गणपती बाप्पा मोरया!

नंदनशेठ, या गाण्याचा दुवा इथे दिल्याबद्दल तुझे आभार..

दे धम्माल गाणं! ढोलकी सही वाजवली आहे. हे गाणं ऐकताना मला तर लालबागेतले, खेतवाडीतले गणपती पाहात, मस्तपैकी पिपाण्या वाजवत फिरतोय की काय असंच वाटलं! :)

आपला,
(बहुजनसमाजातला) तात्या.

अवांतर -

गणेशोत्सवाच्या काळात लहान लहान फिरस्त्या मंडळींचा रस्त्यावर जो बाजार भरतो त्यात लहान मुलांनी वाजवायच्या पिपाण्या आजही दोन-पाच रुपायाला मिळतात. आम्ही काही मित्रमंडळी एखाद दिवस ठरवून जेव्हा लालबाग, काळाचौकी, खेतवाडी, गिरगाव इथले गणपती बघत जेव्हा रात्रभर फिरतो तेव्हा चक्क या पिपाण्या विकत घेतो आणि भर रस्त्यावरून त्या मोठ्याने वाजवत, मजा करत रात्रभर अक्षरशः सगळा गिरणगाव पोळतो!

सगळीकडे उत्सवाचं वातावरण आणि धमाल असल्यामुळे आणि जो तो उत्सवाच्या मू़डमध्ये असल्यामुळे रस्त्यावरच्या इतर कुणाला त्यात काही वावगं वाटत नाही आणि या वयातदेखील रस्त्यावरून पिपाण्या वाजवत फिरायची हौस भागवता येते! आता काय सांगू तुला नंदनशेठ ती मजा! जाऊ द्या झालं! :)

साला बालपणीचा काळ सुखाचा हेच खरं!

पिपाणीचा विषय निघाला आणि,

"कावला पिपानी वाजिवतो,
मामा मामीला नाचिवतो"

हे लहानपणी ऐकलेलं गाणं उगाचंच आठवलं आणि जीव थोडास्सा झाला! :)

आपला,
(व्रात्य परंतु हळवा) तात्या.