हांडवो (बेक्ड्)

गणपाचा गेम करायलाच हवा आता.

काय रे हे अभद्र ? गणपाचा गेम केला तर पुढच्या पाकृ चे काय ? त्याची जागा घ्यायला तुमच्या डोक्यात फिट्ट आहे का कोणी नविन मेंबर ? का तुम्हाला तरी असा स्वयंपाक करता येतो ?

यावेळेस प्लेटेतल्या साहित्यात काही वस्तू कमी वाटतायत का?Wink

आमचाबी गोंधळ, घाई गडबड होतो अधे-मध्ये. ;)

हा हांडवो वरून थोडा कडक असेलही पण आतून मऊ होता की नाही?

अगदी. वरुन मस्त क्रिस्पी. आतुन हलका फुलका. :)

मला हवी असलेली कृती दिल्याबद्दल यावेळेस गंपाला माफ करण्यात आलेले आहे.

माफ केल्या बद्दल धन्स. ;)

हिंदी शब्द म्हणून आलेला नसावा. राई हा शब्द काही मराठी जातींमध्येही वापरला जातो असा माझा समज आहे.
उदा. माझ्याकडे रसचंद्रिका म्हणून माझ्या आजीने आईला दिलेले पुस्तक आहे. त्यात पदार्थास राई-निंबड्याची फोडणी द्यावी असे सर्रास म्हटले आहे. सारस्वत महिला समाजाने काढलेले हे पुस्तक ६० सालचे तरी निदान असावे (कदाचित त्याहूनही जुने असावे). लेखिका मला वाटते अंबाबाई संशी.

बाकी पाककृती छान.

पाककृती आवडलीच! गणपाला नमस्कार केलेल्या हातांचा परमनंट फोटो पाठवत आहे.. (उगाच दरवेळी तेच ते / तत्सम लिहितो.. पण नेहमी नवीन शब्द स्तुती करायला आणायचे कोठून :) )

बाकी सन्जोपराव,
राई हा 'सामान्य' शब्द आहे. हिंदीतील 'सरसों' साठी. त्यातील काळ्या सरसोंला आपल्याकडे 'मोहरी' म्हटले जाते. लाल सरसो, सफेद सरसों साठी मराठी नाव मला माहित नाहि. आपल्या बहुतांश पदार्थात सफेद राई वापरली जात नाही त्यामुळे राई ही लाल(सर) सरसोंसाठी (याचे दाणे जरा मोठे असतात) तर मोहरी ही काळ्या सरसोंसाठी वापरले जाते असे वाटते.

गणपा, राई हा शब्द वापरत जाऊ नका. मराठीत 'मोहरी' हा उत्तम शब्द आहे.

वर चित्रा आणि ऋषिकेश यांनी स्पष्टीकरण दिलेलेच आहे. ही काही उदाहरणे - राई हा शब्द मराठीतदेखिल वापरला जातो याची.

१) शाळेत शिकलेली एक कविता - खबरदार जर टाच मारुनी जाल पुढे चिंधड्या उडविन राई राई एवढ्या.
२) एक वाक्प्रचार - राईचा पर्वत करणे

पाकृ थोडी किचकट वाटते पण चवदार असावी. (कोणी आयती करून दिल्यास) खायला आवडेल!

हांडवोची पाककृती आवडली.

धन्यवाद सन्जोप राव. :)

गणपा, राई हा शब्द वापरत जाऊ नका. मराठीत 'मोहरी' हा उत्तम शब्द आहे.

अगदी लहानपणा पासुन हा शब्दच कानावर पडत आलाय. त्यामुळे राई या शब्दाबद्दल जो आक्षेप घेतलाय त्या बद्दल अधिक जाणुन घ्यायला आवडेल. काही चुकत असल्यास सुधारणा करण्यास नक्कीच आवडेल. :)

माऊताईंनी भले गंमत म्हणून प्रश्न विचारला असेल पण आमच्याकडे व्यवस्थित थंडी सुरु झाल्याने साधं दहीच १० तासांनी सेट होतय. तरी आत्ता रात्री लावून ठेवलेलं दही उद्या संध्याकाळी तरी आंबट होईल या आशेनं फ्रिजमध्ये टाकणार नाहिये. त्यानंतर मात्र हांडवो नक्की करणार.