नवा खेळ

म — मिसळलेला काव्यप्रेमी,
आज पावसाने हा कुठला नवा खेळ मांडला अवघे आभाळ काजळून कंठ माझा दाटला पंचप्राण शोषून माझे जीव असा टांगला तुझ्या स्मरणात भिजता कसा हा जडावला वर्षाव मोहरलेल्या तुझ्या स्वप्नांचा बरसला मनास माझ्या वाहवत क्षितीजास घेऊन गेला क्षितिजी तुझ्या स्मरणांचा आता वणवा पेटला वाहत आलेल्या मनास माझ्या चटका लावून गेला प्रेमओली नीरओळ पाऊस खिडकीवर सजवून गेला तव नाजूक कंठातील मोतीसराची आठवण देऊन गेला आज पावसाने हा कुठला नवा खेळ मांडला जीवास सुखावून काळजास हुरहूर देऊन गेला |- मिसळलेला काव्यप्रेमी -| (२१/०४/२०११)
1472 वाचन
💬 प्रतिसाद (5)
व
विदेश गुरुवार, 04/21/2011 - 13:54 नवीन
प्रेमओली नीरओळ पाऊस खिडकीवर सजवून गेला तव नाजूक कंठातील मोतीसराची आठवण देऊन गेला सुरेख !
न
निनाद गुरुवार, 04/21/2011 - 14:52 नवीन
अरे काय चाल्लेय काय? पावसात वणवा? पावसात गारपीट ठीक पण वणवा? गारपीटीत तुझ्या सरणांचा आता वणवा पेटला वाट पाहत आलेल्या मनास माझ्या मटका लावून गेला कसे वाटते? -काव्य बाधिर्याचा बादश्शा निनाद
म
मिसळलेला काव्यप्रेमी गुरुवार, 04/21/2011 - 15:04 नवीन
गारपीटीत तुझ्या सरणांचा आता वणवा पेटला वाट पाहत आलेल्या मनास माझ्या मटका लावून गेला
हा ! हा!! हा!! भारी आहे!! __/\__ तुम्हाला!!
↩ प्रतिसाद: निनाद
न
निनाव गुरुवार, 04/21/2011 - 22:48 नवीन
मि.का., खूपच सुंदर. प्रेमओली नीरओळ पाऊस खिडकीवर सजवून गेला तव नाजूक कंठातील मोतीसराची आठवण देऊन गेला सुंदरच. व्वाह.
अ
अलोककुमार Sun, 04/24/2011 - 12:04 नवीन
प्रेमओली नीरओळ पाऊस खिडकीवर सजवून गेला तव नाजूक कंठातील मोतीसराची आठवण देऊन गेला सुंदरच. व्वाह.