गातेस घरी तू जेव्हां

( चाल: नसतेस घरी तू जेव्हां -) गातेस घरी तू जेव्हां जीव सुटका-सुटका म्हणतो शांतीचे विणता धागे संसार नेटका होतो ! छत भंगुन वीट पडावी हल्लाच तसा ओढवतो ही पाठ कणाहिन होते अन् चेहरा बारका होतो ! ये घरमालक दाराशी हळु गाण्या , तो खडसावे खिडकीच्या उघडुन दारा तो बोंबा मारून जातो ! वळ पाठी उमटवणाऱ्या मज स्मरती मास्तर शाळा वेताने मज बडवावे मी तसाच बघ थरथरतो ! तू सांग बये मज , काय मी सांगू घरमालकाला ? गाण्याचा तव जल्लोष माझ्यासह किरकिर ठरतो ! ना अजून झाला तंटा ना ताळतंत्रही सुटले तुज ' गाऊ नको ' म्हणताना गाण्यातच सामील होतो !!