१५ करोड द्या, नाहीतर टाटा गुडबाय

टाटांनी नुसतं बेंबीत बोट घालुन गार आहे असे न म्हणता स्पष्ट कोण मंत्री, कोण अधिकारी असे सांगितले असे तर जास्त योग्य झाले असते. हे असे मोघम सांगणे म्हणजे बघा मी किती प्रामाणिक आहे असे ढोल वाजवणे आहे. दहा वर्षांनंतर बोलायचेच होते तर व्यवस्थित माहिती देऊन बोलायला हवे होते असे आमचे वैयक्तिक मत आहे. बाकी आपल्याला जास्त कळत नाही हे जगजाहिर आहे. बाकी व्हीएसएनेल चे डिलींग कसे झाले याबाबत तज्ज्ञांचे म्हणणे वाचायला आवडेल.

टाटाने आत्तापर्यंत कधीच पैसे खिलवले नसतील यावर आमचा विश्वास नाही !

गांधीवादी ज्या सातत्याने अशा प्रश्नांना वाचा फोडतात आणि जनजागृती करतात त्याबद्दल त्यांचे करावे तेवढे कौतुक कमीच आहे. मिपावर आज देशाचा आणि देशवासीयांच्या भविष्याचा खरा विचार करणारे कोणी असेल तर ते गांधीवादी आहेत :) बाकी चार घटका टिवल्या बावल्या करायला येणार्‍या आणि स्वतःच्या खोट्या विश्वात मग्न असणार्‍या दांभिकांनी त्यांच्या धाग्याकडे दुर्लक्ष करावे ह्यात नवल नाही.

संरक्षण्,टेलिकॉम्,विमाने ह्यांच्या कंत्राटांमध्ये सरकारी उच्च अधिकारी,मंत्र्यांनी पैसे खाल्ले नाहीत असे सहसा होत नाही. मंत्रीमंडळ बनवायच्या सुमारास ह्या खात्यांमध्ये आपला माणूस असावा ह्यासाठी सर्वच पक्ष खूप मेहनत घेतात. टाटांनी जोउल्लेख केला आहे तो मंत्री म्हणजे बहुतेक सी.एम. इब्राहिमच आहेत. म्हणूनच मंत्र्याचे नाव जाहीर करा नाहीतर आत्महत्या करेन अशी धमकी इब्राहिम ह्यांनी दिली आहे!! टाटांनी नाव घेतले नाही कारण अशा डील्समध्ये कागदी व्यवहार कधीही होत नाहीत. त्यामुळे आरोप शाबित करणे अशक्य असते.म्हणूनच टाटांनी अप्रत्यक्ष उल्लेख(९०च्या दशकातला मंत्री) केला आहे. टाटाने आत्तापर्यंत कधीच पैसे खिलवले नसतील यावर आमचा विश्वास नाही ! हल्ली हे व्यवहार डायरेक होतात. म्हणजे १५ कोटी द्या,परवाना देतो. पूर्वीच्या काळी पैसे न खिलवता ही कामे व्हायची. म्हणजे माझ्या मतदार संघात/राज्यात कारखाना उघडा/थोडे फार पैसे पक्षाला दक्षिणा म्हणून द्या मग परवाना देतो. अवांतर- स्वातंत्र्यपूर्व काळातही बिर्ला,वालचंद हिराचंद वगैरे उद्योगपतींचे काँग्रेसनेत्यांबरोबर चांगले संबंध असायचे.

रतन टाटांना का दोष देता ? त्यांच्यासारखा सचोटीचा, जेआरडींचा प्रामाणिक वारसा चालवणारा दुसरा कोणी उद्योगपती नाही या देशात. ज्यांना फक्त या देशातली भौतिक प्रगतीच दिसत आहे ते बाकीच्या वास्तवाकडे डोळेझाक करणारच.

Crisis of Character by Uday Dandavate वाचा - http://theradicalhumanist.com/index.php?option=com_radical&controller=article&cid=253&Itemid=56