ऑरेंज केक

शॉल्लेट ! आता माँजिनीजवर धाड घालावीच लागणार. बाकी ह्या स्वातीतैचे खाते काही दिवसांसाठी वाचनमात्र करता येणार नाही काय ?

वाव्!!!!!!काय फोटो आहे ! एकदम ढिनच्याक ढिच्याक!!!

चहा बरोबर ऑरेंज केक चं कॉम्बीनेशन म्हणजे आहाहा !! ऑरेंज केक हा आमच्या आहारात एक वेगळं स्थान राखुन आहे तो त्याच्यातल्या ऑरेंजेस मुळे !! मी कधी कधी तो मोसंबी ज्युस मधे बुडवुन पण खातो :)

स्वाती ताई, ह्या केक ला पाय्नेपल अप्सायीड डाऊन केक सारखा करता येईल का?

संत्र हा आपला वीक पॉईंट आहे. तु मला फ्रँकफुटाची ट्रीप करायला लावणारच आहे अस दिसतय. :) -(पुर्णपणे गार झालेला )गण्या

स्वातीतै यांनी बहुदा प्राचार्य त्सेंटा आज्जींबरोबर केकशाला सुरु केली आहे व त्यामुळे रोज एकतरी केक बनवला जातो व कोण्या मैदा बनवणार्‍या कंपनीने हे लेख स्पॉंन्सर केले असावेत व तसेच जर्मनीत पर्यटकांचा ओघ सुरु व्हावा म्हणून जर्मन पर्यटन विभागाने देखील या मैदाप्रकल्पात रस दाखवला असावा. सध्या कायदा मंत्रालय कोण कोणत्या कायद्याच्या आधारे स्वातीतैंच्या लेखनस्वातंत्र्यावर स्थगीती आणता येईल याचा अभ्यास करत आहेत. क्लास अ‍ॅक्शन लॉसूट करता त्वरित संपर्क साधावा. तूर्तास इनो घाउक प्रमाणावर खरेदी करता यावे म्हणून एक सहकारी पतसंस्था सुरु करायचा प्रस्ताव मांडत आहे.

यम्म यम्म यम्मि !

सहजराव, मला सहकारीचा अनुभव आहे आणि इनोची गरज पण, आता पुढचा महिना आमच्याकडे कुणाचा वाढदिवस नाही आणि हे दुष्ट मिपाकर एकानंतर एक केक दाखवत आहेत. मी पण जेवण झाल्यवर अलगद हे धागे उघडतो आणि पंचाईत करुन घेतो. स्वातीतॅ, ते ओवन म्हणजे माय्क्रोव्हेव का साधं ते जरा सांगा की ? आणि हो तुमचा वॅधानिक इशारा मी लहानपणीच गरम बेसन खाउन उडवुन लावलेला आहे. आज पण तो वास, ति चव आणि ति किंकाळी सगळं आठवतं आहे. महत्वाचे केक छानच, फक्त फोटोत त्यावर नजर लागु नये म्हणुन साखर टाकली आहे काय ? हर्षद.

भंपक मुलाखती, एकमेकांच्या उखाळ्यापाखाळ्या काढणारे लोक, तेच तेच पुन्हा पुन्हा सांगत राहणारे तथाकथित न्यूज अँकर्स असल्या वाहिन्या सटासट बदलून मिपाटीव्हीवर ह्या धाग्यावर येऊन स्थिरावलो :). पाककृती आणि फोटू मस्तच. शिवाय लो कॅलरी असल्याने गिल्टलेस ह्या क्याटॅगरीतल्या खादाडीखाली टाकून यथेच्छ हादडता येईल ;)

अरे काय चाललंय हे? लाळसुद्धा संपली आता.. मस्तच! खाडी ओलांडावीच लागणार आता!

यम यम

अरे बंद करा ह्या 'केका'वल्या! काय छळ मांडलाय?

हा केक मस्तच दिसतोय. मी नुकताच पायनॅपल अपसाइड डाऊन केक करून पाहिला. तू दिल्याच्या निम्म्या प्रमाणात. छान झाला (होता). पॅनमधून काढताना जरा गडबड झाल्याचे फोटूत दिसेलच.;)

स्वाती ............अंडी न वापरता करता येईल का हा केक????????????

स्वाती ताई नुसते फोटोवर नाही समाधान होत... आता बेत जमवा..

मस्त!

अर्ध्या कापलेल्या केकच्या तुकड्यातून डोकावणार्‍या केशरी जर्द संत्र्यांच्या ओलसर फोडी....... आई ग!!!!!!!!!!!!!!!!!!!!!!!!!!!

आम्ही पाहिलाच नाही.. टुक्टुक!!

