मदर्स डे अर्थात मात्रुदिन

मातृदिन असे लिहावे ! जमल्यास चुक सुधारण्याची तसदी घ्यावी हि नम्र विनंती!
मीपावरील सर्व मातांना आणि समस्त मीपाकरांच्या माताना मातृदिनाच्या हार्दिक शुभेच्छा!
सुरताल

मातृदिन असे लिहावे

-- तुमचं बरोबर आहे...मातृदिन असे लिहायला हवे. पण माझ्या टंकलेखनातील अडचणी मुळे कळल नाही तृ कसा लिहावा ते. ईथे तुमचाच शब्द copy paste केला आहे.
यात सुधारणा कशी करावी हे मला माहीत नाही. मूळ लेखन edit कसे करावे?

ईश्वरी

आपल्या सर्वांच्याच मनात आई-वडीलांविषयी आदराची भावना असते. मुद्दाम वेगळा 'दिन' साजरा केल्याने वेगळे काय होणार? आपल्या भावनांचे प्रदर्शन? आई-वडीलांना त्याची आवश्यकता नसते. मुलांच्या मनातील भाव त्यांना शब्दाविना, कृतीविनाही जाणवत असतातच. त्यातूनही तुम्ही त्यांचे वाढदिवस लक्षात ठेवून साजरे करा त्यांना 'मातृदिना'पेक्षा जास्त आनंद होईल.

एखादा दिवस असा हवा की, तिच्यासाठी आपल्याला काही करता येईल. ...तिला खास वाटेल असे काहीतरी.

असा एक दिवसच का, ३६५ दिवस आपल्या हातात असतात. हे ३६५ दिवस (निदान जास्तीतजास्त) तिच्यासाठी काहीतरी करीत राहा. तिच्या कष्टांचे कौतुक करा, तिच्याशी दोन शब्द गोड बोला ती भरून पावेल.

असो. तुमच्या भावना मी समजू शकतो पण मुद्दाम मातृदिन साजरा करण्याच्या मी विरोधात आहे. राग नसावा.

आपणा सर्वांना मातृ दिनाच्या हार्दिक शुभेच्छा!
(मी साजरा करत नसलो , तरी सर्वांना शुभेच्छा!)

आपलाच,
मनोबा
(उपाख्य साठ्यांचे (नाठाळ) कार्टे)

आपल्या सर्वांच्याच मनात आई-वडीलांविषयी आदराची भावना असते. मुद्दाम वेगळा 'दिन' साजरा केल्याने वेगळे काय होणार? आपल्या भावनांचे प्रदर्शन? आई-वडीलांना त्याची आवश्यकता नसते. मुलांच्या मनातील भाव त्यांना शब्दाविना, कृतीविनाही जाणवत असतातच.

-- आता आपण भावावरील बहीणीचे आणि बहीणीवरील भावाचे प्रेम व्यक्त करण्यासाटी रक्षाबंधन , भाउबीज हे सण साजरे करतोच ना. रोजच का नाही आपण भावावरील / बहीणीवरील प्रेम व्यक्त करत? शिवाय valentines day, friendship day हे ही मोठया प्रमाणावर साजरे केले जातात. मग मातृदिन साजरा केला तर काय बिघडले? उद्देश चान्गलाच आहे. तुम्ही म्हट्ल्याप्रमाणे आई-वडीलांना त्याची आवश्यकता नसते. मुलांच्या मनातील भाव त्यांना शब्दाविना, कृतीविनाही जाणवत असतातच ..तर असे नाही.. कौतुकाचे चार शब्द त्यानाही हवेच असतात. भावना नुसत्या मनात ठेवून काय उपयोग? त्या व्यक्त ही व्हायला हव्यात.

