चिकन किसाडिया / किसादिया (Quesadilla)

साहित्यः ४ तोरतीया तयार ड्राय चिकनचे तुकडे स्लाईसेस करुन (तंदूरी चिकन, बार्बेक्युड चिकन, मराठमोळा ह्यांचे पेरी-पेरी चिकन सुध्दा चालेल :) ) एका कांद्याच्या पातळ चकत्या करून घेणे १/४ वाटी बारीक चिरलेली कोथिंबीर ३-४ हॅलेपिनो मिरच्या चिरून ( आवडीप्रमाणे कमी-जास्त) हिरव्या भोपळी मिरचीचे तुकडे आवडीप्रमाणे (रंगीत भोपळी मिरच्याही वापरू शकतो) १ वाटी किसलेले चीज (मी Cheddar चीज वापरले आहे तुम्हाला जर का मेक्सिकन Montary Jack मिळाले तर उत्तम) १ वाटी तयार टोमॅटो सालसा (विकतचा नाही मिळाला तर टोमॅटो बारीक चिरुन त्यात बारीक चिरलेला कांदा, चिरलेल्या हॅलेपिनो मिरच्या, १ टेस्पून लिंबाचा रस, चिरलेली कोथिंबीर, चवीनुसार मीठ, चवीनुसार काळीमिरीपूड, १ टेस्पून ऑलिव्ह ऑईल, आवडीप्रमाणे ऑरेगॅनो घालून एकत्र करावे.) १ वाटी तयार ग्वाकामोली (पाकृ http://www.misalpav.com/node/19324 ) पा़कृ: एका नॉन-स्टीक पॅन मध्ये किंचित तेल घालून त्यावर १ तोरतीया ठेवावे. तोरतीयावर किसलेले चीज, कांद्याच्या चकत्या, भोपळी मिरचीचे तुकडे, चिरलेल्या हॅलेपिनो मिरच्या ,चिरलेली कोथिंबीर, तयार टोमॅटो सालसा, ग्वाकामोली व चिकन स्लाईसेस घालावे. (सालसा, ग्वाकामोली व चीजमध्ये मीठ असल्यामुळे वेगळे मीठ घातले नाही) त्यावर दुसरा तोरतीया ठेवावे व उलथण्याने किंवा लाकडी चमच्याने हलके दाबत रहावे. २-३ मिनिटे एका बाजुने शेकून उलथण्याने उलटावे व दुसरी बाजू शेकून घ्यावी. ताटात काढून त्याचे सुरीने त्रिकोणी तुकडे करावे. टोमॅटो सालसा किंवा ग्वाकामोली बरोबर सर्व्ह करावे. नोटः शाकाहारी लोकांनी ह्यात चिकनऐवजी रंगीत भोपळी मिरच्या, झुकिनी , रिफ्राईड बीन्स (पिंटो बीन्स किंवा राजमा वापरुन बनवलेला सालसा), कॉर्न, कुठल्याही भाज्या घालून बनवावा. नुसते चीज, टोमॅटो सालसा , ऑलिव्हज घालून ही बनवता येते. चिकनऐवजी प्रॉन्स, मटण , बीफ /पोर्क खात असाल तर ते घालून ही बनवता येतं. आवडत असल्यास Sour Cream ही घालू शकता.