पाककृती
बोटपेडव्याचा मोटला.
Primary tabs
साहित्यः-१)२०-२५ बोटपेडवे.
२)खवलेलं खोबरं.
३)हळद.
४)लाल तिखट.
५)एक चमचा धणे.
६)चिंच.
७)२-३ हिरव्या मिरच्या.
८)एक चमचा बारीक चिरलेलं आलं.(आवडत असल्यास जास्त घतलं तरी चालेल)
९)३-४ हळदीची पाने.
१०)१०-१५ तिरफळं.
११)मिठ.
कृती :-प्रथम बोटपेडवे साफ करून त्याला मिठ लाऊन ठेवावे.मिक्सरच्या भांड्यात खवलेलं खोबरे घेऊन त्यात
हळद्,लाल तिखट,धणे,चिंच व थोडे पाणी घालून जाडसर वाटून घ्यावे.नंतर त्यातच तिरफळं घालून एक
फेरा फिरवावा.एका भांड्यात हळदीची पाने पसरून लावावी व त्यावर धुतलेले बोटपेडवे पसरून ठेवावे. त्यावर
चिरलेल्या हिरव्या मिरच्या,वाटलेले वाटण,मिठ्,बारीक चिरलेलं आलं घालून हलक्या हाताने ढवळून घ्यावे.
त्यावर परत दोन हळदीची पाने ठेवून मंद गॅसवर १० मिनिटांसाठी शिजत ठेवावे.
बोटपेडवा... माश्याचा प्रकार असावा!
मोटला म्हणजे रस्सा किंवा तत्सम!
बोटपेडवे म्हणजे लहान पेडवे.व मोटला म्हणजे हळदीच्या पानात गुंडाळलेला असतो.व सुकं असतं.मी चपातीबरोबर खायला मिळावा म्हणुन जरा पातळं केलं होतं.
मस्तच.
पण तुमच्या पाककृती फोटोंमध्ये (प्रेझेंटेशनमध्ये) थोड्या कमी पडतात असे सांगावेसे वाटते.
तुम्ही फोटो जरा अधिक स्पष्ट, मोठे काढत जा असे सुचवेन.
घरातल्या दुधी प्रकाशातही फोटो अधिक आकर्षक काढता येतील असे वाटते.
(जिज्ञासूंनी माश्यांच्या इंग्रजी नावासाठी http://www.misalpav.com/node/6120 सुनील यांचे मत्स्यपुराण बघावे).
पोळी चुरुन खायला थोडा रस्सा पाहिजेच. :)
-दिलीप बिरुटे
सह्ही... मस्त पाकृ!