ब्रिगेडी वृत्ती

वरची चर्चा बर्‍याच वेळापासून वाचतो आहे. काही गोष्टींची नवीन माहिती मिळाली आणि काहींमुळे मनोरंजनही :). पण हा विषय जितका समजला जातो, तितका छोटा नाही. जे आपल्याला सध्याचं स्वरूप दिसतं, तो हिमनगासारखा त्याचा पाण्यावरचा भाग आहे (याच्या विचारांचे पेपर निघतात, ऑर्कुट कम्युनिटी आहेत, त्याचे विचारवंत आहेत, राजकीय, सामाजिक व वैचारिक आघाड्या आहेत, अनेक सुशिक्षित लोक याच्या कार्यात सहभागी आहेत इ.). मृगनयनीशी सहमत की, तो दुर्लक्ष करून नाहीसा / कमी होण्यासारखा नाही (कारण त्याला राजकीय पाठिंबा आहे+तो अतिजुन्या १००-१५० वर्षांपूर्वीच्या जातिभेदाच्या पायावर उभा आहे.); किंबहुना दुर्लक्ष केल्यामुळेच तो आताएवढा मोठा झालेला असण्याची शक्यता बरीच आहे. पण म्हणून त्यांना शिव्या घालून तो कमी होईल हीही शक्यता नाही. या वादामध्ये जे (इतर समाज) चुकीच्या ज्ञानाच्या आहारी जाताहेत, तेही आपलेच लोक आहेत. तस्मात्, त्यांचे गैरसमज दूर करून त्यांना त्यातून बाहेर काढणं गरजेचं आहे. (इथे भाबडा/टोकाचा गांधीवाद अपेक्षित नाही, ही खरी मराठी समाजाची गरज आहे.) पूर्वी हा अतिरेकी ब्राह्मणविरोध फक्त भावनिक पातळीवर व्यक्त होत होता (गेल्या काही वर्षांपर्यंत). सध्या पुस्तकं, पुतळा हटवणं, व्याख्यानं देणं 'हे' जे चालू आहे; ते त्याला तात्विक अधिष्ठान देणं. कोणत्याही चळवळीला 'तात्विक अधिष्ठान देणं' ही एक मोठी गोष्ट असते, जी तिला बुध्दीच्या पातळीवर नेऊन ठेवतं, ज्याकडे समाजातला वरचा (सुशिक्षित) वर्ग कुतूहलाने पाहतो आणि खालचा (अशिक्षित) वर्ग श्रध्देने. त्यामुळे तिला नवीन आवाका, सामर्थ्य मिळतं. आता हा राडा वाटत असला, तरी करणारे ते चळवळ म्हणून करत आहेत; त्याची उद्दिष्टं, परिणाम, गृहितकं, साधनं काहीही सगळ्या मराठी समाजाच्या दृष्टीने चूकीचं असलं तरी. आता मराठी समाजासाठी बरोबर/चूक काय हे ठरवताना मला ब्राह्मण/मराठे कोणातरी एकाची बाजू घ्यायची आहे, असा गैरसमज करून घेऊ नये. याच्या पलिकडे समाज आणि राष्ट्रासाठी कल्याणकारक अशी एक नीती/बाजू/गोष्टी असतात, त्या अपेक्षित आहेत (त्या कोणत्या, ते छ. शिवाजी महाराज/टिळक यांच्या कार्याचा अंदाज घेतला की लक्षात येऊ शकतात). असो. आत्ता या गोष्टीचा विचार करताना हे बघणं गरजेचं आहे असं वाटतं की, १. ही चेष्टेवारी नेण्याची, दुर्लक्ष करून कमी होणारी गोष्ट नाही. चुकीच्या कोणत्याही छोट्या/मोठ्या गोष्टीकडे (विशेषत: सामाजिक बाबतीत) दुर्लक्ष करणं बरोबर नाही. २. ही चळवळ आता पूर्वीपेक्षा जास्त जोरात आहे व ती वैचारिकदृष्ट्या व आचरणदृष्ट्या ब्राह्मण/मराठा/इतर व एकंदर भारतीय समाजासाठीही योग्य नाही. ३. ब्राह्मणेतर समाजातील इतर अनेक समाज अजूनही खरंच अतिखालावलेल्या अवस्थेत आहेत (उदा. पारधी समाज), आणि ती सुधारल्याशिवाय अशा चळवळीला मिळणारा आंधळा पाठिंबा कमी होणार नाही. पण एकट्या ब्राह्मणसमाजावर त्याची जबाबदारी नाही, सगळ्या मराठी समाजांवर आहे (ब्राह्मणसमाजाकडे फारसं सामाजिक, राजकीय बळ आता नाही, ही गोष्ट इथे लक्षात घ्यावी). ४. सगळ्या मराठी समाजाचं हित व्हायचं असेल, तर या चळवळीचा प्रतिवाद बुध्दीच्या साधनाने, मिडियाच्या साधनाने (योग्य व सत्य ज्ञान पुराव्यासह वरच्या ते खालच्या समाजापर्यंत प्रसारित करून), जातिभेदाची भावना आपल्या पातळीवर कमी करून करणं गरजेचं आहे. ५. सुशिक्षित समाजाने सामाजिक गोष्टींकडे दुर्लक्ष न करणं. यथानुशक्त्या योग्य प्रकारे, जमेल तितकं/तेव्हा चांगल्या गोष्टी करणं/पाठिंबा व्यक्त करणं आणि वाईट गोष्टी न करणं/विरोध व्यक्त करणं गरजेचं आहे. ही चळवळ व अशा गोष्टींचं मूळ त्यात आहे.

+१... अमीत राव बरोबर लिहिलेत

ब्रिगेड या नावाखाली होनारे प्रताप बघुन फार वाईट वाट्ते . सन्ताप याचा येतो कि मोठे म्हणवणारे पुढारी मूग गिळुन आहेत. मी एक मराठा आहे. पण हे विषारी विचार प्रसवणारे या समाजचे असुच शकत नाहित.दादोजी...हटवले गेले.. ते कोणी देशद्रोही होते का ? अतिरेकी ब्राह्मणविरोध करता, पण हेही लक्शात असावे की ज्या इतिहासा चा गर्व करता तो ब्राह्मणा नी जतन केलाय . समाजाच भले करायचे असेल तर अजुन ही खुप काही करता येइल. मला खात्री आहे की समस्त मराठा समाज्या एक सहस्रा ने हि याच्या मागे नसेल.

तुम्हाला ० मार्क . तांबे बाई माझ्या प्रोफाईल वर आहेत,हे मुद्दे लिहून मी माझ्या नोट्स मध्ये टाकले होते आणि मग मी संभाजी ब्रिगेड ला टाकले होते . ते मुद्दे सगळीकडे पसरलेत .. वहात शौल्द आय डॉ

ब्रिगेडच्या शेणापतीची बायको बीजेपीची आमदार होती. म्हणजे ब्रिगेडला आतल्या हाताने बीजेपीचा पाटिंबांच असला पायजे. शेणेने साथ सोडली तर ब्रिगाडवालेच कामाला येतील. कोनीतरी राडेबाज लोक आपल्याबरोबर पायजेत ना. शेवटी राजकारन महत्वाचं बाकी सब झूट. तत्व वगेरे. शेणेने दलीत आणि मुसलमाणांना बरोबर घेतलं म्हनजे आपलं कसं जमनार ? मग आपली बी ब्रिगेड पायजे म्हनून बीजेपीचं कारस्थाण चाललेलं हाये.

मस्त मनोरंजनात्मक धागा.