ते दिवस आता कुठे

अ — अरूण म्हात्रे,
ते दिवस आता कुठे जेव्हा फुले बोलायची दूर ती गेली तरी ही सावली भेटायची... त्या तिच्या वाटेवरी ती झिंगती झाडे जुनी हात देताना तिला माझीच फांदी व्हायची पावसाला पेच होता,ह्या सरी वळवू कुठे चिंबताना त्या पुलाखाली नदी थांबायची वर निळी कौले नभाची,डोंगराची भिंत ती ते नदीकाठी भटकणे,हीच शाळा व्हायची कैक वाटा चाललो,पण विसरलो पोचायचे नेमक्या वळणातूनी ही पावले परतायची गवत ही भोळे असे की साप खेळू द्यायचे सोडताना गाव त्यांची कात हिरवी व्हायची फाटके होते खिसे अन् नोटही नव्हती खरी पण उगवत्या चांदण्यावर मालकी वाटायची.
7046 वाचन
💬 प्रतिसाद (18)
प
प्राजु Tue, 08/02/2011 - 22:43 नवीन
गवत ही भोळे असे की साप खेळू द्यायचे सोडताना गाव त्यांची कात हिरवी व्हायची सुरेख!!
श
शुचि Wed, 08/03/2011 - 01:37 नवीन
फाटके होते खिसे अन् नोटही नव्हती खरी पण उगवत्या चांदण्यावर मालकी वाटायची. ह्या ओळी कोणाच्या तरी सहीमध्ये आधी वाचल्या होत्या. फिदा झाले होते (आहे) त्या ओळींवर.
म
मनिष Wed, 08/03/2011 - 06:36 नवीन
खूप दिवसांपासून (पुपे च्या सहीत वाचल्यापासून) ही कविता कुठे मिळेल का बघत होतो. पुर्ण कविता वाचल्यावर खूपच आवडली.
त्या तिच्या वाटेवरी ती झिंगती झाडे जुनी हात देताना तिला माझीच फांदी व्हायची
आणि
गवत ही भोळे असे की साप खेळू द्यायचे सोडताना गाव त्यांची कात हिरवी व्हायची फाटके होते खिसे अन् नोटही नव्हती खरी पण उगवत्या चांदण्यावर मालकी वाटायची.
हे अफलातून आहे. तुमच्या अजून कविता वाचायला आवडतील.
अ
अर्धवट Wed, 08/03/2011 - 06:44 नवीन
+१ असेच म्हणतो
↩ प्रतिसाद: मनिष
म
मेघवेडा Mon, 08/08/2011 - 10:06 नवीन
तंतोतंत. "फाटके होते खिसे.." अफलातूनच. "कैक वाटा.." सुद्धा आवडला. अजून वाचायला आवडेल.
↩ प्रतिसाद: अर्धवट
न
नगरीनिरंजन Wed, 08/03/2011 - 07:20 नवीन
मस्त कविता! "फाटके होते खिसे अन् नोटही नव्हती खरी पण उगवत्या चांदण्यावर मालकी वाटायची" हे तर खासच.
म
मनराव Wed, 08/03/2011 - 07:27 नवीन
मस्त........!!!
अ
अत्रुप्त आत्मा Wed, 08/03/2011 - 07:35 नवीन
क्या बात है...! और पीलाईये जाम एसे,एक से दील भरता नही प्यास भी अधुरी है,और प्यासा भी अधूरा...रह जाता है....!
र
राघव Wed, 08/03/2011 - 08:12 नवीन
प्रत्येक कडवे खास! अतिशय सुंदर रचना.. खूप खूप आवडली.. येऊ देत अजून!! :) राघव
प
पाषाणभेद Wed, 08/03/2011 - 10:18 नवीन
खुपच सुंदर
क
किसन शिंदे Wed, 08/03/2011 - 10:36 नवीन
मस्तच कविता!!!
ग
गणेशा Wed, 08/03/2011 - 10:47 नवीन
आपली माझी आवडती कविता येथे वाचायला दिल्यामुळे खुप छान वाटले. गेल्याच वेळेस ही कविअत द्या असे बोलणार होतोच.. पुन्हा पुन्हा वाचावी असी मस्त कविता ...
ज
जागु Wed, 08/03/2011 - 10:52 नवीन
कविता आवडली. खुप छान.
प
पल्लवी गुरुवार, 08/04/2011 - 11:42 नवीन
मस्तं शब्द ! मस्तं कल्पना ! मस्स्स्स्तं नादमय कविता ! :)
श
शैलेन्द्र गुरुवार, 08/04/2011 - 16:03 नवीन
खुपच छान कविता.. अगदी आतुन आल्यासारखी.. पावसातुन, मातीतुन उमलल्यासारखी .. फारच छान..
अ
अभिजीत राजवाडे Fri, 08/05/2011 - 22:46 नवीन
नमस्ते, तुम्हाला आठवत नसेल पण नक्की साल आठवत नाही बहुतेक २००२ असावे, पुणे फेस्टीवलमधे मराठी कवी संमेलनात आपण भेटलो होतो. तिथे तुम्ही हि कविता गायली होती. मी हि कविता लिहुन काढली होती आणि त्यावर आपण स्वाक्षरीही दिली होती. माझ्या जवळ ती अजुनही आहे. बर्‍याच दिवसांनी सर्व आठवणी ताज्या झाल्या. कविता मिसळपाववर टाकल्याबद्द्ल खुप खुप आभार. मला तुमची अजुन एक कविता आवडते "तुला पाहिले मी फुले वेचताना...".
ग
गणा मास्तर Sun, 08/07/2011 - 17:57 नवीन
फार फार वर्षांपुर्वी मी दूरदर्शनवर एका मुलाखतीत ही कविता ऐकलेली. पुर्ण कविता वाचुन आनंद झाला. वर निळी कौले नभाची,डोंगराची भिंत ती ते नदीकाठी भटकणे,हीच शाळा व्हायची ह्या ओळी खरडवहीत जाउन बसल्या आहेत.
अ
असंका Wed, 07/01/2015 - 17:45 नवीन
सुरेख! धन्यवाद!