मालवणी फिश करी

साहित्यः पापलेट स्वच्छ करून तुकडे करणे १ वाटी खोवलेले खोबरे १ मध्यम कांदा बारीक चिरून २-३ लसुण पाकळ्या ३-४ आमसुलं १ टेस्पून धणे ५-६ बेडगी किंवा संखेश्वरी मिरच्या (आपल्या आवडीप्रमाणे कमी-जास्त) मीठ चवीनुसार १ टीस्पून गरम मसाला (ऐच्छिक) तेल ६-७ तिरफळं , आतील काळी बी काढुन टाकावी , तिरफळं पाण्यात भिजवावी, मग ठेचुन त्याच पाण्यात घालावी. (हे ऐच्छिक आहे) पाकृ: पापलेटच्या तुकड्यांना थोडी हळद व थोडे मीठ लावून ठेवावे. धणे व मिरच्या १/२ तास गरम पाण्यात भिजवून ठेवणे. नंतर ओले खोबरे, लसुण, धणे, मिरच्या व कांदा एकत्र मिक्सरमधून बारीक वाटून घेणे. (कांद्यातील १ टेस्पून कांदा बाजुला काढून ठेवणे.) वाटलेला तयार मसाला. जाड बुडाच्या पातेल्यात तेल गरम करून १ टेस्पून कांदा गुलाबीसर परतून घ्यावा. त्यात वाटलेला मसाला घालून चांगले परता. कालवणासाठी लागेल तसे पाणी घालून उकळी आणा. त्यात माश्यांचे तुकडे, मीठ, गरम मसाला व आमसुलं घाला , सुमारे १० मिनिटे शिजवावे. तिरफळाचे पाणी गाळून कालवणात घालावे व ४-५ मिनिटांनी शिजवून गॅस बंद करावा चिरलेली कोथिंबीर घालावी व चपाती, भाताबरोबर सर्व्ह करावी.