळेच वाजतात असे नाही. सूज्ञ पुरुष एका आयटम बॉबवर अवलंबून राहत नाहीत. २ सुंदर आवरण म्हणजे फटाका वाजेल याची गेरंटी नाही. ३ फटाका साउथचा आयटम आहे. पानकोबी सारखा असतो. भरपूर आवरणे .बारुद इल्ला. ४ दाखवायचे आणि वाजवायचे फटाके वेगळे असतात. ५ फटाका चांगला वाजण्यासाठी आधी तापवावा लागतो.(उन्हात) ६ बर्‍याच वेळा वात गळून पडते. खात्री करून घ्यावी. ७ उदबत्ती तयार ठेवावी. बर्‍याच वेळा फटाका वात काढून तयार असतो. पण वाकल्यानंतर कळते की उदबत्ती विझली आहे. ८ फटाके वाजवण्यासाठी वाकावे लागते.उभ्याउभ्या फटाके वाजत नाहीत.उभ्यानी वाजवायला फुलबाज्या बर्‍या. त्यामुळे पोटाच्या घेराची काळजी घ्यावी. ९ वाजणे किंवा न वाजणे ह्यात आपला हात नसतो त्यामुळे ह्या सूचना हलकेच घ्याव्या. १० "आवाज "बरेच वर्षात वाचला सॉरी बघीतला नाही त्यामुळे थोडे न्यून पुरते करावेसे वाटले. आपला , रामदास विठोबाचे राज्य आम्हा नित्य दिपवाळी (जुनी प्रतिक्रिया परत छापण्याची प्रेरणा देणार्‍या नानासाहेबांचा आभारी आहे.)

विषय काथ्याकुटात टाकला आहे म्हणून थोडा काथ्या कुटतो. शोभेच्या फटाक्यांऐवजी आवाजाचेच फटाके उडवावे. कारणे. १. आवाज करणार्‍या फटाक्यात खूप थोडी दारू असते. उलट शोभेच्या फटाक्यात खूप दारू असते. त्यामुळे वायुप्रदूषण शोभेच्या फटाक्यातून जास्त होते. २. शोभेच्या फटाक्यांतून रंगीत प्रकाश निघावा म्हणून त्यात स्ट्रॉन्शियम, मॅग्नेशियम आदि धातूंची संयुगे घातलेली असतात. श्वासावाटे ही संयुगे शरीरात गेल्यास अपाय होऊ शकतो. ३. आवाजाचे फटाके उदबत्तीने पेटवता येतात. शोभेचे फटाके उडवण्यासाठी एका भुइचक्रामागे एक फुलबाजी पण जाळावी लागते. म्हणजे अतिरिक्त प्रदूषण. कानाला इजा होऊ नये असे वाटत असेल तर लवंगी किंवा डांबरी फटाकेच फक्त उडवावे. फार तर बॉम्ब उडवू नयेत. पण शोभेचे फटाके अजिबातच उडवू नयेत. काय म्हणता?

ईंजिनीयरींगमध्ये असताना वर्गात मास्तर फळ्यावर लिहायला लागले की एकचवेळी शक्य तेवढे फोडण्याची प्रथा होति! त्यानंतर वर्गातल्या कन्या असा काही गळा काढत की दिवाळी आहे का शिमगा हा प्रश्न पडायचा ;)

हवेत कशाला फटाके? फटाके भारतीय संस्कृतीचे देणे नाही...हि बहुतेक चायनीज गोष्ट आहे. स्वतःला त्रास, दुसर्याला त्रास, खिशाला चाट अन वातावरणाचा नायनाट.

कौलरुपी कथ्याकुटा सुरु करुन.चांगला प्रतिसाद ( आता कोणता ते वेगळं सांगावं लागणार काय ? ;) ) वाचण्याची संधी उपलबध करुन दिल्या बद्दल आभारी आहे... ;)

आमच्या गल्लीत आम्ही सोडून दुसरे कोणीच दिवाळी साजरी करत नाही. :) म्हणून आम्ही झोकात दिवाळी साजरी करतो. आवाजाचे सोडून सर्व फटाके उडवतो. रंगीबेरंगी प्रकाशांची उधळण करणारे अनार, भुईचक्र, फुलबाजे, फिरते अनार वगैरे वगैरे

आमच्या इथे फटाके कुठे विकत मिळतात हे माहित नाही. मला फुलबाज्यांशिवाय काही आवडत नाही. पूर्वी भूइनळा अथवा झाड आवडायचे पण एकदोनदा ते उडून संपल्यावर बॉम्ब फुटल्यासारखा फुटला मग तो प्रकार बाद झाला.

अशा आर्टीकल मधे अजुन काही लिहावे असे सुचीत करतो. फटाकेविषयी न लिहता लहान मुलांबाबत लिहावे असे मननं करतो.

लहान तोंडी मोठा घास... या अवलिया का़कांना झालंय काय? (हिकडे पाठवा बामोशीबाबाच्या दर्ग्यावर बांधुन ठिवतो.....ह.घ्या.) बाकि त्या निमित्ताने रामदास काका यांचे "काही अनुभव सिद्ध निरीक्षणं."तसेच निले यांची त्यांच्याशी लागलेली जुगलबंदी समा बांधुन गेली... तसेच थत्ते काकांचे गंभीर पण सत्य तत्वज्ञान(डोळे पाणावले खरंच....) माझ्याकडे हातरुमाल आहे...

आमची आवड - (दक्षिणेतला फेमस) अ‍ॅटमबॉम्ब..! :) अनार किंवा झाडंही आम्हाला आवडतात.. त्याचप्रमाणे चमनचिमणी व नानाविध बाणही आवडतात.. आपला (दाक्षिणात्य अणुबाँब प्रेमी) तात्या.

मि. पा वर फुटणारे फटाके मला सर्वात जास्त आवडतात ;)

रामदासकाकांना कोपरापासुन दंडवत !! बाकी फटाके म्हटल्यावर आम्हाला 'फटा के' चा जोक आठवला कोल्हापुरी फटाकडीचा फॅन पुण्यातल्या बेचव,साजुक तुपाला कंटाळलेला, सुहास

१) माधुरी दिक्शित २) ऊर्मिला मातोडकर इत्यादी.....

१८ वर्षावरील मुलांसाठी असतात ते.

गांधीवाद्यांप्रमाणे म्हणतो आम्ही फटाके उडवत नाही. आवडत नाही. ऐपत नाही. (त्यात भर घालतो)फटाक्यामुळे होणारे प्रदुषण (ध्वनी आणि वायुचे) आणि आवाजामुळे बालकांना आणि वृध्दांना होणारा त्रास बघवत नाही. सध्या एक फटाका प्रसीध्द आहे. हा फटाका जिवंत फटाका आहे. "खळ्ळ्ळ्ळ्ळ्ळ्ळ" आणि "फटाक" असे आवाज निघाले की समजा "राज" फटाका वाजला. ;)