भाकीत

द — दीपा माने,
का असा लोपला हा चंद्र मेघडंबरी का शांत झाल्या अवखळ लाटा किनारी कुठे मंद पवन हळू गुप्त झाला का फुले पानाशी धरतात हा अबोला? दूर देऊळाची समाधी जणु लागलेली तिची शांतता पसरली ही आसमंती की भाकीतसे ह्या नीरव नीरव वेळी कालमानाचे गणित ते चंद्र्मौळी!
1541 वाचन
💬 प्रतिसाद (6)
स
स्पंदना Mon, 03/28/2011 - 03:50 नवीन
अहाहा! वाचताना आपोआपच कवितेतली शांतत्ता मनात भरत जाते. दिवसाची सुरुवात अशी करुन दिल्या बद्दल धन्यवाद दिपा!
प
पैसा Mon, 03/28/2011 - 06:32 नवीन
छान झालीय कविता. शांत वातावरणनिर्मिती मस्तच!
क
कच्ची कैरी Mon, 03/28/2011 - 09:42 नवीन
व्वा मस्त छ्छोट्टीशी कविता :)
ग
गणेशा Mon, 03/28/2011 - 13:10 नवीन
कविता छान .. मेघडंबरी आणि चंद्रमौळी नविनच शब्द आहेत माझ्या साठी .. प्लीज अर्थ सांगताल का ? मेघडंबरी म्हणजे मी वाचताना उगाच मेघअंबरी घेतले ..
द
दीपा माने Tue, 03/29/2011 - 04:41 नवीन
aparna akshay, पैसा, कच्ची कैरी, गणेशा कविता आवडल्याबद्दल आभारी आहे. गणेशा, मेघडंबरी म्हणजे ढगांचे छत्र आणि चंद्रमौळी हे शंकराचे नाव आहे.
न
नन्दादीप Tue, 03/29/2011 - 07:04 नवीन
मस्त कवोता... शांत भाव निर्माण झाला...छान...!!! अवांतर : रायगडावर पण महाराजांच्या डोक्यावर जे छत्र आहे तीला मेघडंबरी म्हणतात ना??