फुलांचा स्वर्ग – कास पठार !!

कास म्हणजे महाराष्ट्राचं Vally of flower आहे :) सुंदर!!!

फोटो अजून टाकायला हवे होते.
कासचा हा पुष्पोत्सव अजून १५/२० दिवस चालेल तेवढ्यात जाउन यायलाच पाहिजे.

सुहासराव... इथे हापिसातुन फोटु-शोटु दिसत नाहीत... पिकासवर टाकले नाहीस काय ?
असो... घरला गेल्यावर पाहीन. :)

अफलातून ठिकाण आहे हे.

एक वाईट गोष्ट म्हणजे तिथे बाटल्या नेऊन दारु पिण्याचं प्रमाण फार जास्त असल्याने, आणि विशेषतः फुटलेल्या बाटल्यांचा खच कास तलाव परिसरात असल्याने त्याला कास तलाव ऐवजी काच तलाव म्हटलं जात असे.

सुंदर फोटो आहेत. ह्या रविवारी म्हणे १५-१६ हजार पब्लिक होती तिथे. खुप नासधुस झाली अस झाल तर लवकरच त्या पठाराचे सौंदर्य नाहीसे होइल.

आजकाल महाराष्ट्रशासनाने त्या स्थळाला विशेष दर्जा दिला आहे.त्याठिकाणी कोणत्याही फुलाना स्पर्श करु दिला जात नाही,खुप पोलिस बंदोबस्त असतो.सदर ठिकाण सातारा जिल्हात असुन सातार्‍यातुन ३६किमी अंतरावर आहे.ह्यावर्षीचा हा फुल बहारण्याचा काल जवळजवळ संपला आहे. हे पठार अंदाजे ७००/७५० एकर परिसरात वसले आहे. ही सर्व जमीन खा.छ.उदयनराजे भोसले ह्याच्या मालकीची आहे.त्यामुळे तिथे त्यानी कोणतेही प्लॉटीग केलेले नाही. ह्या पठाराचे महत्व ते जाणुन आहेत म्हणुन त्यानी तिथे पक्के रस्ते बांधायला विरोध केला आहे्. हे ठिकाण गेल्या ८/९ वर्षात खुपच प्रसिध्दीस आले ते पण योगायोगानेच.

फारच छान..आम्ही प्लान कर्तोय mid October, Lets see जमत का ते.

जास्तीत जास्त अजुन ५ते६ दिवसात संपेल फुलांचा महोत्सव.पुढच्या वर्षी श्रावण संपत आला कि तयारी करा.

मस्त

सुंदर .

खुपच सुंदर फोटो आहेत सगळे. सगळ्यात जास्त २ व ३ नंबरचे फोटो आवडले. ;)

|| श्री गुरवे नम: ||

कासचं पुष्पपठार

दणकेबाज पाऊस संपून रिमझिम सरी पडायला सुरुवात झाली की एक निसर्गसुंदर आश्चर्य बघण्यासाठी साताऱ्याजवळच्या कास पठाराकडे फुलवेड्या निसर्गप्रेमींची पावलं आपसूक वळतात. दरवर्षीचा हा फुलांचा रंगसोहळा, कितीहीवेळा पाहिला तरी मनाचं समाधान काही होत नाही.

सातारकरांची तहान भागवणाऱ्या कास तलावाजवळचा हा विस्तीर्ण माळ, सातारा शहरापासून हाकेच्या अंतरावर. जांभा दगडाने बनलेला, काळाकभिन्न. सच्छिद्र. त्यामुळे यावर माती टिकून रहात नाही. मोठी झाडं उगवू शकत नाहीत, शेती करता येत नाही. पावसाळ्याव्यतिरिक्त इतर दिवसात इथे फक्त काळा कातळ दिसतो. ऑगस्टनंतर मात्र इथे निसर्ग मुक्तहस्ते रंग उधळतो. खडकावर थोडी ओली माती धरून राहिल्यावर त्यावर छोटीछोटी रानफुलं बहरतात. जणु पिवळा, गुलाबी, पांढरा निळा गालीचा पसरलाय असं वाटतं. गुलाबी तेरडा, पांढरे गेंद, पिवळी सोनकी, निळी `सीतेची आसवं’, नाव सार्थ करणारं मिकी माउस..... किती प्रकार सांगावे. आठ-नऊ वर्षांनी कारवी फुलते तेव्हा सगळीकडे जांभळ्या रंगाचं साम्राज्य असतं. आणि, फुलांचे आकार तरी किती छोटेसे ? काही फुलं तर सूक्ष्मदर्शक भिंगातून बघावी लागतात.

काही जातींची फुलं अगदी दुर्मिळ, मुद्दाम शोधावी तेव्हा दिसतात. दवबिंदूच्या (कीटकभक्षी ड्रॉसेराच्या) दोन जाती इथे आढळतात. कीटकाला आपल्या पाकळ्यांत थोडा वेळ बंदिस्त करणारं कंदीलपुष्पही अधूनमधून दिसतं. हबे अमरी, पिवळी अमरी, कंगवा अमरी अशा अमरीच्या (ऑर्किडच्या) आठ-दहा जातीही दिसतात.

निसर्गाची ही रंगपंचमी सर्वस्वी पावसाच्या प्रमाणावर अवलंबून असते. गेल्या वर्षी (२०१० मधे) श्रीगणेशचतुर्थीला फुलांचा बहर ऐन भरात होता. आम्ही त्या दिवशी पठारावर होतो. उत्सवाचा दिवस असल्यामुळे तिथे आमच्याव्यतिरिक्त कुणीही नव्हतं. या वर्षी मात्र गणेश विसर्जनानंतर फुलोरा सुरु झाला, कारण, पावसाने अचानक दमदार हजेरी लावली आणि बहरायला लागलेली फुलं कोमेजून गळून गेली. आणि आता ऑक्टोबरच्या सुरुवातीला हा सगळा बहर ओसरून जाणार.

_____________________________________________________________________________________

.

आत्ता दिसले रे... मस्तच आहेत फोटु. :)

झक्कास... ६ आणी ९ जास्त अवडले............. :-)

खुप सुंदर फोटो !

हे बघा
http://www.esakal.com/esakal/20110930/5328880787550606265.htm
इसकाळ वर सापडले.

मस्त वाटले फुले पाहून... बर्‍याच वर्षांची अतॄप्त इच्छा आहे तिकडे जायची.. अगदी तुम्ही वरती सागिंतलेले पुस्तक ही घेऊन ठेवलेय..
छायाचित्रे सुंदर ... कॅमेर्‍यातल्या फोकस चौकोनाला वापरून फुले फोकस केली असतीत तर काही (प्रचि. ४, ८-१२) अजुन छान आली असती... प्रचि ५,६ चे फ्रेमिंग आवडले...
धन्यवाद अनुभव मांडल्याबद्दल...

फोटो अप्रतिम्!खरोखरच सुन्दर आहे कास्.मला जायचे आहे तिथे या १५ दिव्सात.