आज नव्याने

व — विश्वेश,
आज पुन्हा नव्याने केली मी जुन्या गीतांची होळी आज पुन्हा नव्याने शिवली मी माझी फाटकी झोळी झालो सज्ज रचाया तुझ्यावर नवीन सुरेल गाणी उघडली पुरचुंडी अन, काढल्या जुन्या आठवणी जुनेच सूर जुनेच तराणे ... लिहितो मी शब्द नवे जुनाच पूर जुनेच बहाणे ... वाहतो मी तुझ्या सवे मुद्दाम झालो पूर्णपणे रिते ... आता टाकली ती कात लिहायचो पूर्वी प्रेम गीते ... आता टाकली ती जात कवितेमधून दिसती आता ... काही उरले ओले क्षण दिसते तगमग उरातली अन ... दिसते थरथरले मन फिरून नव्याने विणतो आहे तीच जुनी मी जाळी आज पुन्हा नव्याने शिवली मी माझी फाटकी झोळी आज पुन्हा नव्याने केली मी जुन्या गीतांची होळी
1205 वाचन
💬 प्रतिसाद (4)
प
प्रकाश१११ Mon, 03/21/2011 - 08:13 नवीन
छान .आवडले जुनेच सूर जुनेच तराणे ... लिहितो मी शब्द नवे जुनाच पूर जुनेच बहाणे ... वाहतो मी तुझ्या सवे पु.ले.शु
क
कच्ची कैरी Mon, 03/21/2011 - 13:48 नवीन
मस्त आहे कविता !साध्या सोप्या शब्दांत मांडणी केलीत हे जास्त आवडले ,अजुन येउ द्या :)
प
प्रास Mon, 03/21/2011 - 19:02 नवीन
कवितेमधून दिसती आता ... काही उरले ओले क्षण दिसते तगमग उरातली अन ... दिसते थरथरले मन
विश्वेशजी, दिसणारे मन थरथरले असावे की थरथरते? ..... एक साधीशी चौकशी.
ग
गणेशा Mon, 03/21/2011 - 19:55 नवीन
कविता छानच कवितेमधून दिसती आता ... काही उरले ओले क्षण दिसते तगमग उरातली अन ... दिसते थरथरले मन बेस्ट