अहो स्वातीताई, का असा आम्हा गरीबांवर अत्याचार करता? इथे तुम्ही एका मागे एक धडाधड केकच्या पाकृ देता आणि आम्हाला ते काही केल्या जमत नाही. जीवाची किती चरफड होते हो माझ्या!! आता जरा आराम करा बरं का :) आता तुमच्या पाकृंवर बहिष्कारच घालावा म्हणते... त्याने काय होणार म्हणा? मनाला आवर नसल्याने धागा उघडला जाणारच आणि आम्ही जळून राख होणारच :(

आमच्या डायेटबद्दल चुकीचे लिहिल्या बद्दल निषेध.. पण केक एकदम झेन्टामॅटीक झाला होता ह्यात वादच नाही.. पुन्हा कधी बनवताय????

खवय्यांनो , धन्यवाद एकदा मी टिन्ड संत्री आणायला विसरले आणि रविवारी संत्राकेक करायचे ठरले, आमच्याकडे रविवारी 'भारत बंद ' सारखे वातावरण असते, काहीही मिळत नाही ,तेव्हा मी घरात असलेली संत्री सोलून घातली होती चक्क, पण ती पाकवून घातली तर जास्त छान लागेल. संत्र्याची ओली सालच किसून घालते, पण वर्षभर संत्री उपलब्ध नसतात तेव्हा साल वाळवून ठेवली आणि मग त्याची पूड वापरली तरी चालेल,( अशा संत्र्याच्या साली वाळवून शिकेकाईत घालायची आणि त्या शिकेकाईने नहायचे अशी लहानपणची आठवण झाली,:) ) स्वाती

छा न आ हे ?

केक आवडला.

स्वातीताई, फोटो दिसत नाहीयेत. (ते एक बरं झालं म्हणा! ) :) घरुन पाहते :)

मस्तंच :)

मी स्वातीताईचे धागे उघडतच नाही.

काल रात्री केक करुन पाहिला. खुप छान झाला. मला त्याचे टेक्चर मिल्क केकसारखे वाटले. गरम असताना तर खुपच सॉफ्ट एकदम कापसासारखा लागत होता. अज सकाळीही अगदी बाजारातुन आणल्यासारखा वाटत होता. माझ्याकडे फक्त दोनच लहान संत्री होती, म्हणुन सोलुन गर न घालता फक्त रस घातला. तरीही ब-यापैकी संत्र्याची चव आली होती. पुढच्या वेळी गरासकट करेन. पण तसा केल्यास लगेच संपवावा लागेल काय? सध्या माझ्या घरी २०० ग्रॅम मैदा वापरुन जेवढा केक होतो तेवढा एकाच बैठकीत हादडणारी मंडळी नाहीयेत :) आणि मी केकमध्ये बटर आणि मैदा असल्याने जरा लांबच राहते त्यापासुन. (मी दोनच स्लाईस खाल्ले, उरलेला केक शेजा-यांना वाटला :) ) खरेतर काल कणिक वापरुन करणार होते पण आयत्या वेळी खायचा सोडा सापडेना. कणिक वापरली तर बे.पा. व खा.सो. दोन्ही वापरावे लागते ना? बटरच्या जागी हेल्दी ऑप्शन म्हणुन तेल वापरता येईल काय? नेहमी ओवनच्या दोन्ही कॉइल्स सुरू ठेवून केक भाजायचे त्यामुळे केक लगेच फुगायचा आणि मग वरुन जळायला लागायचा. इथे मी मागे लिहिले होते माझ्या केककौशल्याबद्दल :) तेव्हा मिळालेल्या सुचनांप्रमाणे यावेळी आधी अवन सणसणीत तापवला आणि मग २०० डिग्रीवर ठेवुन फक्त खालची कॉईल चालू ठेऊन केक भाजला. केक वरुन अजीबात जळला नाही. आधी करायचे तेव्हा मध्ये फुगायचा आणि मग वरुन फाटायचा तसेही झाले नाही. आणि वरचा रंगही चांगला राहिला, मुळ मिश्रणासारखाच जवळपास पण थोडा पिवळसर राहिला. नेहमी जळकट रंग यायचा :) मी केक करते तेव्हा तो अवनमध्ये भांडेभर फुगतो. पण बाहेर काढल्यावर थोडा बसतो. साधारण मिश्रण जेवढे असते तेवढ्याच उंचीचा केक होतो. तुम्ही करता तेव्हाही असाच बसतो का परत??? पण बसला तरी सॉफ्टनेस कमी होत नाही. व्यवस्थित लागतो. केक अगदी व्यवस्थित जमायला पाहिजे ही माझी जबरदस्त इच्छा आहे, म्हणुन इतके प्रश्न :) स्वाती, इथे छान छान रेसिपी देतेस त्याबद्दल तुझे मनापासुन आभार.. साधना