तुम्ही ईश्वरी यान्चा हा परिच्छेद वाचलेला दिसत नाहीये.
काहींना वाटेल की मात्रुदिन हा वेगळा असा का साजरा व्हायला हवा...आईवरील प्रेम , तिच्या मायेची जाणीव रोजच व्यक्त व्हायला हवी. ते ही बरोबर आहे . पण तरीही आजच्या धकाधकीच्या , तणावाच्या , धावपळीच्या जीवनात तिने आपल्यासाठी केलेली प्रत्येक गोष्ट, प्रत्येक त्याग सहजपणे नजरेआड केला जाऊ शकतो, आईला सगळ चालतं म्हणुन काही गोष्टी ग्रुहीत धरल्या जाऊ शकतात. आईची काही ईच्छा असेल, तिला काहीतरी वेगळं करावंसं वाटत असेल हे आपल्या गावीहि नसतं.

माझ्या मते मातृदिन साजरा केल्याने काही बिघडत नाही.
आपणा सर्वांना मातृ दिनाच्या हार्दिक शुभेच्छा!

मातृदिन साजरा करा अथवा करु नका...आई ती आईच!
उगाच नाही म्हटलं ..
मायबाप तो सर्व जगाचा,
आईसाठी जगात येतो.
हात जोडुनि देव बोलतो,
शरण तुला गे जननि..
आपल्या हिंदू क्यालेंडरातही पिठोरी अमावस्येला मातृदिन संबोधतात.
स्वाती

स्वातीजी धन्यवाद, आपला मातृदिन लक्षात आणून दिल्याबद्दल.
आपल्या मराठी संस्कृतीत, पोळा (पिठोरी अमावस्या) हा मातृदिन म्हणून साजरा केला जातो.
या दिवशी दशमी व त्यावर ठेवलेला दिवा घेऊन आई मुलांना वाण लावते.
"माझा अतिथी कोण' हा प्रश्‍न विचारल्यानंतर मुलगा "मी' उत्तर देतो.

- अजय

कोणताही दिन साजरा करणे हे काही चुकीचे नाही त्याचे अवडंबर माजवणे चुकीचे आहे. असो,

मातृदिना निमित्त माझ्यात आणि मुलीत झालेला एकतर्फी संवाद.

काल आम्ही वर्गात हस्तकलेच्या तासाला आपापल्या आईसाठी हे उघडझाप करणारं फूल बनवलं. याच्या प्रत्येक बंद पाकळीवर तुझ्यासाठी एक छोटासा संदेश आहे. मला माझी आई का आवडते हे त्यात सांगितलं आहे.

पहिली पाकळी सांगते की मला माझी आई आवडते कारण ती माझ्या खाण्या-पिण्याकडे लक्ष पुरवते. मला भूक लागेपर्यंत थांबत नाही. माझे खाणे, माझा डबा, माझे जेवण यांकडे तिचे काटेकोर लक्ष असते.

दुसरी पाकळी सांगते की माझ्या आईला माझी काळजी घ्यायला आवडते. माझे केस विंचरायला, माझे कपडे धुवायला, इस्त्री करायला, माझ्यासाठी खरेदी करायला तिला आवडते.

तिसरी पाकळी सांगते की मला दुखलं-खुपलं, मी आजारी असले की माझी आई हवालदील होते. ती त्यावेळी थोडीशी जास्तच प्रेमळ असल्यासारखी वाटते.

चौथी पाकळी सांगते की माझ्या आईला माझ्याबरोबर बसून वाचन करायला आवडते. मी काय वाचते याकडे तिचे लक्ष असते. ती ग्रंथालयातून मला पुस्तके आणायला मदत करते आणि दररात्री ती तिचे पुस्तक वाचते आणि मी माझे पुस्तक वाचते. मला तिच्याबरोबर असा वेळ घालवणे खूप आवडते.

पाचवी पाकळी सांगते की ती मला तिच्या कामात मदत करायला देते तेव्हा ती मला खूप आवडते. यावेळी आम्ही काहीतरी खेळ खेळत कामे उरकतो.

सहावी पाकळी सांगते की मला तिच्याशी गप्पा मारायला खूप आवडतात. माझ्या शाळेच्या, वर्गातल्या, मैत्रिणींच्या गोष्टी ती दर संध्याकाळी ऐकते. मला एखादे दिवशी भीती वाटली तर तिच्या कुशीत घेते.

