चिकन करी आणी स्पंज डोसा

चिकन अ‍ॅज युज्वल फटूंसाठी बघितले. एकदम कातिल !

डोशाचा मात्र पाकृसकट आनंद घेतला.
आवडला एकदम.

रच्याकने :- तवा / नॉनस्टिक पॅनला न चिकटणारा डोसा कसा करावा ह्यावर कोणी अमूल्य मार्गदर्शन करेल काय ? स्वतः केल्यावरती अखंड डोसा खायचे भाग्य अजून मिळालेले नाही :(

चला आता इथे बेडेकर संडे मसाला शोधणे आले.

झक्कासच आहे एकदम चिकनकरी अन डोसा :)

झक्कास.... डोसा तर हटके आणि अप्रतिम :) :)

.

चिकन करी आणि डोसा लई भारी! मी बहुदा याच पद्धतीने चिकन करी बनवते. मस्त झणझणीत, मसालेदार ग्रेव्ही होते.

चिकन करीची पाकृ छान आहे. ग्रेव्ही एकदम चविष्ठ होत असेल यात शंका वाटत नाही.

ही पाकृ म्हणजे करीना कपूर!

इतकं सुंदर बनवायचं.
मग त्याचे फोटो काढायचे.
मग ते इथे डकवायचे.
मग ते आम्ही पहायचे.
अन घरी जाऊन मुगाची खिचडी खायची???

निषेध!!

अप्रतिम... आता लगेच तांदुळ भिजत घालते. म्हणजे रात्री वाटल्यावर सकाळी करता येइल. इथे पण पीठ लवकर आंबत नाही. म्हणुन मग मी ओव्हन ५० degree किंवा सगळ्यात कमी temp ला १० मिनिटे गरम करते आणि मग त्यात ते वाटलेले पीठ ठेवायच. दुसर्‍या दिवशी पीठ मस्त फुगलेले असते. मी इडलीच पीठ नेहमी असच करते. तु पण हे ट्राय करुन बघ, छान होत पीठ.

चमचे मिस केले या वेळेस :)

याबरोबर चालेलशी एखादी शाकाहारी भाजी दे की गं!
मी लगेच करून पाहीन.

गरमा-गरम स्पंज डोसा तयार आहे. तुम्ही हा कोणत्याही चटणीसोबत सर्व्ह करु शकता. मी हा चिकन करीसोबत सर्व्ह केला आहे

फटु, विशेषतः शेवटचा, जिवघेणे आहेत.

सुंदर सादरीकरण

एकतर नेहमी नेहमी नविन पदार्थ , सांगण्याची पध्द्त, सर्व साहित्याचे आकर्षक भांडी वापरुन काढ्लेले फोटो ,स्टेप बाय स्टेप पाककृतीचे फोटो, आणि ह्या सगळ्यावर कहर असतो तो फायनल फोटो ......

_/\_ दडंवत _/\_

कोंबडीची पाककृती खल्लासच आहे. अभिनंदन.

स्पंज डोसाची माझी पद्धत वेगळी आहे.

२ वाट्या बासमती तांदूळ
१ वाटी उडिदाची डाळ
१/२ वाटी जाडे पोहे
१/४ चहाचा चमचा मेथी दाणे.

हे सर्व एकत्र करून ४-५ तास पाण्यात भिजवून ठेवायचे. नंतर पाणी फेकून देऊन मिक्सर मध्ये कमीतकमी पाण्यात एकदम मुलायम वाटून घ्यायचे. नंतर ते वाटलेले पीठ ८-१० तास झाकून आंबवायला ठेवायचे . फुगून दुप्पाट होते.
थंडी जास्त असेल तर वरती, Mrunalini ह्यांनी सांगितल्या प्रमाणे ओव्हन पद्धत वापरावी किंवा पीठाच्या पातेल्यावर दुसरे एखादे पातेले गरम पाण्याने भरून झाकून ठेवावे. पीठ फुगून येते.

दुसर्‍या दिवशी त्या पीठात चवीनुसार मीठ घालून गरजेनुसार पाणी घालावे आणि डोसे करावेत. छान होतील.

ह्यांनाच स्पंज डोसा किंवा सेट डोसा किंवा भरपूर बटर सोडल्यास दावणगीरी बेने डोसा म्हणतात.

काळ्यावाटाण्याच्या उसळीबरोबर तसेच कोंबडी किंवा मटणाबरोबर भन्नाट मजा येते.

सानिका, मस्त पाकृ. थंडी वाढली की इथेही पीठ आंबवणे त्रासाचे पडते. सोडा घालून डोसे करायची आयडिया छान!

रेवती (ताई/काकू),

इकडे अमेरिकेत काळे वाटाणे कुठे मिळाले?

सानिका,

पाकृ छान आहे, स्पॉन्ज दोसा नक्कि बनवून बघेन, पण एक प्रश्न आहे, सोडा घातल्यावर दोसे लगेच बनवायचे की ते पीठ आंबवायचं आहे?

मूळ पाकृ आणि पेठकरकाकांची व्हर्शन विथ शाकाहारी वाटाणा उसळ.. दोन्ही इक्वली कातिल.. :)

वा झक्कास.