सोपी उसळ [नाही तर मग मिसळ ;-)]

सोपी उसळ (चवळी किंवा मसूर किंवा मूग किंवा मटकी किंवा मिक्स कडधान्ये यांची) साहित्यः २ वाट्या रात्रभर भिजवलेली चवळी किंवा रात्रभर भिजवलेले मसूर किंवा मोड आलेली मटकी किंवा मोड आलेले मूग (किंवा वरील पैकी काहीही कोणत्याही प्रमाणात मिक्स केलेली कडधान्ये) २ लसूण पाकळ्या, तिखट(लाल मिर्ची पावडर), मीठ, (केप्र किंवा कोणताही) गोडा मसाला, गूळ कृती: १.प्रथम वरीलपैकी ज्या कडधान्याची उसळ करायचे आपण ठरविले आहे ते कडधान्य कुकरला लावून (भात शिजवतो तसे) शिजवून घ्यावे. २.एका पॅन मध्ये फोडणी करून त्यात लसूण घालून चांगले परतून घ्या. मग त्यात शिजवलेले कडधान्य घाला. ढवळून घ्या. ३.मग त्यात उसळ जितकी पातळ हवी तेवढे पाणी, चवीपुरते मीठ, गोडा मसाला, तिखट आणि बर्‍यापैकी गूळ घाला. (ही उसळ थोडी गोडसर चांगली लागते.) ५ मिनिटे उकळून मग गॅस बंद करा. उसळ तयार :-) ----------------------------------------------------------------------------------------- नाही तर मग मिसळ ;-) [टीपः ही उसळ संध्याकाळी उरली (किंवा गोडसर असल्याने जर आवडली नाही) तर मग १.आले-लसूण फोडणी करून त्यात ही उसळ घाला. थोडे पाणी आणि थोडे तिखट-मीठ, कांदा-लसूण चटणी घाला. मग एक चमचा तेलात तिखट घालून ते या उसळीत घाला. त्यामुळे तेलाचा छान तवंग येतो. २.कांदा-कोथिंबीर-टोमॅटो बारीक चिरून घ्या. ३. मग एका बाउलमध्ये थोडे फरसाण घेउन त्यावर वरील उसळ घाला. वर बा.चि. कांदा-कोथिंबीर-टोमॅटो घाला. सोबत पाव घ्या. मस्त चटपटीत मिसळ तयार :-)] -----------------------------------------------------------------------------------------