दुधपोहे

झटपट नाश्टा बनवण्यासाठी व भुक भागविण्यासाठी दुधपोहे उत्त्तम पर्याय आहे.

कॉर्नफ्लेक्सचा कंटाळा आला तर त्यावर हा राइसफ्लेक्सचा पर्याय चांगला आहे!

मात्र पातळ पोह्याऐवजी जाड पोह्याचे (आधी थोडा वेळ भिजवून घ्यावेत) दुघ-पोहे चांगले होतात असा स्वानुभव आहे.

दूधपोहे हे खरंतर सोप्प आणि डाएटींगवाल्यांचं खाणं म्हणून मान्यता पावायला हवं.
मी साखरेऐवजी गूळ वापरते एवढाच काय तो बदल.
बाकी दही पोह्यांचीही आठवण करून दिलीच आहेत तर लगेच करते.
तळणीची मिरची किंवा हि. मिरची, कोथिंबीर घालून.;)
मिपाचे स्वयंपाकघर बर्‍याच पाकृंनी समृद्ध आहे.
बॅचलरांनी (किंवा थोडेफार बॅचलर असणार्‍यांनी, उदा. कुंदनभाऊजी ;) ) आता दही, मिरची, कोथिंबीरीसारख्या वस्तू फ्रिजात ठेवावयास हरकत नाही असे सुचवते. ;)

मस्त. एकदम लहानपणीची आठवण झाली. उद्या सकाळी लेकीला देउन बघते.

होय रेवती आजै म्हणते तसं दुध गुळ पोहे हे एक आदर्श डायट आहे,

ही अशी अनवट रेसिपी दिल्याबद्दल अभिनंदन !! झकासच !! कौतुक करावं तितकं कमी.

जाडे पोहे मायक्रोवेव मध्ये तीन चार मिनिटे हाय वर भाजायचे आणि नंतर मिक्सर मध्ये बारीक दळायचे . ते पोहे दुध गुळ घालून खायला जास्त खमंग लागतात ---अजित जी

कृपया हा पदार्थ अंडे वापरून कसा करावा हे सांगता येईल का ?
:-)

अहो मायबापहो! ही रेसेपी कमीतकमी वस्तू/ जिन्नस वापरून करण्यासाठीची सोपी पाककृतीच ठेवा. उगाच मालमसाला वापरून का उगा या रेसेपीला पंचतारांकीत करताय?

जास्त पदार्थ वापरलेतर "पोह्यांची ओली गोड भेळ" होईल ती. त्यासाठी वेगळा धागा काढा.

छायाचित्रे आंतरजालावरून उचललेली असल्याने त्यात निवड करणे अवघड होते. आणि तसेही पोहे जाड असो पातळ असो पोटात भुक लागल्यानंतर कसली आलीय निवड!

झटपट नाष्टा उपलब्ध असणे ही काही वेळा शरीराची गरज असते. आपली जीभही त्यास परवानगी देते व आहे त्यात साजरे करणे महत्वाचे ठरते. त्यावेळी केवळ कमीतकमी जिन्नस घेवून पोटपुजा करणे योग्य असते. तसे पात्र सजवायचे झाल्यास काहीही पदार्थ टाकून, भर घालून सजवू शकतो यात वाद नाही.

दूधात भिजवलेले जाड पोहे घ्यायचे. त्यावर गरम गरम दूध ओतायचं आणि आईचं लक्ष नाहीसं पाहून चांगली जाड साय ओढून घ्यायची पोह्यांवर. आईने बघितलंच तर 'च् च् च्.....चुकुन पडली' असं चेहरा पाडून म्हणायचं. अहाहा..! रम्य ते बालपण.

मला तर हा प्रकार नविनच आहे , मी कधीही असे पोहे खाल्लेल्ले नाहीत आजपर्यंत !
एकदा ट्राय मारायला हवे आता :)

चला आता इथे पोहे, दूध आणि साखर कुठे मिळते ते शोधणे आले ;-)

वा वा.

बादवे,

हे पाहून ब्याचलरीतले, विशेषतः बिनमेसच्या हॉस्टेललाईफातले बनकेळे, बिस्कीटखीर, पापड सँडविच वगैरे पदार्थ आठवून अं. ह. झा.

"धुतलेले जाड तांबडे पोहेच" छान वाटतात. पण आजकाल बाजारात सगळीकडे पांढरे पोहेच असतात. पूर्वी तांबडे पोहे कोकणात गावी लावलेल्या तांबड्या भातापासून घरीच बनवले जायचे. पण आजकाल गावी सुद्धा "तांबडे तांदुळ" हद्दपार झालेत आणि त्याबरोबर तांबडे पोहे (अन तांबड्या तांदळाची पेज).

धन्यवाद रे सच्या !!

अरे बाबा , ते मुक्तीधाम च्या शेजारच्या मिसळीच्या ठिकाणाविषयी लिहीणार होतास , त्याचे काय लोणचे घातलेस का ? ;)

ह्यावर एक खमंग पेढा चुरुन घालावा..आहाहा

अमेरिकेत दुधाला जाड साय येत नाहि :(
आत्ता काय करु?