‘मेजॉरिटी’ - बहुमतात सामील होण्याचं प्रशिक्षण

हे चीत्रपट तरळत होते या चीत्रपटाचे नाव मेजॉरिटी असे असण्याचे काही वीशेश कारण/संदर्भ ?

चिंतातूर जंतू यांचे पुणे चित्रपट महोत्सवातील चित्रपटांच्या परीक्षणाखातर हार्दिक धन्यवाद.

या ओळखीतून मला तरी चित्रपटाचं नाव मेजॉरिटी का असावं याचा अंदाज आला नाही. सर्वसाधारण यशस्वी माणसाचं (बापाचं) आयुष्य कसं काहीसं दुटप्पी असतं व त्याच्या मुलाचं कसं गोंधळलेलं असतं असा काहीसा संदेश आहे का? म्हणजे आदल्या पीढीने तत्वांना औष्ठ्यसेवा देऊन प्रत्यक्षात स्वार्थी कठोरपणाने तत्वांना मुरड घालून यश मिळवल्यामुळे पुढच्या पीढीत दिशाहीनता, चंगळवादी प्रवृत्ती येते का?

सर्वांसारखं होणं हा 'पाथ ऑफ लीस्ट रेझिस्टन्स' असतो. काही केलं नाही तर ते आपोआप होतं आणि मग बहुमतात असल्याचे फायदे आयुष्यभर चापता येतात. चित्रपटात हे विविध पध्दतीनं दिसतं. मित्रांबरोबर तासनतास काही न करता बसणं, डिस्कोमध्ये नाचणं या सर्वांत एक भकास रितेपण आहे आणि कळपातलं व्यक्तीचं हरवून जाणं आहे. तसंच वडिलांनी आखून दिलेल्या 'करिअर'चं आहे. एका प्रसंगात मर्तकान बांधकामाची देखरेख करताना कामगारांवर खेकसतो कारण त्याच्या लक्षात येतं की कामाचा दर्जा सुमार आहे. पण हा इतका का चिडला आहे ते कामगारांना कळतच नाही. निम्न दर्जाची सामग्री वापरून स्वस्तात उभी केलेली इमारत काय दर्जाची असणार? ती त्याच्या वडिलांची बांधकामाची चाकोरी आहे. तशीच त्याच्या वडिलांची संगोपन पध्दतीही आहे. अशा संगोपनानं मुलगा व्यक्तिमत्वहीन आणि चारचौघांसारखाच होणार. गुल येण्यानं याला छेद जातो आणि काही वेगळ्या शक्यता मर्तकानला दिसू लागतात. पण त्यासाठी चालत आलेलं सर्व काही 'जैसे थे' ठेवू पहाणार्‍या पितृसत्ताक पध्दतीला आव्हान द्यावं लागतं, सामोरं जावं लागतं आणि होणारे परिणाम झेलावे लागतात.