विनायक दामोदर सावरकर. भारतीय स्वातंत्र्यसंग्राम यशस्वी होण्यासाठी ज्या अनेकांचे योगदान लाभले त्यातील एक अग्रणी नाव. या नावाचा उल्लेख केल्याखेरीज भारतीय स्वातंत्र्य संग्रामाची कथा पूर्ण सांगितली जाणार नाही. राजकारण, विज्ञान, साहित्य, समाजकारण, धर्म इत्यादी जवळपास सर्वच क्षेत्रात सावरकरांनी आपल्या विचारांचा ठसा उमटवला आहे यात शंका नाही. दूरदृष्टी असलेला द्रष्टा नेता हे बिरुद ज्या थोड्या लोकांना शोभुन दिसते अशांपैकी एक म्हणजे स्वातंत्र्यवीर सावरकर. सावरकरांच्या मतांचे वैशिष्ट्य असे की तुम्ही ती मते मानता किंवा मानत नाही पण तुम्ही त्यांच्याकडे दूर्लक्ष करुच शकत नाही, तुम्हाला दखल घ्यावीच लागते. सावरकरांचे जीवन म्हणजे एका चिवट माणसाची यशोगाथा आहे. जन्मठेपेची शिक्षा मिळूनही ज्याचा उत्साह आटला नाही असा हा नरवीर पुन्हा होणे नाही. आज २६ फेब्रुवारी. सावरकरांची पूण्यतिथी !! भारतमातेच्या या महापुरुषास विनम्र अभिवादन !!