सहा पाकळ्यांचं हे फूल मी तुझ्यासाठी बनवलं, मम्मा! प्रत्येकाने बनवलं पण साराने नाही बनवलं. तिला आई नाही, गेल्या वर्षी कॅन्सरने वारली. तिने तिच्या मावशीला संदेश लिहिला पण आईला नाही.

आय फील सो लकी, कॉझ आय हॅव यू विद मी!

हेच येथेही वाचता येईल.

प्रियाली, मदर्स डे निमित्त फूलाच्या पाकळीवर लिहीलेले संदेश फारच छान आहेत.
साराबद्द्ल वाचून मन हळवं झालं.
ईश्वरी

मला माहितीच नव्हते काल की आज मदर्स डे आहे ते. नुकतेच वाचायला मिळवलेले 'वनवास' पुस्तक वाचत होते काल.. त्यातल्या गोष्टी आवडत गेल्या आणि त्या आईला वाचून दाखवल्या फोनवरून. ही माझी नेहमीची सवय आहे. आईला आवडत नाही ती कारण तिला स्वतःला वाचायचे असते पुस्तक. लहानग्या लंपनच्या कथा ऐकताऐकता तीही कधी नव्हे ते गुंगून गेली होती कथा ऐकण्यात आणि मीही. कथांच्या अनुषंगाने आमच्या मनसोक्त गप्पा झाल्या माझ्या लहानपणाबद्दलच्या. काल ती म्हणाली की ते पुस्तकच नक्की घेऊन येशील येताना. ते पुस्तक विकत घेण्याचे मनाने घेतले होतेच.. आता कालचा दिवस 'तिचा' होता म्हणता या एकंदरीत घटनेलाच एक वेगळीच खुमारी मिळाली आहे. कुठला डे साजरा करायचा म्हणून लोक भरपूर काही करताना दिसतात.. माझ्याबाबतीत उलटेच घडलेले दिसतेय. आईला म्हणाले असते की तुला काय हवे सांग.. तर तिने ते उघडपणे सांगितले नसतेच, यानिमित्ताने कळले आपोआप. काल मातृदिन होता हे रेडिओ मिरचीवरून कळले असते पण पुस्तकवाचनात कम कथनातच इतकी रंगून गेले होते की रेडिओ लावायचंच विसरून गेले मी. त्यामुळे आज इथे आल्यावर कळते आहे की काल मातृदिन होता... :)

>>>सहा पाकळ्यांचं हे फूल मी तुझ्यासाठी बनवलं, मम्मा! प्रत्येकाने बनवलं पण साराने नाही बनवलं. तिला आई नाही, गेल्या वर्षी कॅन्सरने वारली. तिने तिच्या मावशीला संदेश लिहिला पण आईला नाही.
>>>>>आय फील सो लकी, कॉझ आय हॅव यू विद मी!

खुप सुद॑र,
आपल्याला आई आहे हे सुख ज्या॑ची आई जिव॑त नाही त्या॑च्याकडे पाहुन जाणवते.
शाळेत असताना माझ्या अगदी जवळच्या मैत्रीणीची आई अपघात वारली, त्यामुळे तीच्या मनाची झालेली सैरभैर अवस्था अगदी जवळुन पाहिली आहे.

इथे अमेरिका मधे मदर्स डे ची व्याप्ती फक्त स्वत:च्या जन्मदात्या आईपुरतीच मर्यादित नसून आजी , मावशी , (step mom) सावत्र आई, मदर इन लौ अर्थात सासू , आईप्रमाणे सांभाळ करणारी स्त्री किंवा मुलाला दत्तक घेतले आहे अशी स्त्री, सरोगेट मदर या सर्वासाठी मातॄदिन आहे.

-- सहज एक प्रश्न डोक्यात आला - जबरदस्तीने ज्या स्त्रीयांवर मातृत्व लादले जाते त्या , कुमारी माता याना मातृदिनाबद्द्ल काय वाटत असेल?