पाककृती
लसूणी डाळ पालक
Primary tabs
साहित्यः
१ वाटी पिवळी मुगाची डाळ धुवून, ३० मिनिटे भिजवणे. प्रेशर कुकरला लावून शिजवून घेणे
२ वाट्या बारीक चिरलेला पालक
१ छोटा कांदा बारिक चिरलेला
१ टोमॅटो बारीक चिरलेला
२ हिरव्या मिरच्या बारीक चिरलेल्या
२ लाल सुक्या मिरच्या
कढीपत्ता
१ टीस्पून जीरे
१/४ टीस्पून हींग
१ टेबलस्पून बारीक चिरलेला लसूण
१ टीस्पून बारीक चिरलेले आले
१/२ टीस्पून हळद
१ टेबलस्पून लिंबाचा रस
मीठ चवीनुसार
तेल / साजुक तूप
पाकृ:
एका भांड्यात तेल किंवा तूप गरम करून जीर्याची फोडणी करावी.
जीरे तडतडले की त्यात लाल सुक्या मिरच्या, हींग, कढीपत्ता घालावा.
त्यात बारीक चिरलेला लसूण , आले व हिरव्या मिरच्या घालून परतणे.
आलं + लसणाचा कच्चा वास गेला की त्यात कांदा घालून गुलाबी रंगावर परतणे.
कांदा चांगला परतला की त्यात टोमॅटो घालून तो मऊसर शिजवून घेणे.
आता त्यात बारीक चिरलेला पालक , हळद व मीठ घालून ५ मिनिटे शिजवणे.
त्यात शिजवलेली मुगाची डाळ व आवश्यकतेनुसार पाणी घालून उकळी काढणे.
उकळी आली की ५- ७ मिनिटे आणखीन शिजवणे.
लिंबाचा रस घालून मिक्स करणे.
आणखीन लसणाचा स्वाद हवे असल्यास वरुन थोडे अजून चिरलेले लसूण व लाल सुकी मिरचीची फोडणी ओतावी.
ही डाळ तुम्ही जीरा राईस, साधा भात, नान किंवा रोटी बरोबर सर्व्ह करु शकता.
ह्या शनिवारी करुन बघेन....
अच्छा ? मी तुरडाळीच करते.
चला करुन पाहु. बाकि भारी हौस हो तुला. बादलीभर डाळ्पालक!
लेकाच्या हट्टापायी , त्याचा कसला हट्ट माझीच लहानपणीची स्वप्नं त्याच्या नावावर खपवतोय्,असली एक बादली आणली आहे घरी, तेंव्हापासुन रोज साधं वरण , आमटी, कढी सगळे पातळ पदार्थ त्या बादलीतुनच सर्व्ह होतात घरी, आता हा एक प्रकार करुन पाहेन.
कुठल्याही डाळीवर लसुण आणि मिरचीची वरुन दिलेली फोडणी जाम आवडते. त्यामुळे हा प्रकार तर अतिशय आवडला आणि हा माझ्यासाठी तोंपासु आहे.
मस्तच.............नेहमीप्रमाणेच......
बादली आवडली, मी ही घेउन येते एक छोटी बादली, तेवढेच हॉटेलमध्ये जेवल्यासारखे वाटेल..:)
टाकल्याने अनेकांना आनंद झाला असणारच.
असो.
बाकी नेहमीप्रमाणेच.
XXXXXXXXXXXXXXXXXXXXXXXXX
XXXXXXXXXXXXXXXXXXXXXXXXXXXXXXXXXXXXX
XXXXXXXXXXXXXXXXXXXXXXXXX
XXXXXXXXXXXXXXXXXXXXX
XXXXXXXXXXXXXXXXXXXXXXXXXXXXXXXXXXXXXXXXXXXX
फोटो दिसले नाहीत... मजकूरही दिसला नाही.. म्हणून जळजळ झाली नाही. :-)
मस्त !!
एकदम मस्त :)
आता अळुचे फतफते करा
बाकी काही असो हे नाव मात्र अतिशय गलिच्छ आहे !!!
पहिला फोटू पाहिल्या पाहिल्या,एकदम गरमा/गरम भाताबरोबर,पापड/लोणचं घेऊन सुरवात करावी,असं वाटतय. ....
बाकी नेहमी प्रमाणे उरलेल्या सर्व गोष्टींसाठी आमचा तुम्हाला विनम्र शॅल्युट.
नेहमी प्रमाणेच, चवदार, टेसदार, खमंग, पौष्टीक, क्षुधावर्धक, यज्ञकर्मातील समिधा..... इ.इ.इ. पाककृती. अभिनंदन.
झकास !!
__/\__
सानिकातैचे घर असावे शेजारी.
सानिकातैचे घर असावे शेजारी
हे ठिक. पण पुढे
रोज रोज शाकाहारी पदार्थच (पनीर आणि मश्रुम सोडुन) बनवावेत.
असे लिहून टाक.
व्हा बाजूला.... ;)
आम्हाला सगळं चालतंय वो सानिकातै, न-खरे नाहीत आमचे कसले. ;)
सानिकातै बनवणार असेल तर आपण नॉनव्हेज देखील खाऊ.
मलाही कोणत्याही डाळीला लसुणाची फोडणी दिलेली जाम आवडते.
आता इथे पालक शोधणे आले.. ;-)
तुम्ही तुमच्या पालकांपासुन दुर आहात हे खरे पण नवे पालक शोधणे म्हंजे........
नेहमीप्रमाणे मस्तच
पाककृती मस्तच नेहमीप्रमाणेच.
ग्रेट!
गरम भात आणि डाळ पालक , अगदी आवडता पदार्थ :)
आवडली
आवडली
यम्मी! फोटो पाहून सकाळी ९ वाजताच भूक लागली.
ती लसूण आणि सुक्या मिरच्यांची फोडणी बघूनच आत्मा थंड झाला...