काळ्याशार भुईवर हिरवी क्रांती

ग — गणेशा,
रानातली वाट.. एक न संपणारा परिघ -२ कोसळल्या सरी.. दूर डोंगरमाथी... भरारल रान सारं, गंधाळली माती गच्च ओल शिवार.. फुललेली कांती हिरव्या पात्यावर,. मोत्यांची नक्षी पांढर्‍याफटुक ढगांची रेशमी दुलई काळ्याशार भुईवर हिरवी क्रांती बांधावर उभी कोवळी रानजाई नटलेल्या सृष्टीवर आभाळाची प्रीती कोसळल्या सरी.. दूर डोंगरमाथी... भरारल रान सारं, गंधाळली माती || झिम्माड गर्द रानात.. टिफण चालती सर्जा-राजाच्या पायामधी भिंगरी फिरती औंदाच्या पावसात बांधणार चारभिंती घराच्या छप्पराला स्वप्न टांगली कौलांची ------------- शब्दमेघ ( १६ जुन २०११, रानातली वाट.. एक न संपणारा परिघ) १. आभाळाच्या मांडवाला भुई ची रे हाक ३. टिपुर आशेचं दाणं
4027 वाचन
💬 प्रतिसाद (14)
प
पप्पु अंकल गुरुवार, 06/16/2011 - 15:05 नवीन
..................पण अजुन काहीतरी हवय !
स
सूड गुरुवार, 06/16/2011 - 17:05 नवीन
शीर्षक वाचून गविंची खव आठवली.
प
प्रकाश१११ गुरुवार, 06/16/2011 - 17:45 नवीन
गणेशा -खूप छान कविता. आवडली.अगदी मनापासून. कविता वाचून मन भरून गेले. खूप शुभेच्छा !!
न
निवेदिता-ताई गुरुवार, 06/16/2011 - 19:05 नवीन
खूप छान
प
पाषाणभेद Fri, 06/17/2011 - 04:18 नवीन
फारच छान झाली आहे कविता.
क
किसन शिंदे Fri, 06/17/2011 - 05:38 नवीन
मस्त कविता आहे.... पहिली दोन कडवी कोराईगडावर फिरताना तयार केली असावीस असं वाटतं. :)
प
प्रचेतस Fri, 06/17/2011 - 05:48 नवीन
+१ असेच म्हणतो. सुरुवातीला वाचताना झटकन कोरीगडच डोळ्यांसमोर येउन गेला. सुरेख कविता रे.
↩ प्रतिसाद: किसन शिंदे
न
नगरीनिरंजन Fri, 06/17/2011 - 07:34 नवीन
वा! पावसाचा परिणाम फार झालेला दिसतोय कवी लोकांवर!
म
मिसळलेला काव्यप्रेमी Fri, 06/17/2011 - 08:35 नवीन
अहो ननि, पावसाचा परिणाम प्रत्येक संवेदनशील माणसावर होतच असतो, कविला व्यक्त करता येतो, इतकेच!! :)
↩ प्रतिसाद: नगरीनिरंजन
न
नगरीनिरंजन Fri, 06/17/2011 - 08:55 नवीन
हो. अगदी बरोबर!
↩ प्रतिसाद: मिसळलेला काव्यप्रेमी
म
मिसळलेला काव्यप्रेमी Fri, 06/17/2011 - 08:34 नवीन
पांढर्‍याफटुक ढगांची रेशमी दुलई काळ्याशार भुईवर हिरवी क्रांती बांधावर उभी कोवळी रानजाई नटलेल्या सृष्टीवर आभाळाची प्रीती
क्या बात! क्या बात!! जियो!! वाचनखुण साठवलेली आहे!! :)
व
विसोबा खेचर Fri, 06/17/2011 - 08:38 नवीन
सुंदर..!
ग
गणेशा Fri, 06/17/2011 - 09:44 नवीन
प्रतिक्रियांबद्दल सर्वांचे मनापासुन आभार
A
ajay wankhede Sat, 06/18/2011 - 12:36 नवीन
सुरेख कविता